انــا بـنــت ذلـك الـفـقـــيــر - الــبــارت الــثــامـن و الــعــشــريـنهيام : رفعت عيني عليه بارق
صارت عيني بعيني وجهه قريب مني گلبي يدگ سريع حرارتي صعدت
.فتح عيونه زايد بوجهي و ابتسم بوجهي صفنت عليه ليش هيج وجهه ياخذ روحي
بارق : كمت داروح ع الاستاذ وصلت للباب .. صارت هوسة .. فاتت سمر وگفت انتظر هيام تعبر متشيل راسها ابد دفعتها علياء ع غزوان
راسا خليت ايدي حاجز بينها و بين غزوان مردتها توگع ستندت علية و رجعت ع الحايط
مغمضة
باوعتلي نصدمت فتحت عيوني
حيل احب عيونها يسحرني ياخذن عقلي و روحي .اريد اگوللها ترا انتي مالتي
هيام : انسحب صفح و فتحلي مجال شردت ع سريع
غزوان : جتي من الله علياء ردت الزمها بس توگع بارق يبقني اعصابي فارت
عبدالله : شفت غزوان وجهه صار دم
امشي منا امشي
طلعنا بعيد عن القاعة گام يصيح و اهدي بي
غزوان : هذاا منين طلع منيييين اذبحه عبدالله و القراااان اذبحه بيدي ادفنه لك دمرني دياخذهااا مني عينك عينك
عبدالله : كاافي غزوان هي شنووو خلگ وحده بنت فكر دكاافي فلسين متسوا
غزوان : احبهاا افهم احبهااا لو اعرف اگلب الامه ع راسه اخذها يعني اخذهااا و انعل ابو بااااارق
عبدالله : كافي لا تصيح فضحتنا اگعد هسه نفكر بحل لتصير مخبل
غزوان : دبرني عبدالله انتهيت منين طلعلي منين ..
هيام : بدت المحاضره و انتهت و اني بعدني بعالم ثاني بعده وجهه بوجهي احس عطره ديمشي بدمي گلبي بعده يدك حيل
طلعنا يم الصفصافه سمر تسولف و اني مو يمها ماسمع شي
سمر : شفتي شسوت السوسه من قهرها هذني عقلهن برجليهن شنوو هلافكار السودة شلون اجة ابالج هيج تسوين
هيام ويامن داحجي يمعودةةة.
هيام : هاا شبيج دعوفيهن
سمر : احجي وية الصفصافه صار ساعهة لوما
بارق و مواقفه البطوليه جان صرنا مضحكة
هيام : خليت ايدي ع حلگي اضحك
عيونه كبااار ابد مشايفتهن هيج
سمر : هاي ضاعت ولج صرتي بكد العصفور لازكه بالحايط
هيام : لا تذكريني شكد عيب
هيام : بقى الموقف براسي كل ليلة اعيده و افكر بعيونه و اضحك و ابجي
احبه ربي اكتبه الي ادري مستحيل بس ماكو مستحيل عندك ربي كوله كون الي و يكون ماتخيل حياتي بدونه والله
مرت الايام الاوضاع تدهورت بالعراق الناس اشكال گامت تحجي
ام هيام : و هذولا الامريكان شيريدون رايحين جايين
ابو هيام : والله ياعيني محد يعرف هذولا اذا خلو شي براسهم يسوو و اذا خلو رجلهم ابگاع هجموها
ام هيام : عيني الله يستر منهم مابينا حيل هجمان بيوت
هيام : دوامنا صار مضغوط حيل كلهم ولد رتب بالدولة اخبار تروح و تجي
سمر : شراح يصير برائيج
هيام : علمي علمج
سمر : لا يهجموها عاد اريد اتزوج هسه وكتهم
هيام : الله كريم ميصير شي ان شاء الله
كلنا گاعدين ننتظر الاستاذ گام غزوان
غزوان : هيام
هيام : رفعت راسي بدون ماجاوب
غزوان : هاي گدام الطلاب كلهم و اليرضى و الميرضى
اني احبج و اريدج الي و خليها ابالج محد ياخذج مني مفهوم
هيام : گلبي من الخوف گام يوجعني ديهدد شنوو مگدرت احجي راسا طلع من القاعه ..
سمر : شنوو هذاا تخبل
بارق : دمي فار
احمد : ديستفزك لا تتحرك
بارق : شيريد افلش وجهه .
احمد : لاا انت العاقل شبيك هدي
بارق : مابقى عقل بية مابقى عقل
احمد : اطمن مدام هي تحبك ميوصللها
هيام : الخوف بية من فلوسه و مركزهم بالدولة افكار تروح و تجي بفلوسهم كولشي يجيبون و غزوان مخبل ياربي ارحمني مناقصة
سمر : ولج كلها انصدمت من اعتراف غزوان مبين ديهدد بارق
هيام : شسوي عفية
سمر : شتسوين ديلا هذولا ناس يتسوا وياهم شي ادعي الله و اسكتي
هيام : و نعم بالله شعندي غيره خوما ياذي بارق ..؟؟
سمر : لا يمعودة هو بارق تايهله قابل همين ورا الدوله و الامة
هيام : اي صح صح
طمنتني سمر بس الخوف بعده بية تعبت مراح اسلم منهم كل يوم يمر علية جان ثكيل اترقب جية بارق يلا گلبي يطمئن و هم احسب لباجر
بارق : گمت اراقب هيام من تطلع من الجامعة لحد متوصل للبيت اخاف غزوان يسوي شي
مرت الايام صارت الحرب تركت الكلية حال الطلاب البقيه نگلبت الدنيا و كل بالي و همي يم هيام
ابو بارق : جهزوا الضروريات لازم نطلع من بغداد باجر الصبح
ام بارق : وين نروح بيوتنا و مزارعنا و محلاتنا و غراضنا نعوفهن قابل
ابو بارق : دتشوفين الحرب و ااقصف الامة نگلبت منو بحال مال هسة كلها مشت لديالى
هيام : الليل كله ما يجينا نوم من ورا القصف و الغارات بل قل هو الله احد يطلع الصبح علينا قرر ابوية نمشي لديالى حالنا حال الناس لحد ميهدا الوضع
بكل الاحوال ماعدنا شي نعوفه ورانا ينخاف عليه وصلنا بعقوبه بـ تيوته .الناس قيامة هناك الدنيا مگلوبه ازدحامات ..
نور : يابة وين نروح منعرف احد هنا ..؟؟
ابو هيام : ما نتيه بنيتي مخلصت الدنيا
محمد : دشوفي العالم هنا كل بغداد هاجرن لديالى
ام هيام : الزموا اخوانكم الصغار لايضيعون
هيام : الوضع بديالى هادئ و الناس استقبلونا و شاركونا بيوتهم و اكلهم و فراشهم .
تشوف الناس بكل مكان كاعده بكل مساحة فارغه و بيوت مهجورة عوائل معافونا اهل ديالى طلعوا من بيوتهم و شاركونا كعداتنا و سوالفنا و لا عبالك اكو حرب
نسونا همنا و غربتنا بطيبتهم و سوالف ضحك و مناقشات الاطفال تارسة الشوارع لنص الليل
حبينا بساطتهم و طيبتهم من صدوك الناس ينعرف معدنها وقت الضيق
نور : الله احس روحي من المهاجرين و اهل ديالى الانصار عبالك حسيت باحساس المسلمين من هاجروا شعور حلو مادري ليش فرحانه
محمد : هو انتي بس بالمصايب طايرة من الفرحة احنا بيا حال العراق نهجم
نور : ديلا عاد عيني ابن الوزير طار مركزك بالدولة. املاكنا ومزارعنا راحت العراق انهجم و احنا شيأثر علينا هو اصلا مهجوم ع روسنا من الاول
هيام : راح نشوف عراق غير عراقنا معقولة كولشي راح يتغير
بارق : گعدنا من الصبح دنلم الغراض الي نحتاجها قررنا نطلع لديالى لحد ميستقر الوضع
القصف مستمر للصبح المناطق الي يمنا نقصفت البيت ينشال و ينشمر من القصف و الشظـى دمر بيوتنا اركض اطلع الغراض للسياره
ابو بارق : ع السريع ام بارق وينج القصف راح يوصلنا. انهجم العراق ام بارق وينج
طبيت ادور عليها سمعت صوت دوي الصاروخ و الشظى ترس البيت اذاني كامت تجري دم نشمرت ع الگاع
بااارق وووينك
ام بارق : من سمعت صوت الدوي نزلت اركض و بيدي الذهب سمعت ابوو يصيح
باااارق رااااح بااااارق
هيام : مرت فترة ع الهجره و تقريبا الوضع هدأ مكمنا نسمع صوت القصف ع بغداد
كل بالي و همي يم بارق مناطقهم خطرة و مستهدفه للقصف وينه هسه اذا هاجر لديالى وين راح يارب بس اشوفه و اطمئن گلبي يوجعني عليه اريد ارتاح
.ربي كولشي ماريد بس اشوفه
رد مع اقتباس
المشاركة الأصلية كتبت بواسطة راحل مع الايام
