انــا بـنــت ذلـك الـفـقـــيــر - الــبــارت الــخـامــس و الــعــشـريـن
ميهموني لا بارق و لا غزوان اريد اتخرج مثل ما طبيت اول يوم مرتاحة بال
عبدالله : خلصت السنة و جتي هجمان البيوت الامتحانات
غزوان : اي مرن سنتين مثل الحلم
عبدالله : كنگ صدك تحب هيام
غزوان : قليل اذا كلت احبها عبدالله احسها تمشي بدمي
عبدالله : بنت فگر غزوان بنت فگر
غزوان : بنت الفگر اتزوجها املكها و تصير بنت الغنى مو صعبة و لا راح تنگلب الدنيا
هيام و امثالها كائنات رقيقة منخلقن للعيب و النبذ
نخلقت حتى تصير ام بيتي
عبدالله : والله ماعرف شاگول مدافهم شتحجي
غزوان : لتگول شي نگال الي نگال بعد
نگلبت الامور و تغيرت هواي اشياء بهاي السنتين نكشف حبي لهيام صار علني
رنا ارتبطت الي جانت عاشگتني حبت علية و لگت بديل غني
و يلوموني الناس بحب فقيرة الله يقدرني و احصل عليج
هيام : خلصت الامتحانات و عدت السنة ع خير شكد ضغوطات مرت بية جانت سنة مضغوطة حيل بالمشاكل
مالفت انتباهي تقرب بارق بگد ما لفت انتباهي ابتعاده معقوله بهاي السهولة جزع
هيج الي يحب يتنازل بسرعة هاي اذا حب صدوگ
نور : هيام باعي النجوم
هيام : يگولون اليحسبهن يشوف جن
نور : يوووو شكد حسبت و مطلعلي جن هو غير يطلعلي
هيام : يخاف منج يالوكحة
نور : يمكن
اكولج برائيج يطلعلي طب؟
هيام : معدلج 90 و اعشار اعتقد صيدلة
نور : هم انعم الله ..
هيام : الحمدلله
نور : بارق
هيام : من ذكرت اسمه عيني استقرت ع نجمه و گلبي رجف
شبي
نور : شكله شلونه
هيام : مادري
نور : هم باوعتي بعيونه
هيام : غمضت عيوني اتذكرت اول مره صارت عيني بعينه حسيت بنفس ذاك الاحساس فتحت عيوني دمعن
نور : تحبي
خلت ايدها ع وجهها انفجرت بالبجي لزمتها من ايدها اواسيها
هيام : مادري خنكتني العبره و بجيت
يمكن مادري يمكن من زمان من اول مرة عينه جتي بعيني بس متنازلت لگلبي و طاوعته ردت اكون قوية و كابرت
و اذيته هواي لحد ما جزع و ابتعد
نور : الي يحب ما يترك
هيام : يترك بعد هاي الاذية اعرف خسرته و احسن واقعي وين و واقعه وين كولشي ضد هذا الحب مستحيل يكمل
نور : نكدر ع الدنيا بس گلوبنا من تختار منگدر عليها
هيام : شنو الفايدة خسرته بعد و لازم استمر هيج حتى ما ءاذي و ءاذي روحي
بس بعده باحلامي اشوفه كل يوم طيفه وياية من عطلت لليوم اريد انسااه تعبت
نور : حضنتها و عفتها تفضفض و تبجي شكد نكتم و نكتم بس بلحظة لازم ننفجر الكتمان يدمر كل شي حلو بينا
مرت العطلة و هيام كل ليلة تسولفلي بي و عيونها تلمع و تدمع و تبتسم كولشي يختلط عدها من تجيب طاري
خسرته خسرت الحب لان النهاية مستحيله و راح نضل نخسر كولشي لان نهايتنا مجهولة
طلعتلي صيدلة كملت الاجراءات وية ابوية طاير من الفرحة بية استعديت لحياة ماعتقد راح تختلف عن حياة هيام
هيام : حاولت انسى مكدرت
بكل الاحوال خسرته و هذا الي اني ردته اتعلمنا من صغار الشي اذا مو النة منخلي ايدنا بي لان ممكن ننضرب
و بارق مو الي و لا راح يصير الي يبقى اجمل شي صار بحياتي و ضيعته
بدت السنة الدراسية طبيت للجامعه غير عن كل سنة بكل خطوة جرح
صباح الخير
سمر : صباح النور مصار يومين من بدت الدراسه و انتي تجين متاخرة شبيج السنة ما متحمسة
هيام : مابية حيل داكعد متاخره شايلة هم السنة صعبه
سمر : و لا صعبه و لا شي انتي ميصعب عليج كتاب
هيام : ان شاء الله .
بارق نفس هذاك البرود ميشوف گدامه احد ميحجي ميختلط رجع بارق القديم الهادئ
غزوان : انتباااه طلااب
بما انو صارلنا 3 سنين و صرنا عائلة راح نحتفل بسنتنا الثالثة قررنا نسوي عزيمة و اخذت اذن العماده بالموافقة
راح اجمع الاشتراكات من كل طالب حتى نجهز للعزيمة
سمر : و لا اصدك مرن 3 سنوات شبسرعة كبرنا
اكولج تشاركين
هيام : لا مالي خلگ عزايم
سمر : ولج ليش فد شي يخبل العزايم فدوووة وياي فدوة
هيام : لا يعني لا ادوخ من الهوسه و ماعرف اكل گدام ولد
سمر : قابل راح ياكلوج
احمد : ليش مشاركت تغيير جو ياخي
بارق : وراية شغل رفيقي ماعندي وكت
احمد : و هيام
بارق : شبيها
احمد : ميدگ گلبك الها
بارق : مات من زمان
غزوان : اشتراكاتجن
هيام : اني ماشارك
غزوان : لا ليش بدونج العزيمة متسوه
احمد : اباوع ع بارق من غزوان حجى بصوت سمعناه مدنگ راسه محرك ساكن
هيام : ما عرف شنو ارده نلصمت و مابية حيله باوعت ع سمر
سمر : اني همين ماشارك
غزوان : يعني العزيمة منو بقى بيها
اشبيجن ترا احنا سنة ثالثة
هيام : عادي العزيمة بيكم كاملة مو الا حضورنا ..
رنا : متكمل الا بيج انتي قدوة القاعة و اذا ع الفلوس لتشيلين هم هاي
هيام : طلعت فلوسها و خلتهن كدامي ع المعقد جان عندي برود لدرجة مرفعت عيني عليها
تسلمين متقصرين بس مو شغلة فلوس اعتذر ماحضرها
رنا : الفلوس الي يطلعن مني ما يرجعن و تحضرين
هيام : رفعت راسي عليها
نعمم
رنا : اليدخل عالم الكلية يندمج وية الكل و عادي احنا نساعد اذا ع الفلوس سهله
هيام : ماحتاج فلوسج
رنا : سجل اسمها مدفوع
بارق : ها بدت المهزلة
احمد : قصدك المسرحية
بارق : گمت طلعت لان ماتحمل لا صوتها و لا تفاهتهم
هيام : خطف من يمنا بارق ويا كل مرة يمر من يمي تخنكني العبرة
عاي انتو احرار و الفلوس فلوسكم
گمت وگفت اريد اطلع باوعت عليها
بس فلوسج راح تغصب رجلي تمشي للعزيمة
عفتها و مشيت
رنا : هاي شنو شايفة روحها شنو نست نفسها بنت فكر ..؟
غزوان : لا تعيريها بشي هي مامختارته لروحها
رنا : هو محد طلع عينها و كبر راسها غيركم انتووو
سمر : طلعت ورا هيام رحنا گعدنا
هذني ميملن صارت تلث سنين
هيام : كلما تضيق بيهن الدنيا يرجعن ع هيام
سمر : خلي يولن يغارت
هيام : و ع شنو عيوني الزرگ
سمر : صح هن جمال و مال بس مشايلات روحج الحلوة و بعدين انتي وجهج يخبل
هيام : مگايلة اني مو حلوة بس مقارنتاً بيهن اني وين هن اجمل فـ ع شنو الغيره
لا گولي استهزاء مو كثر
سمر : لا تنسن افضل اثنين بالقاعة شكلا و شخصيتا وكعوا بحبج فضلوج عليهن
هيام : و شنو الفايدة
سكتت شاحجي هلكد ما اكتم بعد مابقت بية طاقة گمت ماهتم لاستهزائهم اجمل شي عندي ضيعته و من ايدي ما الوم احد
مرن شهور و اگابر و استمر قوية ظاهريا و داخلي مهدوم جان عندي فضول عن الشخص الي راح يملك گلبي
متوقعت بارق مو واحد من الذوات
ومادري جنت اغرك بي بس بعد شيفيد هو نسى .لو يحب من صدوك ميترك
سمر : مطر مطر غرگنا هااي شنو بعدنا بشهر 12 و هيج مطر و برد حتى شوفي الطلاب كلهم بالكافتريا يشربون بهالجاي و يرجعون ليورا
هيام : اي امبين الشتا متحضر النة
سمر : اروح للعماده غزوان كال الموظف طالبني ..
هيام : ليش يا ستار
سمر : منزلين اسمي بقائمة الفصل اليومي بالغلط اروح يتاكدون من الاسم و الهوية
هيام : اجي وياج
سمر : لا وين اگعدي باردة
هيام : ديلا انتظرج هنا
طلعت بقيت وحدي بالقاعة ظلمة لان الدنيا مغيمة فدنوب الجو مال واحد ينام
اتذكرت خلص حبر قلمي گمت داروح للمكتبة
وصلت لباب القاعة صار بارق بوجهي دنگت راسي فقدت الاحساس بجسمي تيهت الدنيا اروح هيج يجي هيج .. اروح هيج يجي هيج بقينا ع هالحال و زاد ارتباكي
راح اوگع من طولي قريب مني حيييل لدرجة خفت ليسمع دكات گلبي المتوترة
رفعت راسي عليه و شلت ايدي
اوكف
رد مع اقتباس
المشاركة الأصلية كتبت بواسطة راحل مع الايام
