ڪتلها نسيت وگالت تچذب
أنتَ أول ابنادم يعرگ من يحب
والـ مثلك يتيه بـ عالم النسيان
مثل ذاك الضَوه الـ يختنگ بـ المغرب
ڪتلها بَعد للسفر ماكو شراع
خايف نغرگ وما نگدر نچلب
وڪتلها بَعد حيلي أنچفه وما فيد
ڪالتلي السيوف الـ باشطه تحدب
وڪتلها فقير شعاجبچ بـ العوز
ڪالتلي الفقير بـڪلهن معزب
وبچت وأسمعها ڪالت لو إلك لو اموت
ڪلتلها الحچي الـ ما يَنحچي يتعب
مو صاحب طويله وڪلبي عايش خوف
وتفززه القطره الـ تَنزل من الحِب
وڪالتلي صبر يعقوب وايوبين
متانيتك بعدني وعـ الهلال أحسب
وهاك أخذ القلم وأكتب وهنه اثنين
لو ورقه وفاتي لو عقد تكتب
وما فاد الحچي ورديت لـ أول بيت
وڪتلها نسيت وڪالت تچذب
....
رد مع اقتباس
المشاركة الأصلية كتبت بواسطة فتاة الهدئ
