انــا بـنــت ذلـك الـفـقـــيــر - الــبــارت الــســابـع و الــعــشــريـن
هيام : شفت ع مقعدي وردة مشيت بسرعة لمقعدي شلتها ايدي ترجف عليها قصاصة فتحتها ..
و ان كنتي ع دين محمد فـ اعلمـي ان
قتل نفسا بغير نفس جرم غير مغفور
توبي الى الله
و لا تقتلي رجلا ملكتي قلبه ★
حطيت ايدي ع حلگي و طكيت بجي شهگت بصوت كعدت و امسح بدموعي اريدهن يوگفن ضميتها بالجنطه
مثل الي جنت انتظرها تاهت بية الدنيا و ضعت الطلاب اصنام تتحرك
الليله المـاضــيـة ..
احمد : وضع ابوك استقر و طلع من الانعاش سمعت الطبيب عذرك بعد شنو
بارق : الحمدلله بس احمد تعبان مابية
احمد : تحبها
بارق : سكتت دقايق احس گلبي يريد ينفجر ..
اعشگها
احمد : ليش منسحب و ماذي روحك و گلبك ليش دتكابر
بارق : رفضتني ذبحتني شتريد اسوي
احمد : وين هذاك بارق بيوم من الايام گالي اذا تحب لا تجمد اخطي تجاهه خطوة حتى لاتخسر و تندم .
بارق : متريدني حاس بية انت احمد متريد اني بعينها نذل
احمد : اثبتلها العكس
سمر : طبيت شفتها گاعدة
صباح الخير
هيام : صباح النور
سمر : شو صافنة و مكتئبة و تالي
متحجين ما اتحمل اشوفج هيج كئبتيني
هيام : ابتسمت بوجهها جان اشبع ضحك خليت ايدي ع حلگي الفرحة شگت گلبي
سمر : لطفك ربي تخبلت البنية بس يداوم اني احجي وياه و افضها
هيام : هيي ويامن تحجين
سمر : بارق بشنو ادعي عليك
هيام : لاتدعين عابت
سمر : اف اف متقبل عيني الحب
تدرين صار فترة اول مره اشوفج تبتسمين شصاير
هيام : داحجي جان اسكت ماتورط وية هاي المفضوحة
ماكو شي اتذكرت شغلة و ضحكت
سمر : دوم الضحكة عمري انطيني قلم اريد اكتب ساعات المحاضرات
هيام : دورت بالجنطة
وين راح اندفن
سمر : طبعا يضيع تارستها اوراق و مسودات وهوسة وين تلگي المسكين
بارق شلونك اشو ماكوو ضل بالنا عليك
هيام : بس ذكرت اسمه وگعت الجنطة من ع المقعد دنگت الملم بالشغلات بدون ماشيل عيني ايدي ترجف الم الاوراق و اغمض بعيوني مو وكتج توگعين مو هسة
سمر : باوعت هيام گالبة الدنيا الاوراق اطشرن و الاقلام صخااام
بارق : الحمدلله بخير
سمر بابتسامة : شصاير ليش هيج
بارق : بعيد الشر عن والدج ابوية صحته تدهورت
سمر : خطيية اسم الله و هسه اشلون صحته
بارق : الحمدلله استقرت حالته
سمر : الحمدلله ميشوف شر يارب والله مكانك خالي
بارق : الله يسلمج
احمد : لك ها زعيم هسه نورت الجامعة
بارق : اترخص اني و مشكورة ع السؤال
سمر : اخذ راحتك هلا بيك
راح حگرصت سنوني ع هيام
فضحتينا گلبتي الدنيا خرب بالقلم
هيام : شمدريني فلتت الجنطة من ايدي
سمر : مو حلل ولج الولد الابتسامه شگت حلگه
هيام : يا ولد؟
سمر : بارق عيني بارق
هيام : غلست و بداخلي طايرة خلصت المحاضره و كل فكري يمه بس وجودة بالقاعة ملالي الدنيا
كلامه و الوردة كلما اتذكر الكلام گلبي يعصرني عيوني تدمع مدري فرح مدري خوف طلعنا اني و سمر ناكل بالحديقة
سمر : اكولج اليوم عيونج تلمع و تبتسمين وية نفسج شنو موضوعج
هيام : بارق
سمر : هاي بس اجة هيج فرحتي و راحت هيام الكئيية
هيام : ولج خلي اكمل لا تقاطعين
سمر : صار
هيام : عايفلي ورده ع المقعد
سمر : الله الله اشووووف
شكاااتب اكيد كاتب اعرفه ميسكت شكسبير
هيام : هسة شكو دتعلين صوتج ليش فضيحة
سمر : غلط غلط تعبير خاطئ قصدج حماسيةةة جيبيييي راح اطب بالجنطة
هيام : طلعتها و انطيتهيا
سمر : الله هيام لج كلام مؤثر مادري عيوني دمعن هيوم فدوة خطية شگد يحبج لعد
ولو كانوا الغزل بطريقه قانونيه محامي مينكدرله
هيام بابتسامة : اي
سمر : شلونه گلبج اكيد انتعش
هيام : ماموجود ماحس بي موجود طار من الفرح
سمر : فدوة
هيام : حيالياه بارق زرع حبه بي و اني كتلته مداريته بس كلما اكتل حبه كلما يزيد
سمر : هو هيج الحب دومه يجي غفل و غصب و الشي الوحيد الي ننغصب عليه و احنا الممنونين
هيام : بس خايفه سمر
سمر : يووو ليش
هيام : هو وين و اني وين
سمر : بس ابو اتقاعد
هيام : و الفلوس و الغنى
سمر : انتي داتخبليني ولج هن البنات يشمرن نفسهن عليه علمود الفلوس و شكله طبعا يعني مانسى هاي الفقرة
هيام : هواي اتمنيته فقير جان كولشي بسيط مو هيج تعقيد و خوف
سمر : بس هو حبج ع طبيعتج انتي حبيتي ع طبيعته و هذا كافي
هيام : والله مادري المخاوف توجعلي راسي و گلبي
سمر : عوفي وساويسج و گومي راح تبدي الهجمان
هيام : مرت ايام احس باستقرار نفسي رغم هو بعده بارد بعده بس احسه هو همين مستقر
احمد : اخبار گلبك
بارق : مستقر
احمد : احجي وياها طلعلك عذر و روح سولف وياها
بارق : ماريد ااذيها متعرف شيطلع حجي عليها اني اتمنى احجي وياها بس الحجي بسمعتها ياذيها و يدمرني
احمد : الحب مو حرام بارق شعليك بالحجي
بارق : اذيتها حرام حبيتها طاهره ورقه بيضه ماريد الطخها بطيشي
احمد : لحد وين ناوي
بارق : زواج
احمد : و امك وضعك و وضع هيام
بارق : ابالي بس لازم اكو فرج كل الي ابالي هسه انو اريدها الي بالحلال الباقي ع الله
احمد : الله ايسهل زعيم
سمر : منروح للقاعة
هيام : دخلينا گاعدين متشوفين الولد واكفين بالباب شلون نعبر ..؟
سمر : عاادي من رخصتك اخي من رخصتك و خلاص
هيام : امري لله يلا
اتخبل من اريد اطب و الولد بالباب ملتمين و منو غزوان و عبدالله و شلتهم
سمر : ممكن اشوي العفو طريق
غزوان : العفو العفو اتفضلن
علياء : شوفي الحياية گامن امشي نطب رنا
رنا : خلي يطبن و نروح دشوفي الهوسة ماريد اوگف ويا هاي بمكان واحد و اتزاحم
علياء : امشي و اشوفج
بارق : اروح ع الاستاذ علمود الامتحان اشوف حسبلي الدرجة لشهرين
احمد : اجي وياك زعيم
بارق : لا رفيقي ماكو داعي دقايق و اجي
هيام : سمر استاذنت و وخر غزوان صفح ع الباب داطب اجتني دفعة قوية فقدت توازني حاولت اندار اشوف منو دفعني
علياء : ابعدي مناا مو مال وگفات يم الولد بالطريق
هيام : فقدت توازني اريد شي اجلب بي صاروا عبدالله و غزوان گبالي
راح اوگع عليه من الخوف و الارتباك فقدت السيطرة غمضت عيوني حييل
نضربت بواحد منهم دفعت روحي ع الحايط رجعت توازني
فتحت عيوني باوعت ايد ولد لازمه الحايط صرت بينه و بين الحايط
رفعت عيني عليه بارق
رد مع اقتباس
المشاركة الأصلية كتبت بواسطة زْهـرٍآء
