انــا بـنــت ذلـك الـفـقـــيــر - الــبــارت الــســادس و الــعــشريـن
هيام : رفعت راسي عليه و شلت ايدي
اوگف
وگف طـلعت ع السريع احس كلبي يريد يطلع من صدري حرارتي ارتفعت رغم البرد
بارق : جسمي وية صوتها كله وگف حتى عقلي طلعت تركض
مشيت لمقعدي نسيت ع شنو اجيت گعدت و رجعت راسي ع المقعد صوتها بعده بأذني مليان حنية و خوف و رقه صوتها وحده عالم بحاله
وية رجفته رجف گلبي
هيام : طبيت اخذت قلم من المكتبة .. طلعت بدون مانطي الفلوس
ابو المكتبه : العفو اختي الفلوس
هيام : العفو العفو اعتذر
انطيته الفلوس و طلعت گعدت ع المصطبة. مداستوعب شي من الحولي
جان قريب مني لدرجة حسيت بنفسه و عطره صدره
سمر : طلعت من العماده شفت هيام كاعده ع المصطبات رحت ركض
هيام شبيج تبجين شصاير
هيام : مادري ليش نزلن دموعي من كثرة حبي له لو خوفي منه لان جان قريب مني لو لان خسرته و ضيعته مني كولشي التمن علية
سمرر اني متاذية حيل
سمر : لزمت ايدي گعدت يمها
شصاير وياج
هيام : مادري اشبية بس اريد اموت مابية حيل اتحمل اكثر روحي مخنوگة حييل سمر
سمر : اسم الله عليج اهدي
هيام : روحي راحت وياه مابية اكتم بعد ضاعت وياه من ضاع مني اني ضيعت بارق مني
سمر : من حجت هيج و هي منهارة بجي مادري انقهر عليها مادري افرحلها لان حبت
حضنتها حيل
گومي غسلي وجهج عيونج ورمن عيب شيكولون الطلاب يلا راح تبدي المحاضره
هيام : رحت وياها غسلت وجهي و رجعنا للقاعة خلصنا محاضرات و خلص اليوم و خلصت ايام و اسابيع و بارق هذاك بارق بارد اعصاب ماحسه يتجاهلني
اصلا ميشوفني حتى يتجاهلني گلبي اذاني حيل عليه. قبل جنت اكابر هسه كمت اكتم الاثنين يوجعن حيل
گرعدة بزاوية الغرفة متلفلفة بالبطانية
نور : حلوة الكلية ولو اكو نماذج تباوعلي بعين استصغار بس وداعتج هم مو بعيني
هيام : النماذج هاي بكل مكان
نور : يولون .. صدوك گوليلي شخبار بارق
هيام : خسرته
نور : رجعي
هيام : مستحيل ضيعته من ورا مجتمع قذر
طلعته من گلبي حتى لا يحترك وياية
بينت له هو لا شي بس هو كل شي كل شي نور
نور : هففف كئابتج تأثر سلبيا بية
هيام : طبينا ع الربيع كولشي ورّد و خضّر الا روحي يابسة مكدرت ابين له الحب الي بداخلي
لا بعد لازم اكمل الي بديت بي لازم ابتعد و مادام هو اتعود و نسى بس بحياتي مراح انساه
بارق : رجعت للبيت ملگيت
يمةة .. يابةة .. دك التليفون الارضي
الوو ..
ام بارق : بارق يمةة
بارق : شبيييج تبجين شصاير
بارق : ابوك يمةة ابوك اتخربط تعال للمستشفى
بارق : اخذت عنوان المستشفى و طلعت مثل المخبل اسوق شبي ابويةةة ربي رحمتك
وصلت شفت امي گاعده تبجي
شبي ابوية
ام بارق : ابووك سودة علية كون بية و لا بي
بارق : شبييي دمرتي اعصااابي
ام بارق : مادري فجأة اختنك و اتخربط نقلناه مستشفى گالوا عنده جلطه قلبية و هسه بالانعاش
بارق : الدنيا اظلمت بوجهي طلع الطبيب ركضت عليه
دكتووور شلونه
الدكتور : اهدوو ماكو شي جلطة و يحتاج قصطرة و ان شاء الله خير
ام بارق : سودة علية ابو بارق كون بية و لا بيك
بارق : مشيت وية الدكتور
شوكت ممكن يطلع
الدكتور : حاليا حالته مامستقره .نخلي اسبوع من تستقر باذن الله تگدرون تاخذوا
سمر : هيام
هيام : ها
سمر : صار يومين و بارق ماكو شنو الموضوع اتعاركتي ويا انوب
هيام : باوعت عليها هيجتلي جروحي
لا
سمر : ابالك مامهتمه اشوفج
هيام : الي تشوفه عينج مثل ماتشوف الناس هيام القوية
بس ميت صار يومين احس العبرة تريد تكلتني بدونه الهوا خنگني
سمر : هيام هسه ماريد الوم بيج. بس صوجج يعني بشر حبج و اتحدى كولشي علمودج و انتي صديتي
هيام : جان لازم اصده هذا الحب نهايته فراگ اصده من الاول احسن ليش نتعلق و نحب و بعدين نتاذى و نأذي اهليتنا ويانا
سمر : و انتي اشمدريج فراگ من صديتي صار الي فكرتي بي يعني ماكو اذية هسه
هيام : بكل الاحوال احنا مكتوب النا الشقى و الفقر من اول ماوعيت للدنيا بقت ع هاي اذية
سمر : خليني ساكته احسن
هيام : يلا اني لازم اروح سلميلي ع حسين
سمر : تمام يوصل عمري ديري بالج ع نفسج
هيام : ان شاء الله .. اشوفج باجر
هيام : طلعت امشي اوفر كروة لباجر همين اخفف ع ابوية صرنا تلاثة بالجامعه و زادت المصاريف
و هم ردت بالمشي اختلي بروحي اواسي نفسي و اصبرها
گلبي يوجعني الية مديوجع الناس منو يحس بالالم الي داحس بي
خلي هيج بعيد احسن
همزين مديجي حتى اتعود ع غيابه و يسهل علية نسيانه
بس هو ليش نسى اليحب ينسى
ليش نساني اذا جان يحبني شلون ديتحمل بدوني لـيش مديشوفني اصلا نزلن دموعي بدون ماحس وگفتلي سياره
غزوان : هيام ..
هيام : سيارة غزوان و يمه عبدالله سويت نفسي مشفت و استمريت امشي و السياره تمشي بطيء كمت اخاف زيدت سرعتي .
غزوان : شبيها مو داحجي وياها
نزلت من السياره
هيام .. هيام
هيام بانفعال : تفضل
غزوان : شبيج مو اصيحج تعالي اوصلج ماطول ع طريقي
هيام : لا تسلم.
غزوان : صدك جذب معقولة تروحين مشي دتعالي والله ع طريقي
هيام : غزوان تسلم
عفته و مشيت
غزوان : رحت وراها
ليش تخافين اني زمليج
هيام : انت زميلي بالكلية و رجاءا روح الناس شتكول
غزوان : شتكول خلي تكول شمسوين
هيام : ابتعد عني
غزوان : ع راحتج ماضغط عليج
رجعت و فايره اعصابي وصلت بية اسحبها من ايدها شنو متحس بية . هاي مو بشر متحس باحد
عبدالله : هاا گنك
غزوان : مقبلت قابل شرايد هو بس اوصلها ..
عبدالله : عوفك منها بس شيل اصبعك يروح ع الف وحده احلى منها
غزوان : اعصابي تعبت
عبدالله : امشي امشي اليوم نحيي ليلة مصايرة
هيام : مرت سيارته بسرعه ارتاحيت من راح
ردت اموت من الخوف هذا شلون هيج يسوي شيريد مني بعد مارجع مشي
احمد : رحت لبيت بارق سمعت باخبار ابو من حراس بيتهم و رحتله للمستشفى
السلام عليكم
بارق : هلا احمد و عليكم
احمد : هاا بشر شلون صار الحجي
بارق : الحمدلله ع الله
احمد : متجي للكلية قلقت عليك اتصل ع بيتكم ماكو عرفت من الحراس مابي غير العافيه و السلامة
بارق : الله يسلمك متقصر
احمد : الكلية گبر بدونك زعيم شوكت تداوم مو ضعت دايح وحدي
بارق : ابوية بعد اربع ايام يلله يطلع ماعرف احمد ماريد اداوم مالي واهس اصلا
احمد : يابة اسبوع ينزل بيك فصل
ام بارق : احجي وية ابني داكوله روح اني يمه
احمد : يداوم عمة يداوم
هيام : مرت الايام بدونه عبالك سنين صح ميشوفني كباله بس جنت اكتفي بشوفته من بعيد بدونه احس مخنوكة حيل مخنوكة ربي و المن اشكي
شصار لو بارق فقير شيصير يعني؟ كعدت الصبح مابية اداوم
نور : گومي گووومي
هيام : مابية عوفيني انام
نور : شنوو خوما بس اني اطربگ للكلية من الصباحيات گومي
هيام : يهووو گايمةة شكد نقناقية ماعدنا شي اليوم شعندي رايحه...
نور : بدون حجي تروحين يعني تروحين خوما بس اني اموت قهر غير والله اگول لامي
هيام : گمنا لتموتين ناقصتج اني
گمت بدلت و رحت مابية اداوم ماعدنا شي بشنو ادعي عليج نور
وصلت للكليه من وقت طلاب قليلين هواها يشرح الروح اختنك من تنترس طلاب
طبيت للقاعة شفت ع مقعدي وردة مشيت بسرعة لمقعدي شلتها ايدي ترجف عليها قصاصة فتحتها ..
رد مع اقتباس
المشاركة الأصلية كتبت بواسطة lonesome
