برج الحمل ♈
اليوم رغم التعب و الجهد يلي ممكن تشعر فيه عندك طاقة و همة حتى تخلص بعض الاعمال و الاشغال يلي متراكمة عليك و قد يكون أغلب وقتك مشغول بأمور منزلية و عائلية و تأمين طلبات الأسرة .
عاطفيــا”…بدك تقضي وقت ممتع و بعيد عن المشاكل مع الشريك .
برج الثور ♉
اليوم مناسب حتى تعزز قدراتك و طاقاتك و تجدد بعض الأساليب القديمة يلي بحاجة لتطوير باسلوب عملك ، ما تخلي التشاؤم و عدم الرغبة بتقديم أفضل ما عندك تاخد حيز من تفكيرك حتى تحافظ على مكتسباتك ، قد يزورك احد المقربين و يمدك بالدعم و الطاقة الايجابية .
عاطفيــا”… تنصلح امورك مع الشريك و بتصير الاجواء أفضل .
برج الجوزاء ♊
كتير افكار ممكن تخطر ببالك و تسبب لك الابتعاد او الانزواء بعيدا عن المحبين الك ، تجنب الدخول بنقاشات حادة او خلافات مع اشخاص بالاساس مافي توافق بينك و بينهم ، الفرصة مهيأة حتى تتلقى دعم و تأييد من احد الاخوة .
عاطفيــا”… تعامل مع الشريك بمرونة اكبر و ما تدقق كتير على تصرفاته ..
برج السرطان ♋
يوم مناسب لتعزيز العلاقات الاجتماعية و تقوية الروابط مع الاهل او الاصدقاء و خصوصا يلي الك زمان ما شفتون او في بينك و بينهم جفا او برود بالعلاقة ، حافظ على محبتك للجميع و ما تطلق كلمات او اتهامات بغير محلها حتى ما تندم لاحقا .
عاطفيــا”… لا تتغافل عن حاجة الشريك لمودتك و قربك منه و حنيتك .
برج الأسد ♌
تفاديك للامور يلي ممكن تسبب لك وجع راس او تخليك تشعر بالتعاسة و الحزن افضل شيء ممكن تعمله ، خليك بحالك و ما تتورط بمشاكل الآخرين ، فيك تلتقي باشخاص بتاخد منهم طاقة ايجابية او تمارس بعض التمارين الرياضية حتى تجدد طاقتك .
عاطفيــا”… محبة و انسجام بتجمعك مع الشريك و تخلقوا جو رومنسي .
برج العذراء ♍
اليوم مناسب حتى تعيش اجواء عائلية حلوة و تقضي وقت ممتع مع الاصدقاء و الاهل ، ما تخلي الشغل و ضغوط العمل تاخد من وقتك اكتر من اللازم ، في قلق حول قضية متعلق باحد الاولاد و ربما تنتظر تدخل من احد الاطراف لحل قضية عائلية .
عاطفيــا”… عبر للشريك عن محبتك و ما تخليه يشعر ببعدك و انك مانك مهتم فيه .
برج الميزان ♎
طاقتك اليوم كتير حلوة و اجراءات كتيرة حابب تعملها و تخلصها عبكير حتى تتفضى لحالك و لامورك الشخصية ، مكانتك ضمن الوسط المحيط كتير مهمة و عم تتعزز يوم بعد يوم ، بعض الوصول للقمة من المهم المحافظة على البقاء فيها ، ارباح و مكاسب مالية جيدة بطريقها اليك ان شاء الله .
عاطفيــا”… جو من المحبة و الود يسود بينك و بين الشريك .
برج العقرب ♏
اليوم جيد و طاقته حلوة استغل هالشي حتى تقوي مكاسبك و تعمل خطوة للامام بعملك ، قد تواجهك بعض المشاكل البسيطة يلي فيك تتجاوزها بدبلوماسية و مرونة ، تبادل للآراء و الأفكار مع بعض الاصدقاء المقربين يلي ممكن يساهم بايجاد حلول مناسبة لمشاكل عم تواجهك .
عاطفيــا”… حساسية بالعلاقة مع الشريك و بعض التوتر يزول ببسمة او كلمة حلوة منك .
برج القوس ♐
مازلت تملك طاقة كتير حلوة ، عم تقوم بما يلزم حتى تنهي اي التزام او وعد قطعته ، بتلعب دور مهم بتقريب وجهات النظر ضمن الوسط المحيط فيك و بتحاول تقديم المساعدة اللازمة في حال طلبت منك .
عاطفيــا”… ما تخلي الحيرة و الغيرة تنتاب الشريك بسبب تصرفاتك الغير مفهومة من قبله .
برج الجدي ♑
يوم جيد و مناسب حتى تضع خطط و حلول لامور مستقبلية عم تفكر فيها و شاغلة بالك ، انت اليوم مميز بدبلوماسيتك و ابتسامتك يلي ما بتفارقك ، خلي تعاطيك مع الاصدقاء و الزملاء اكثر مرونة و ما توقف عالكلمة معون .
عاطفيــا”… بتحاول ازالة اي خلاف او سوء تفاهم مع الشريك .
برج الدلو ♒
اليوم تبدو بحاجة للراحة و الهدوء اكتر و بدك تبتعد عن اجواء الضجة و الصخب حتى تستعيد السكينة و الاستقرار ، حاول تجدد طاقتك و تركز على بعض الافكار الايجابية يلي بتخليك تشعر بالتفاؤل و الامل ، خبر متعلق باموال عالقة او متأخرة ممكن يسرك و يسعدك .
عاطفيــا”… بتتعاون مع الشريك و بتسمع منه و بتاخد برأيه .
برج الحوت ♓
اليوم قد تكون غير راضي عن بعض الامور يلي جرت معك و بدك تلاقي حل مناسب لقضية شاغلة تفكيرك خاصة بالعمل ، استشارة و رأي مهم ممكن تسمعه من احد الاصدقاء بساعدك ، ممكن تزور صديق او قريب و تجدد نشاطك ..
عاطفيــا”… الشريك هو الشخص الانسب يلي ممكن يقوقف جنبك و يساعدك .
رد مع اقتباس
