#مريتلك
مريتلك سلمت حيّتني عشاگك
بالعين سن الملح ضل يمشي بفراگك
إي ليش هذا البُعد
العين شبعت برد
مريتلك يلتجي مو عالدرب عالبال
وغنيتلك أذكرك يمعاتب المرسال
يسَلم عليك السهر
والجرح ركضة نهر
بس الشلونك بقت وي طيفك احچيها
والدمعه من كل كتر تخنگني وبچيها
يلگبل ليلك حلم
يلعايش ويالنجم
كلشي رخص بالوكت لو غالي عنواني
شچم مره لازم أجي حتى اتلگاني
حتى ابعيّدك ضوه
گبلك عزيز الهوى
وياي ماصدّگت من گتلي تنساني
الكبير
فاضل حسن
يسلم عليك السهر
و الجرح ركضة نهر
..
صورة عميقة جدا جدا
عذب الانتقاء الدكتور فؤاد
نطمع بالمزيد دائما
من جمال ما تأتي به ذائقتك
مودة وافرة تغمر محياك يا طيب
••
حعلق قبل لا اقرا و هالشيء فقط اعملة مع شاعري الاستاذ فاضل حسن لا استطيع ابدا رايي بقصيدة فقد قرات العشرات لفاضل و لم اجد فيها غير الرائع و الارواع اصابعي العشر يحتاج اضعافها لاصفق لهذا العملاق فاضل الشخصية و الانسان المؤثر بشخصي و بكتاباتي و هذا الصباح بالنسبة لي اسعد الصباحات جمعتني ربان سفينتي بشاطئ الابداع لفاضل حسن شكراً د.فواد
و زيدونة بفاضل حسن
رد مع اقتباس