انــا بـنــت ذلـك الـفـقـــيــر - الــبــارت الــتــاســع و الــعــشــريـن
هيام : ربي كولشي ماريد بس اشوفه
صافية سماء بعقوبة و وجه بارق ارسمه بنجومها و اطمن گلبي
مر شهر و نص و احنا بمنطقة المفرگ بديالى هدأت الاوضاع بس ضاع عراقنا و دخلوا الامريكان بكل مكان خراب همراتهم متعرف حرم بيت لو حرم مدرسه لو حرم مسجد قواعدهم بكل مكان
بدت العالم ترجع لمناطقها فارگنا ديالى و ناسها الطيبين ابد مننسى وكفتهم ويانة و موقفهم بحياتي مراح انسى هاي الايام
رجعنا بغدادنا الحزينة خراب بخراب الاماكن مو نفسها الناس مو نفس الناس بس بيتنا هو هو
ابو هيام : هلاا ابو زياد شلونك اخبارك
هيام : بطريقنا شفنا عمي جاسم .بالقصف طلعوا قبلنا حتى مجوي سألونا شنريد منريد شنحتاج ابوية يحبه اخذه بالاحضان و بوسه.
محمد : هنا الفگر و يكولك اتغير العراق وربج يمةة تتغير الحكومات وتبقى نفوس هيج ناس متتغير
ام هيام : اششش عيب يمةة هذا عمك
نور : يووم عمنا بالاسم بس
هيام: تركنا ابويةة ورانا يم عمي و طبينا للبيت ماكو اجمل من بيتك حتى لو جان خيمة
و مـرت الايـام ابالي يم بارق سمعنا هـواي طلعوا خارج العراق من اولاد الحزبيين و منهك نكتلوا اشكال اخبار تجينا و همي يكبر يوم عن يوم اموت يوم عن يوم لو سافر لو مات و بالحالتين داموت
نور : برائيج نعيد السنة
هيام : مادري ماعتقد هي مبقالها شهرين و تخلص و صارت الحرب
نور : اموت اذا عادوها يمةةة و اكعد اقرا المواد من جديد
محمد : ع شنو يعيدوها هي بقت بس الامتحانات
ام هيام : محمد ابوك وينه
محمد : عفته گاعد يم جيرانه ابو طارق بالباب هسة اروح اشوفه
هيام : يمة ابوية مختنك من الگعده الشغل وكف صار فتره
ورا عشر دقايق طب محمد يصيح
محمد : والله لااااذبحةةةةة ووووين السجين
ام هيام : يمةةة اسم الله محمدددد
هيام : طفرنا ورا محمد ما مفتهمين شكوو نريد نلزمه مينلزم من الاعصاب طلع يركض بيده السجين و امي تركض ورا حافية
نور : شكوو هيام شبييي محمد عفية شصاير راح يكتلمن
هيام : واگفات نتراجف بالباب يارب رحمتك شديصير
نور : ارووح اشووف بعد ماااكدر
هيام : تعااالي ليصير بيج شي
نور : ولج امي و محمد مرجعووا ماتحمممل
ام هيام : يذبحووك و اموت ورااك يذبحوك عليمن طالع اعصاااب شلوون محمددد اموووت شلوون.
هيام : رجعوا و امس تسحل بي و تضرب ع ضهره
شصاير شكوو
محمد بصراخ : جااسم عمنااا مكفانااا شره قبل هسه خله ايده بيد الامريكااان و ديستقوي بيهم علينااا
يمةةةة بالقراان ادفنه ترااا تعبنا منهم كاااافي
ام هيام : ياخذوك ولك الامريكان اذا اخذوا بشر ميطلع عود وين انطي وجهي و بناتي وين
محمد : مو اخذووو ابويةةة هوو هذا هم عم احجي يمةةة هذاا عممم
نور : انهاريت بالبجي من ورا حجي محمد
يمةةة ابويةة هسه اشلوون.
ام هيام : مادري مااادري شبيدنا عليهم وين انطي وجهي هالمرة الامريكااان
محمد : اتغيررنااا لاا متغيرنااا بقت الناااس الظالمة بظلمهاا يخلون ايدهم بيد الشيطان في سبيل اذيتناا مو جان ضابط مووو اشووو هسه ايده بيدهم
يمةةة ميصير براسنا خير .. مو الحكومات ظلمتنااا مو هي جوعتنه.. الناس الس منا و بينااا دتملخنااا .. ثقي بالله اذا ميموت عمي و امثاله لتشوفين العراق بانگس وضعيه ... و اذكرج ..
هيام : محمد منهار و يصيح و امي تبجي حضنت خواني الصغار صدوك تعبنا شمسوين لعمي ليش هيج
مرت ايام متنا جوع وضع العراق تلف و ابوية ماكوو نطبخ ع الحطب
محمد طلع للسوك يبيع جاي مكدر يكعد بالبيت و مابي اكل كل يوم ع هالحال حتى نستمر و نعيش
نور : يمةة جوعانه
ام هيام : اكو خبز سدي جوعتج بي
نور : بس خبزز بسس مو متت جووع
ام هيام : كولي الحمدلله اكو ناس ملاگية الخبز
نور : بس احنا ملاكين الخبز يووم الناس دتعيش و تبوك و تنهب بس احنااا
ام هيام : اجويج بلسانج اذا تعيدين هالحجي و اذا تفكرين هيج
نور : يمةةة يمةة
كعدت بحضنها و ابجي من الجوع
هيام : كومي ام لسان اكو خباز ورا البيت خلي نحوشة و نگلي الصغار همين ماتو جوع
نور : من الجوع اي شي كدامي اكله حتى اذا حشيش گمت وية هيام نگطع بالخباز غسلناه و طبخناه
ام هيام : عيوني يمةةة الله يساعدك
محمد : و يساعدج
نور : هلااا جايب مسوااااك .
محمد : زين اليوم الحمدلله مشى الشغل و انرزقت
ام هيام : عاشت ايديك يمةة .. الله يحفظك و يحميك
هيام : اتحمل مسوؤلية بيت محمد رغم صغر سنة و رغم الاوضاع المتدهورة
مر اسبوعين و صار افراج للمواطنين الي اخذوهم الامريكان
طلعنا بنص الشارع نركض ع ابويةة نبوس و نحضن بي طبينا للبيت گعدنا حوله ضعفان السجن هاد حيله
ابو هيام : لعد محمد وين
ام هيام : بالشغل ابنك شال البيت
ابو هيام : شغل شديشتغل ام هيام و الوضع مهجوم
نور : يبيع جاي بالسوگ يابة
ابو هيام : اگوم ادور عليه السوگ مو امان الامريكان بكل مكان يشيلون ياهو يجي ابالهم
ام هيام : اكعد ارتاح هسه اجيت انت ماعليه شي ابنك صار رجال هسة يجي
هيام : الفگر نفس الفگر قبل والا بعد و عمي و امثاله بقوا هم هم بظلمهم بقى المسكين مسكين و الغني بغناه و الظالم بظلمه مو
الامريكان الي يجيبون الخير؟؟ و احنا اهل الخير اذا ماغيرنا الي بنفوسنا مراح نشوف خير بحياتنا
بدت تتشكل حكومة ع نهاية العطله قررت وزارة التربية و التعليم اجراء الامتحانات و تسهيل امر الطلاب بدون اعاده السنه
گعدنا نقرا للامتحانات و اخيرا راح اشوف بارق
رحت اول يوم الامتحانات الكلية تختلف موحشة
سمر : هياااام
هيام : جتي سمر اول مشافتني تبجي تحاضنا حييل اشكد جنت احتاجها
مشتاقتلج هواي
سمر : والله متت عليج شصار بينا شصار وين رحتوا بقيتي ابالي
هيام : شردنا لديالى و انتوو
سمر : احنا همين ولج شلون قصف بالقدرة طلعناا
هيام : بارق متعرفين شي عنه
سمر : لا مادري يمكن طلعوا للخارج
هيام : نقيض صدري من گالت طلع
سمر : نص الطلاب ماكو
هيام : الله يستر ماريد شي بس اشوفه بخير ماريد شي بعد
سمر : كتبتي الجدول
هيام : لا جيت كبل للقاعة
سمر : دخلي اگوم انقله من لوحه الاعلانات و اجيج
مياده : مااااات ليش اشلون ليش مطلعوااا
احمد : بالقصف مالحگوا يطلعون هي الامة نگلبت
مياده : الله يرحمه والله متت قهر
سمر : وصلت للقسم سمعت مياده و احمد انصدمت خليت ايدي ع حلگي عزاا بعيني هيااام
رجعت ع سريع للقاعة
هيام : شبسرعة نقلتي انطيني انقله
سمر : سكتت شاحجي
مانقلته
هيام : لعد وين رحتي دخلي اروح اني اكتبه
سمر : هيام
هيام : شبيج سمر وجهج مخطوف لونه شصاير
سمر : بارق
هيام : عيوني دمعن من الفرحه
شفتيييي وينه يم العمادة
گمت جان تلزمني
سمر : لا تروحين ماكو مشفته
هيام : بارق شبييي احجييي
سمر : بسرعة نزلت دموعي
ماات
هيام : احس بجلطة گلبي وجعني حيل هذا الجنت خايفه منه هذا الخبر جان كوابيسي مي گام ينزل من راسي و ابجي بصوت
جذب موو جذب سمرر دتتشاقين
منووو گالج .. جذاااب
سمر : انهارت تبجي و ترجف
اهدئي
هيام : ما اهدأ ما اهدأ
ربي لااا عيوني لاا الله يخليك بارق عيوني عيوني مو بارق عيوني لتاخذه عيوني لا
گمت ماشوف اريد اوگع من طولي و الزم حيلي اجمعه
اريد اطلع اختنگت اريد اموووت اريد اروح ع اسأل اكيد غلطانين
سمر : لازمتها ابجي عليها
اگعدي ولج اهدئي
هيام : عفتها ركضت للباب بس ماشوف دعمت كل المقاعد ماقتنع ميموت هسة ماعيش وراه اذا اخذته اخذني وياااه
وصلت للباب منهاره صار ولد گدامي شلت دفعته بيدي لزمني باوعت عليه وگفن دموعي و سكنت روحي هو اي عايش لا مو طيف هو
رد مع اقتباس
المشاركة الأصلية كتبت بواسطة زْهـرٍآء
