لماذا فترة الثلاثينيات صعبه بعد ان تصبح متزوج وعندك اولاد
لماذا نصبح فى حيرة واحساس بالركود ونفقد احساس الحب
وفى بعض الاحيان نبحث عن شخص نحكى معه وفى بعض الاحيان يحدث علاقه حب هى بالاحرى ليست حب ولكن ربما تكون نزوات
لماذا فترة الثلاثينيات صعبه بعد ان تصبح متزوج وعندك اولاد
لماذا نصبح فى حيرة واحساس بالركود ونفقد احساس الحب
وفى بعض الاحيان نبحث عن شخص نحكى معه وفى بعض الاحيان يحدث علاقه حب هى بالاحرى ليست حب ولكن ربما تكون نزوات
مامجربه الحب فعليا بحياتي الواقعيه
اترك الساحه للي مجربين نستفيد منهم
متابعه بما ان مزاجي برتقالي اليوم
مرحبا ...
هذا البوست عن عذاب الضمير ، عن الشعور بالفصام ..بين الاشتياق للعزوبية و حريتها ..و بين الوفاء للزوجة و البيت ..و هذا كله برعاية مفهوم " الملل"..
سأطرح هنا سؤالا ًً...هل فكرت ان زوجتك تعاني من نفس الاعراض ..اقصد الملل ..
هل كنت لتتقبل ان تبحث عن شخص اخر لتقضي معه وقتا قد يؤدي الى مشاعر ، تسميها انت في نهاية ما كتبت " نزوة " ؟
كلنا من الممكن ان نمل من كل تفاصيل حياتنا ..البيت ، العمل ، ملابسنا التي نحب ، اصدقاؤنا ، و ليس شركاء الحياة بمعزل عن هذا الشعور ...لكنه ليس مبررا ابدا لبدء مشاريع نزوات نعلم انها تكون في الظلام لأنها غير مبررة الا من انفسنا .
نصيحة ...لا تقدم على ما لا يجعلك فخورا امام نفسك و الاخرين ..
عائلتك هم سندك ..و الملل اتفه المشاكل ..فلا تجعله قائداً لأعظم الاخطاء
الملل شعور مؤقت اذا احسنا التعامل معه ..تذكر ذلك .
دمتم بخير .
ـ ـ
مع جل أحترامي مجرد اواهم نقنع الانفس بيها ..
صار ركود .. صار روتين مكرر .. صار ملل ..
المسألة نفسية قبل ان تكون عاطفية او رومانسية
- اذا كان اكو اطفال فالام هنا ..
تركض ورة اطفالها .. الاهتمام كثر من ناحيتهم قل من ناحية الرجل
الله يساعدها تركض ورامن او ورامن ..
من ناحية تربية الطفل او اعمال البيت او الوظيفة ( أذا كانت موظفة ) .
بالتالي الرجل يحس اكو نوع من الاهمال بخصوصيته او الاهتمام بي قل
عزيزي انت جيبلها خدامة او على الاقل ساعدها و لو بشي قليل ..
و شوف الحب شلون يرجع مثل قبل في مرحلة العشرينات
- اذا كان ماكو اطفال
هنا يدخل عنصر الملل مثل مذكرت الدكتورة فيري سابقا
و اختصارا للشرح المطول ..
بكل الحالات الحب موجود و مينفقد مثل ما عبرت عنه حضرتك
لكن مجرد يحتاجلة تغيير في روتينك اليومي ..
اما الركود في الاحساس ..
أمثله الك مثل كاس العصير من تتركه راح يتجمع كله بقاع الكاس
يحتاجله تحريكه من مكانه و تخلطة من جديد
يرجع طازج .. نفس الحال تعكسه على الاحساس الراكد
مجرد هيج مشاعره و اطلع سفرة او شي من كل كَلبك
و شوف النفسية راح تغيير اوتماتيكيا ..
هسه نجي من ناحية الفضفضة ..
طبعا اذا تحس بالركود و العزلة والوحدة اللي انت بيها
ومتكيس داخلها من الطبيعي
ماكو انسان يتحمل هالشي و يحتاج شخص يبوحله بما يجول بخاطره
و هذا يرجح كلامي من ناحية المرأة ذات الاطفال ..
:
هسه وصلنه لنقطة الاساس
واللي هي العلاقة الثانية ..
كدامك خيارين حسب تعبيرك
- اذا كانت علاقة حب .. شخصيا كــ رجل ما اكلك اشجع
هذا التصرف بس مرات تحدث امور تخلي القلب ينفتح امام
شخص ثاني و هاي في حالة الحب الحقيقي و طبعا كون تنوي على مشروع زواج ثاني
و مو اكلك تبطل من حب الاولى علمود جنابك ترتاح ويا الثانية
لا حاول ان تعدل بيناتهن هاي اذا طبعا كانت النية صادقة ..
- أما تكَول هذا الحب كان ( نزوة ) أحب اكلك فكر بالموضوع مرة ثانية
لان بكل بساطة كما تدين تدان و النزوة اللي دتحجي عنها ممكن يكون الها
تأثير عكسي لان بنت الناس اللي علقتها وياك هم بشر
و كسر الخواطر شي عظيم ..
و ثق اذا حجيت ويا أمراة غير زوجتك لا تظن مراح تحس بيك
لا عزيزي المرأة المتزوجة مثل لبوة الاسد
تشم ريحة غيرها على بعد ترليون متر
مجرد النظرات بيناتكم اذا تغيرت راح تحس بيها
مو الا ركود و فضفضة و نزوة
فأبقى يم عائلتك و لا تخسرهم
لان محد راح يوكف وياك غيرهم
واذا نويت على الثانية صير كَدها
احترامي الوافر مع الود
ـ ـ
اتوقع انت تعرف الاجابة عن الاسئلة اللي ذكرتها لكن ماعندك جرأة تسمعها لنفسك
خلي ابدي من نهاية موضوع ( تبحث عن حب ثاني لكن مو حب انما نزوة )
انت بهذه الحالة او انتو تعيدون نفس الخطأ الاول عند اختيار الزوجة الاولى
الاغلب تزوج لان الاهل يريدون او لان تحتاج احد يأديلك خدماتك طبعاً تكون متحمس لفكرة الزواج بالبداية لان داخل على حياة جديدة
و موضوع جديد لكن من تبدي المسؤوليات تزداد يبدي الملل وتبدي تلمس نتائج خطوتك الخاطئة وهي الزواج لتلبية احتياجات سطحية
وليس الزواج بالوقت المناسب و الاستعداد الحقيقي من الانسانة اللي فعلاً تستحق ان تشارك الحياة
عمومًا العلاج مو باللجوء للنزوة او حتى الزواج الثاني لان ممكن تكون خطوة مؤقتة و مخدرة
لان مرحلة الثلاثين عادةً تكون بيها مسؤولية الاولاد أكبر كونهم باعمار تحتاج لانشغال الطرف الاخر بيهم أكثر
لذلك الامور تحتاج صبر و نقاش ومشاركة
بالتوفيق
نفس غياهب ما عدي خبرة بهالموضوع
لكن هو طبيعي هالشيء و السبب يبدي سن الكهولة هالسن متعب
و يكون اكثر شيء يميل للاستقرار
بعض الاشخاص يصير عدهم ضجة او النزوة
و بهالعمر مصيبة تعتبر اذا مكون اسرة
لان جاي يدمرها و الله اعلم
و الباقي عند الاخوة يشاركونا الراي
ومن هنا بدأت فكرة تعدد الزوجات حتى مايصير ملل
رد مع اقتباس
