كلمات قصيدة يامحله الوداع بهالمسيه ( مكتوبة ) مرتضى حرب | كلمات ️للشاعر : كاظم منظور الكربلائي (حصرياً) |محرم1442هــ
يامحلى الوداع بهالمسية
وعلوم المنية بين الفاطمي
يا محلى الوداع بهالمسيه
وعلوم المنيه
بين الفاطمي والفاطميه
*****
طب خيمة الحره حسين واليها
ونادى هنا يا زينب
قعد عدها يودعها ويسليها
ونار الحزن تلهب
يوصيها ويسلم اطفاله بيديها
والخدر المرتب
الله شمصيبه محبوب وحبيبه
من تتحمس بنار الرزية
يامحلا الوداع بهالمسيه
بين الفاطمي والفاطمية
*****
حس قلب العقيله ودوت بيه النار
من جمر المصيبة
ونادت يبن ابويه ما تقللي شصار
قلب إختك بريبه
جن الفلك طرنه وبالعكس يندار
وجن إختك غريبه
يابن أمي شهدانه من دهر الجفانه
شتتها الشمل بالغاضريه
يا محلى الوداع بهالمسية
بين الفاطمي والفاطمية
*****
صد حسين لخته والقلوب تلوب
وتغيرت الحاله
وناداها الشهاده فصلت لي ثوب
من نسج الجلاله
إلج ثوب اليسر من العهد مكتوب
ولخدرج حلاله
خلينه نتشارك بهالثوب المبارك
حله لخدرج وانه مفصل عليّه
يامحلا الوداع بهالمسيه
بين الفاطمي والفاطميه
*****
نادت يبن ابويه بالعهد راضين
والحق لو رضينه
ولا عزت عليك ارواحنه يحسين
وإنت تعز علينه
تهيء للشهاده وإحنه متهيئين
نتنطر سبينه
إحنا على السعاده وإنت على الشهاده
نيتنه وعسن راشده النيه
يامحلا الوداع بهالمسية
بين الفاطمي والفاطميه
*****
لاكن عقب عينك يا ضوى عيني
خدر إختك مماته
خوفي من الشماته بسهم ترميني
ولاشوف الشماته
خليني أرد اموت وياك خليني
ولاشوف الشماته
والشامت إله سهام تمضي بقلب لكرام
أمضى واشد من سهم المنية
يا محلى الوداع بهالمسيه
بين الفاطمي والفاطميه
*****
الك عندي امانة من امك الزهره هاك
اسمع المضمون
لخوج ابكربلاء اتحبينه ابصدره او تسجيه
ماي العيون
اومن تجدم منيته جدمي مهره واوخل يجبل
على الكون
هذي كربله هاي جيف البصر والراي
هاك اخذ الامانه امن الزجيه
يا محلى الوداع بهالمسيه
بين الفاطمي والفاطميه
*****
وصلتني الامانه يا عقيلتنا
اوجني اتسلمتها
واحقوق الوفه واشروط خوتنه
بوجودج شفتها
هذي كربله اوهذي شهادتنه
تشهد واسمعتها
تثبتلج إراده اوتشهد لج شهاده
صبرج نصر دين الله اونبيه
يا محلى الوداع بهالمسيه
بين الفاطمي والفاطميه
*****
تدنه حسين لخته او شبكته واتنوح
والونه ثجيله
قبل جرح السهم خلت ابقلبه اجروح
واتقطع دليله
يخونه خل ابدل اوياك روح ابروح
اوصداعلى العقيلة
ناداها الامر صار او لو عمت الاخطار
عقب اهلج تلزميلي الثنيه
يا محلى الوداع بهالمسيه
بين الفاطمي والفاطميه
لتحميل والاستماع mp3
الرادود مرتضى حرب
للشاعر :المرحوم كاظم منضور الكربلائي
مونتاج وتنفيذ: علي المياحي
الأشراف العام: عمار نزار
مكساج: كرار الموالي
ليلة 10 محرم -1442 هجري
حسينية المرحوم الحاج داود العاشور
#القناة_الرسميه_للشاعر_والر داود_مرتضى_حرب
رد مع اقتباس