..
اكو فرصة لرجعتك لو نويت تعود
عليك ارضه گبل لا تهمس الشفة
و انه طبعي نخل طرزت حضني عشوش
ما جارح حمامة بمخلب السعفة
انشدت عنك گبل خاتل بيا شريان
عنك و الاصح خاتل بيا صدفة
طبعني الهجر بطباع الحديثات
يفك الشوگ بابي و تطبگة العفة
دگ دگة گلب و احسبها دگة باب
واعدني جذب و احسبها الك وكفة
جمالك بي كِمل بس الكحل يعميك
اذا فوگ الرمش ما تعرف توظفة
يالحنطاوي انه اخسرتك لان غربيل
بقة بحضني الخشن و اتبدت الترفة
من طالت نظرتك عالصور شكيت
كلامك بي ملاگة النية مختلفة
عتك بيه حچي لمن طلع مخمور
عبر دلالي لمن عبرت الزفه
و جاملتك يبو راي السرح مجبور
ما شايف بشر شايل طبع زلفه
قرن بجفوفي و احتارن العرافات
تجي تخربط ملامح خيرتي الرجفه
مو متعافي جريت النفس مرتين
يجي صدفة الهوه من الشفه لشفه
رف جفني ( الله يستر ) هاي رفة وداع
جنت يمي و گلتلك گلت لا صدفة
و اجه وكت الموادع و اخذ هيج انسان
رمش عينه وكف ما ودعه بجفه
الشاعر : فقار الربيعي
رد مع اقتباس
المشاركة الأصلية كتبت بواسطة زْهـرٍآء
