أبراج اليوم الجمعة 27/11/2020 ابراهيم حزبون | حظك اليوم الجمعة 27-11-2020 ابراهيم حزبون
.


ابراج ابراهيم حزبون اليوم برج الحمل 27 نوفمبر 2020

بالنهار عم يكون تفكيرك محصور بالبيت ممكن مشكلة او قصة شاغلتك اما بعد الضهر فبتطلع من هي الحالة وبتحصل على اوقات مميزة وحظوظ وفرص حاول تستغلها . عاطفيا : يمكن النهار مايكون متل مابدك عاطفيا بس من بعد الضهر انتظر افضل الاوقات العاطفية .
ابراج ابراهيم حزبون اليوم برج الثور 27 نوفمبر 2020

بالنهار عم تكون بوضع جيد حركة وتنقلات وحكي بموضوع مع احد الأخوة أما بعد الضهر فبتشغلك أمور البيت وممكن حدا من الأهل يكون بحاجتك فلا تقصر .
عاطفيا : انت ملفت وامورك العاطفية عم تتحسن فلاتخاف وانتظر نجاح بعلاقتك بالوقت القريب .
ابراج ابراهيم حزبون اليوم برج الجوزاء 27 نوفمبر 2020

بالنهار عايش حالة من الركود وعم تفكر بقصص مالية اكتر شي اما بعد الضهر فبزيد النشاط عندك ممكن تتلقى اتصالات كتير وتصل للعالم بشكل افضل بتواصلك وتكون قادر تقنع بسهولة .
عاطفيا : لا تكون جامد على رأيك واعطي فرصة للشريك يعبر عن حبو الك .
ابراج ابراهيم حزبون اليوم برج السرطان 27 نوفمبر 2020

عم تحصل على انطلاقة جديدة وعم تكون مليان طاقة ومشرق بين الكل هالشي ببحر النهار اما من بعد الضهر فبتهدى وتيرتك وبتفكر اكتر بامورك المالية ومصاريفك وممكن تفكر تبدا شغل جديد .
عاطفيا : لاتسمح لحدا يأثر عليك وعلى قلبك وخليك واثق من انو يلي بحبك رح يكون معك اكيد .
ابراج ابراهيم حزبون اليوم برج الاسد 27 نوفمبر 2020

نهار متعب في تراجع بالمعنويات وبتحس انو الدنيا مسكرة بوجهك لكن من بعد الضهر بتسمع اخبار حلوة وممكن ينحل عندك موضوع بطريقة سحرية هالشي رح يفرحك ويمنحك الطاقة .
عاطفيا : عندك بداية جديدة بعلاقة جديدة المسا فلا تزعل ولاتقضيلي ياها عم تفكر زيادة .
ابراج ابراهيم حزبون اليوم برج العذراء 27 نوفمبر 2020

في شي بداخلك ماعم يريحك بالرغم من انو في اصدقاء حدك وخاصة بالنهار بس بعد الضهر عم تتعرض لسوء الفهم ويحصل معك امر ممكن يزعجك وهالشي عم يسببلك عدم راحة وكأنو في شي رح يصير هاد التفكير طبيعي انت اهدى بس .
عاطفيا : لاتستعجل الامور وخليك رايق هي الفترة ولاتتخذ قرارات تأثر سلبا على حياتك العاطفية .
ابراج ابراهيم حزبون اليوم برج الميزان 27 نوفمبر 2020

حالة ضغط عم تمر فيها يمكن من الفترات الصعبة وعم تأثر على حياتك وشغلك ورح تستمر بالنهار فكون منتبه ورايق ومن بعد الضهر امورك بتصير افضل نسبيا وممكن تحصل على مساعدة من صديق .
عاطفيا : لا تكون عصبي و خليك بعيد عن الاستفزاز هي الفترة وساعد الحبيب لتلاقو حل.
ابراج ابراهيم حزبون اليوم برج العقرب 27 نوفمبر 2020

عم تعيش اجواء منيحة بالنهار ممكن تسافر او تتلقى اتصالات من ناس جديدة او تفتح شغل جديد الك لكن بعد الضهر بيتغير الوضع وبصير على عاتقك ضغوط اكبر خاصة على الصعيد المهني فانتبه وخليك جاهز حتى ماحدا ينتقدك .
عاطفيا : حاول تكون حاسم بامورك العاطفية وكترة العصبية عم يسبب خوف عند الشريك فانتبه .
ابراج ابراهيم حزبون اليوم برج القوس 27 نوفمبر 2020

عم تعيد حساب امورك بالنهار وممكن تخلص من مشكلة قضائية او استشفائية اما بعد الضهر فبتكون افضل بكتير وعندك فرصة للسفر وانو تغير بوضعك العام ورح تسمع اخبار حلوة .
عاطفيا : لاتبالغ بردة فعالك وحاول تعطي فرصة للشريك والحب بدو احيانا تنازلات .

ابراج ابراهيم حزبون اليوم برج الجدي 27 نوفمبر 2020

انت مو مرتاح وكأنو في شي عم يوترك بس ماعم تعرف شو هالشي حاول ماتعصب واذا بدك تتم شراكة والأمور بعد الضهر بتصير افضل وبتشعر بتحسن وبتحل قضية .
عاطفيا : فكرة الارتباط واردة بهاليوم لكن بحاجة لدراسة منيح وانتبه من عصبيتك تنهي علاقتك بالشريك .
ابراج ابراهيم حزبون اليوم برج الدلو 27 نوفمبر 2020

من الأيام المتعبة وحتى صحتك ماعم تكون منيحة عم تحس بارهاق وانك بحاجة للراحة بس مافي وقت حاول ماتهمل الشغل الضروري ومن بعد الضهر بتفكر اكتر بامور الشراكة وفي اشخاص بتحاول تستفزك حاول ماترد لأن رح ينحط اللوم عليك لأنك بموقف ضعف .
عاطفيا : يمكن اكتر شي ممكن يكون انك ما تخرب علاقتك بالشريك وفرصة للأعذب يعمل خطبة او زواج هالكم يوم .
ابراج ابراهيم حزبون اليوم برج الحوت 27 نوفمبر 2020

من الايام الحلوة خاصة بالنهار حاول تستغلها وتأكد انو عندك حظ تعمل كتير اشيا وتغير بوضعك للافضل فلا تتسرع بالحكم او بقراراتك وانهي كل شغلك بوقتو وخليك منتبه لصحتك بعد الضهر ورح يكون في عندك تعب فداري حالك قدر الامكان .
عاطفيا : انت امام فرصة رومنسية اذا استغليتها ولاتفكر كتير بالماضي انت لازم تشوف المستقبل .