درر العراق

Haidar Iraq · 27/November/2020

السلام عليكم ..

_____________________________________
إلى كافة الأخوه الأعضاء الغائبين ..

اخواني ليش غايبين عن المُنتدى ..؟؟؟

ليش اتخلوني ابووووح ابصوت عالي ..

واني هاي الأيام حسي امطبگ ومبحوح ،

يعني اذا عندك شغل ميخالف معذور .. بس مو اتسويهه اويانه اطويسيس ..

خلينه انشوفك ونطمأن عليك ، ونتكشمر اوياك ، يعني لشوكت منطي تسجيل خروج ، وتبحلق على المشاركات من خلف الكواليس ..؟؟؟ تره هاي السالفه ابد مو خوش ،

وراح اتخلوني اتعارك اوياكم ، واستخدم اوياكم اسلحة الدمار الشامل ،

هسه احتمال واحد ايگول ماعندي واهس ادخل للمنتدى ، يا اخي اشتري واهس وادخل للمنتدى ، وماشاء الله هاي الأيام الواهس رخيص مو غالي ، اشتريلك فد كيلوين واهس وادخل للموقع ،

واذا ماعندك افلوس تشتري .. Suzana عدهه استعداد تشتريلكم واهس ..

بس لحد الأن ماعرفت الواهس ليش ايبيعونه كيلوات !!!

چا هو طماطه مثلاً ..؟؟؟!!!

المهم ماعلينه ابهاي السالفه ، اشلون ماينباع خل ينباع ، نرجع للموضوع الأساسي اللي نتحدث عنه ، هسه ادخلون للمنتدى ..؟؟؟ لو اتخلوني استخدم صلاحياتي ، واحظر روحي دائمي من وراكم ..؟؟؟
عااااااا

27 نوفمبر 2020