’’
الما همه اهتمامي سقط حقه
بعد يحلم دقيقة ابالي يبقه
اريد اليسهر ويتعبلي و يذوب
عندي الحب على قدر المشقه
لتسجل حضور براسي و تغيب
تكتبلك حرف و تروح طلقة
و تجي بعد الظهر تكتب كلمتين
ارد اهلا حبيبي ترد تغلقه
و جديدة اوكي نحجي بعدين
مع كل الاسف ضنيتك ارقه
اسمع مو الي البعدين تنكال
انه الما صير اخر ما تبقه
ادري انت بحياتي ليش موجود
غيابك عن وجودك شنهو فرقه
تتوقعني احبك وانشغل بيك
و اضل ولهان هايم بالازقه
لا غلطان اعرفه اليكطع وياي
يكعد ويا غيري يبيع رقه
و يوزع غرام لهذا و لذلك
ما يسكت السانه باب رزقه
و كاتب عن عشرتك خوش موضوع
وي لحظة وداعك راح ارفقه
و احسبلك عدد زلاتك وياي
اقراهن على اذنك ورقه ورقه
و كلك روح لطفا كَلبي مسدود
حصرا ينفتح للــيستحقه
.
.
الشاعر
يحيى العلاق
رد مع اقتباس
المشاركة الأصلية كتبت بواسطة زْهـرٍآء
