انــا بـنــت ذلـك الـفـقـــيــر - الــبــارت الـرابــع و الــعــشــريـن
هيام : خطف سريع لحد ما وصل لمقعدي و وگف متت سبع موتات
من الرجفة شبگت ايدية من الرجفة اريد اوگفهن دنگت راسي و غمضت عيوني
بـارق : وكفتني رجلي يمها گلبي اذاني اريد احاجيها ليش؟ شسويتلج
مابية انطق حرف كرامتي و گلبي و الدنيا و هياام و امة محمد كلها التمت علية
قبضت كف ايدي حيل من الغضب البية اذا ضربت المقعد مالتها اسوي تراب كدامهااا و هي و لا يمها بعدها تتجاهل
طلعت الحدايق اريد اخلص من الخنگة الي بداخلي
( بصوت مرتفع ) خرررب بييييييج
احمد : طلعت ورا گام يصيح الطلاب الي بالحدايق كلها دارت عليه
بارق اهدأ
بارق : احمد راااااح اموووووت هذاااا الااا ادوووسه بالقندرة ووولللك اطلعه بيدي و ادوسه بالقندررة ااااااحمد
احمد : كام يضرب ع صدره و يصيح لزمته بالموت و گعدته ع المصطبة
خليك قوي شبيييك
بارق : راح تشوف بارق راح اشوفها بارق النذل
هيام : طلع من القاعة رجعت الروح بجسمي
الحمدلله ربي
سمر : شبيج
هيام : مابية سمر بعدين مابية خلي اتنفس هففف ردت اموت من الخوف سمر لزميني انتيهت
سمر : لزمتها و اني اطرش بزفة كتلني الفضول
زين زين بعدج عايشه اطمني
هيام : مرت محاضرتين و بارق ميبقى بالقاعة بس من يجي الاستاذ يطب وياه و يطلع وياه .. حسيت باستقرار نفسي بس كلما اتذكر الكلام افشل من روحي
ادري ابليس حجاني شنوو بس عدت اي عدت ع خير راح شرها
بوقت الاستراحه طلعنا يم الصفصافة گعدنا ..
سمر : يلله اسمع
هيام : شنو
سمر : لا تغلسين ولج سولفي راح اطك
هيام : شاحجي شصار بينا الله لا يعدي هيج ايام ع عبد من عباده
سمر : زين ابوج ليش سجنوا عنده مشاكل وية احد متعارك
ولج اخاف مسجون سياسي
هيام : لا تضحكيني مابية اضحك
مسجون سياسي ولج وين ابوية و وين السياسة لاا و لا عنده مشاكل بس عمي و الحمدلله ع هيج عم
سمر : عمج الضابط الي مرة سولفيتلي بي
هيام : اي علمود مشاكل الورث ما ورث و صارت سالفه عناد بينه و بين ابوية و سجنه
سمر : عشنا و شفنا اذا الاخ هيج يسوي نگلبت الدنيا
الله يساعدكم و شصار بعدين طلع ابوج لو لا
هيام : اي طلع البارحه الحمدلله
سمر : الحمدلله داكول الاخ ميحقد هيج همزين الله هداه و طلعه
هيام بسخرية : لا ماعتقد ينهدي اصلا مو هو طلعه
سمر : لعد
هيام : والله يا سمر دتصير شغلات راح تخبلني كلما ابتعد عن المصايب ميفيد المصايب مو راضية تعوفني
سمر : شنو السالفه ..؟
هيام : تصدكين غزوان متكفل ابوية
سمر : غزوان هذاا
هيام : هزيت راسي .. بـ اي ..
سمر : نصدمت بس مو غريبه غزوان يحبج ..
زين بارق اشبي دور عليج و هجم الامة ..
هيام : عبالي بارق هو السبب و هجمت عليه
سمر : دتتشاقين
هيام : سمر انهاريت من شفت الشرطة يضربون ابوية و هذا الي اجة ابالي اجا ابالي
سمر : انتي عقلج بي شي وليش بارق يفكر هيج اصلا .. لتگولين گلتيله طلع ابوية ..؟
هيام : ياليت حجيت حجي مصاير .. مادري عقلي جان منهار من حجيت ويااه .. شجابة كدامي بهذاك اليوم
سمر : دحجي شكلتي مو متت
هيام : مادري حجيت حجيت حتى نسيت نص الكلام بس الاعرفه مقصد كلامي له .. انوو دايضغط عليا و يريد اتنزله بابوية
كافي ادري جفصت
سمر : دا اشرب ببسي ذبيته
صخااااااام خرب بيج البيبسي صار سم
ولج بارق يا ثووولة هذااا راسج محجر .. ذكريني اشوكت بارق دور بنات ولج شوكت طلع ويا بنية
هياام اشوكت اذاج لو استهزء
هيام : مادري لا تزيديها علية صار الصار و خلاص ظلمته
سمر : و اني اگول الولد متملخ و يصيح و يدور عليج
هاي جزاته وگفلج و حبج
هيام : ظلمته ادري و ماريده يحبني سمر لا يحبني بعد احسن ماريد افهمي
يمكن هذا تصرفي الله ديحميني يخلي يكف عني يمكن بي شر
سمر : لااا انتي مو طبيعيه ابد
حسبي الله عليج شاكول بعد
جيبيييي متهنيت بالببسي ماتي من وراج
هيام : جرت البطل من ايدي
هااج لا تاخذي هيج عبالك حرامية
سمر : امداج
مياده : مرت الايام و بارق انسحب من هيام رغم حبي له مكدرت ارجع مثل اول حتى ماحاولت استغل الفرصه و اكسبه الي .. كتمت حبي و الالم كله بگلبي
الدنيا حظوظ و اني ماعندي حظ بيها ..
بارق : الدنيا صارت كبر گامت تمر الايام كلها تتشابه التهيت بالمحلات
اختلطت بالناس حتى انسى الاذية ماكول نسيت بس تعودت و نامت جروحي
ارجع بالليل للبيت متكسر لان من الدوام و كبل للمحلات
اشمر روحي بالفراش بالليل مثل الاموات انام احاول مافكر بيها
ام بارق : بارق ..؟؟
بارق : اتمددت متكسر بالفراش امي دفعت الباب و طبت تصيح گعدت ع حيلي
شصاير يمة
ام بارق : فتحت محلات و سويت الي براسك قبلنا
مردت تتزوج مياده رضينا
شنو هاي اسم المحلات ..؟؟
بارق : يمة عيوني تعبان تعبان اريد ارتاح الصبح نحجي
ام بارق : ملكيت غير هذا الاسم مااااا اسكت و ما يطلع عليك صبح
شنوو محلات هيام الروح للغذائية
بارق : گامت تصيح مددت والله تعبان
الله يسمع منج ان شاء الله ميطلع علية نهار
ام بارق : بارق تنساهااا شيلها من بالك و لا تنزل راسي و راس ابوك مفهووووم ..
بارق : گعدت ع حيلي
نسيتها يمةةة عفتهاا خوووش
و لا ما عفتها هي عافتني مرادتني تدرين ليش
ابنج ابن الاغنياء الي الكل بالكل بنظرج .. رفضته
ام بارق : و هي تطوول ابن الحسب و النسب
بارق : تشوفني وحش الفلوس الي واگفة بعينج و الحسب و النسب ما وگفن بعينها رفضت بارق و داسته
اذتني يمة دمرتني ارتاحي عفت و بطلت
ام بارق : روحي يمةة گلبي بعد روحي بارق مانولدت التأذي ابني تروحلك فدوة
بارق : اخذتني بحضنها تواسيني .. گمت ابجي من زمان اريد ابجي
هدمتي حيلي هيام ميت و يمشي ع الگاع .. اطلعي من راسي الله يخليج اطلعي و ارحميني انذليت
غزوان : خلت الي هيام محد ينافسني ع حبها بارق انسحب منها بديت احاول بكل جهدي اتقرب منها اريد افوز بيها كل يوم يزيد حبي الها
گاعدة بالحديقة رحت عليها
السلام عليكم شلونج هيام
هيام : وعليكم السلام ..! بخير ..
غزوان : عندي موضوع اني ضعيف بي و اريد مساعده اذا ماكو زحمة
هيام : اذا اگدر عادي شنو تحتاج
غزوان : تشرحيلي هذا الموضوع
فتحت الكتاب و اشرت الها
هيام : عندي ملخصات اني سويتها ع هذا الموضوع استنسخها
انتبهت ع بارق اجة و صل بعد مسافة و وگف
سمر : اووو بارررق يووو نسييت
هيام : طفرت من يمي سمر و راحت عليه
هسة مشايلتهن الملخصات
بارق : وصتني سمر ع كتاب اجيبه الها من شارع المتنبي بقيت انتظر مجتي اخذته
رحت ادور عليها انطي الها بنهاية الدوام قبل لا اروح
اعرف مكانهن الي دائما يگعدن بي رحت شفت غزوان يسولف وية هيام
وگفت ما ردت اتقرب اجتي سمر تركض
سمر : اسفه اسفه نسيت والله عاشت ايدك تعبتك وياي
بارق : لا عادي تدللين
انطيته الها و مشيت
غزوان : عادي باجر جيبهن و استنسخهن
هيام : ان شاء الله
سمر : رجعت غزوان فات من يمي گعدت
شلون نسيت شكد عيب وصيته ع كتاب و نسيت اروح اخذ
هيام : عادي
استقرت الاوضاع مرت ايام هادئة حمدت الله عليها قربت الامتحانات النهائية
بارق گمت ماشوفه ارتاحيت من كف عني رجعت مثل اول ايام بالجامعه
ميهموني لا بارق و لا غزوان اريد اتخرج مثل ما طبيت اول يوم مرتاحة بال
رد مع اقتباس