انــا بـنــت ذلـك الـفـقـــيــر - الـــبــارت الــثــالـث و الـعــشــريــن
هيام : نور
نور : بقت امي و محمد بالحوش يسولفون طبيت ع هيام وجهه مكهرب
شبيج
هيام : الحگيلي
نور : شكو هاي الحمدلله طلعتي مو السبب و مالج علاقه بالموضوع
هيام : ولج بارق شسويت اني شصخمت بحالي
نور : بارق منو
هيام : الولد الي هنته حجيت وياه حجي مينحجي مادري شحجيت بوجهه نور گلتله تشترون بنات الناس انت نذل و ابن منو عقيد ركن نور شراح يسوون بينا
نور : اهدئي شنو تايهة ميصير شي اعتذري منه و ينتهي الموضوع
هيام : لا ما اعتذر ماگدر اواجهه ما اداوم بعد احسن حل ما اروح
نور : ولج بابة عادي لا تكبريها والله عادي قابل ذبحتي بس اعتذري و خلاص
هيام : عقلي انهار افكار سودة اجتي ابالي و نور متفهمني اريد افكر بشي نفسيتي ماكو عقلي قفل
حجيت كلام مينحجي و المن ؟ لبارق كلما اتذكر راسي يموتني من الوجع هذا كابوس
بقيت يوم كامل بدون اكل و بدون كلام
ابوية بالسجن و لا مسواگ و لا شي امي دبرت الغدا بشوي تمن و عدس و طبخت كوشري
نور : يمةة جعت شنو ماكو عشا
ام هيام : خدرت جاي و عدنا خبز نعمة من الله ..
محمد : و باجر شلون حتى كروة للدوام ماعدنا يعني عمي مافكر مگال جهال اخوية يموتون
يعني هم نلوم الناس الغربة و عمامنا يحفرون گبورنا بيدهم
ام هيام : يمة تهون ميصير هيج تحجي
نور : ثردت خبز قطع ناعمه و صبيت عليه جاي و خليت شكر فوگاه و علاوي منطاني مفكة لعب بي طوبة
ديييي علاووووي دمرت ثريددددي
تكئبت محمد و هيام ناموا بدون اكل و هيام تكبر الامور و هي متسوا
هيام : الليل كله افكر بحل شسوي اروح اكوله اني مادري عبالي انت
لاا اشلون ماكدر اواجهه شاگول اذا سألني عبالج بشنو
قابل اگوله عبالي انت سجنت ابوية!
شسويت اني مفكرت شبية و هيج هجمت هو حتى ما أذاني يوم من الايام انسان هادئ ميدور سوالف بناات شجاني و فكرت يريد يوگعني بابوية
كعدت ع صوت نور تتعارك باوعت ساعـه 9 حتى فرض الفجر فاتني
نور : داكولك اليوم دوري البيضه الي
محمد : باعي هذني تعبريهن ع علاوي مو علية لا تغشين البارحة دوري و مباضت فـ دوري يزحف ع اليوم
نور : ماكوو مو بكيفك ما متفقين هيج
محمد : طلعت ركض للحوش ادور ع الدجاجة
نور : لككك يمةةةة عوفهاااا
محمد : شايل الدجاجه اتريد تبيض و نور تجر بيها
يومي يزحف لا تغشين
نور : نزلهااا دنزلهااا راح تبيض بالهوا و توگع و تنكسر ولج يووووم كوليله
ام هيام : عوفوها تبيض براحة حتى الدجاجه خبلتوها
هيام : بقوا يتناگرون حتى الدجاجه صدع راسها گعدوا حولها و ينتظروها تبيض
من الجوع و التعب گمت ماحس بشي
صعبه احساس الظالم و اشكد حلو احساس المظلوم رغم قسوة الامر عليه اول مرة احس ظلمت بشر ضميري اذاني عرفت النعمة الي جنت بيها راحة البال و الضمير
اكيد باجر اذا داومت يرزلني همين قابلة المهم شي و يعدي و ارتاح
نور : برائيك راح تبيض اليوم
شلت الدجاجة و باوعت
محمد اشو مدتطلع البيضه
محمد : نزليها نزليها انتظري السالفه مو سهله عليها
نور : اكيد دتحجي وية نفسها مابيض الا يتفقون
محمد : اي يمكن
هيام : هاا موصلتوا لحل ..؟
نور : عمي ناكلها كلنا بس خلي تبيض راح تصير بال10 متت جوع
هيام : رحت ع امي البيت لا فلوس لا مسواك تسكت الجهال بثريد جاي و حليب
يمةة الغدا اشلون
ام هيام : والله مادري اكولج اكو خبز يابس اني جمعته بالحوش دلگطي الزين الزين و جيبي اطبخ شرباية ( محروگ صبعه) اشبي نعمة من الله
هيام : زين هسة اشوفه اخذت جدر و طلعت الگط الزين
هذا حالي و واقعي شلون خليت راسي براس بارق ابن الكذا رتبه بالدوله .
منين جتني الجرأة و رحت حجيت بوجهه اعوذ بالله منك يا ابليس
تعبت شيسوي خلي يسوي قابل راح يذبحني رزاله و رايحة اصلا اتعودت ع كلامهم و استهزائهم
احمد : مجتي اليوم
بارق : و لا تجي احمد تعبان حيل ثق بالله ماريد اشوف خلقتها و تفكيرها الرخيص كلامها براسي احمد كلامها ذابحني
احمد : صاير فتيل بس جبنا طاريها انهديت بية كافي يا حجاية ردي لمكانج
نور : يمةة صار الغدا لو لا جوعااانةةة
ام هيام : يلا يلا استوت اگعدوا و سمو باسم الله
هيام : التمينا ناكل متت جوع ماكلت من البارحه لو يقدمولي حصو اكل
نور : الله يمةةة عاشت ايدج عمره خسارة الي ما ضايگها
ام هيام : بالعافية
هيام : مر اليوم و احنا ساكنين بس ضحكات الجهال بالبيت و لعبهم
المغرب طب ابوية كلنا طفرنا عليه من الفرحة نحضن بي و نبوس بي
ابو هيام : هلاا هلاا بوليداتي هلا بحبايبي
محمد : شعجب تنازل عمي
ابو هيام : طلعت بكفالة
ام هيام : اگعد اگعد ارتاح
الحمدلله بس منين فلوس الكفالة
ابو هيام : والله مادري گالولي فاعل خير عليه نذر عتق رقبة و عتقني
الضابط كالي اسمه يمكن غزوان احمد اي غزوان الله يوفقه و يتقبل نذره و يغفر ذنبه
هيام : انصدمت شجابة ع ابوية اشمدري هذا منين طلعلي شنو هالمصايب شديصير وياية
نور : درت ع هيام وجهها ينطي الوان و ضحكت بقهر
هنيال امي
ام هيام : الحمدلله من يسخر الخير و الفرج بيد عباده كن فيكون
ابو هيام : اي والله الحمدلله
طلعت الظهر و رحت للمحل كلت البيت مابي مسواگ و ماكو فلوس للجهال يداومون
ام هيام : متقصر عيوني دتضغط ع نفسك و صحتك ..
ابو هيام : ماكو ضغط ام هيام الحمدلله نزرقت خير الله
ام هيام : الله يحفظك النة و يديمك بصحة و سلامة
هيام : بين فرحة جية ابوية و بين مصيبة بارق و مصيبة غزوان نمت بالليل و من القهر اذا خليت راسي ع جبل يصير تراب
هايهية بعد ماكو مصايب بالدنيا كلها التمت
سمر : داومت و مالي واهس اداوام طبيت للقاعة
هياام
ركضت عليها بوستها
شلون صرتي
هيام : الحمدلله
سمر : ولج ظل بالي تسولفيلي من الاول للاخير صار يومين متت من القلق
هيام : داسولفلها طب بارق من الخوف سكتت و دنگت راسي
مر من يمي يمشي ع اعصابه حسيته صاير نار الطلاب تارسين القاعة انتهيت اني هاي الفضيحة الي مجنت متوقعتها
بارق : طبيت للقاعة شفتها كاعده بدم بارد و لا يمها اعصابي صارت نار گمت افور شمرت كتبي حيل ع المقعد
هيام : گمز جسمي من صوت طبة الكتب ع مقعده گلبي كام يوجعني
خطف سريع لحد ما وصل لمقعدي و وگف
متت سبع موتات
رد مع اقتباس
المشاركة الأصلية كتبت بواسطة ✔ Future☜ ☠ ☞ Man ╰☆╮
