اذا متريدني ومابيك جيه
وما مر بــيـڪ ضيم المار بــيـه
لتخليني حــآيـر بـيـن الاثنين
لــوٓ اتانيك لــوٓ اتاني المنية
اني اتمنى اكلك عايش بــخـيـر
بَــس المشكله امبين عليه
صح شوية جنت اشاوف وياك
بس الشفته منك موو شوية
گبال العلي دور زلة لسان
سولفت الالي والمو الــيـه
سألوني على گلبي وكلت خالي
وعشت احساس واحد لـآ ابالي
بس ماطولت عرفوني مشتاگ
مــن فكرت بــيـڪ بصوت عالي
انا لــومــآ مرخص روحي وياك
وغلاتك ماصرت هالكثر غالي
واضحك والفراك يگود بــيـه
مدري ليا مذله ويــآ اذيه
حيلي ، وهيبتي ، ودمعات العيون
خلصن بَــس معزتك ذيچ هـيـه
كبر بــيـه الصلح حد التواسيل
و أنــا مــآ حامله مــن چــآن نيه
حقك مــآ مجربها الحرامات
ولـآ خنگتك مـره المغربية
ولا عايش احساس اليبچي بسكوت
تخنگ بالدمع ويفضحك الصوت
گدامك بشر بسنينك يعيش
مو حَـقـي مــن اكلك مشتهي الموت ؟!
انا بآخر نفس وتحرك الباب
وتمنيتك أنــت ولـآ هوا يفوت
المهم خلصت القصه وهايهيه
بوشالة نظر وعناد ريه
و ورقه مشگگه مــن دموع العيون
وقلم مــآ مستقر يرجف بيديه
خلصت القصيده وضل نقص بيت
هــذآ البيت تلگاه بالوصيه !!
....
رد مع اقتباس
المشاركة الأصلية كتبت بواسطة زْهـرٍآء
