قبل چم سنه عَدّت مو بعيدة
و مثل هالليله هم چانت رعيدة
اوّل مَّره بيها افتر بالفروع
چنّي شايب امضيّع وحيدة
و اوّل مرّه بيها الزملي باكيت
و ادخّن و انه چنت الما اريده
ذيچ الصدمة هزّت ثقتي بالناس
و گمت ماثق بالوجوه الجديدة
ما اگدر اسولف و الحچي هواي
مو انه اليضم حچیه ابجريده
مشكلتي العلاقة احفظها اسرار
مثل ما يحفظ الساعي بريده
چنت ما تدري ادري
وما اهتميت
و ما گتلك ولا بيّه انت حسّيت
ما بيّن عليه انسان معيوف ؟
ما ركّزت وجهي شلون مخطوف ؟
ولو
شتركز وما يوم مرّيت ..
الله الله من اجمل ما قرات تمثلنا ادام الله ابداعكم
..
هذه الحروف لحن
لنغم الاحساس و عزف المشاعر
شكرا لهذا الفيض من الروعة و الابداع
لا حرمنا جديدكم القادم
عذب تحاياي العطرة
..
الأديب و الملحّن الدكتور أبوعلي النجفي
ذكرياتك توجع اهواي بدليلي
و عايشات براسي ليليّة...!
وساوس غيم ... هاجس شيم ... سادس ظيم
حِس تلوّة ويه الحواس الخمسة و اتبطّر عليها ابكل صلافة
و هسّة اشم و اسمع و اضوگ و ابصر
و أتلمّس ابکلشي ...حسافة!
بس نهر ...ضحكاتك اببين الصور...ينتمي الشطّ ال((يويلي و
آ يويلي ابصوت ناظم من يجر بيها ابحجازه))
و يمتد ابساجي غرامي...و من يملّ ايلم جمالة و ينضح بروحي نشازه...!
حال دجلة و الرصاص ابحس جواهر لو تحيّيها ابشغافة
شیل بس من الهدوء و زيّد اصياح و ترافة!
و القهر ...وزن البحر...ماخذ بروحي مسافة
ماية ماااالح ما يغزّر ...شاغل اكثر من براري الراحة بيّة
و طامع ابگطرات عيني و ماي اديّة
يلله بوية
أمري لله اليعرف بحالي و يصبّرني اببليّة
هاي هم چمالة لضيوفي ... اضافة!!
د.حسين نجفي
رد مع اقتباس