وائل السماوي
مضى سهمُ الهوى نارٌ بكبدي
أخلّص عمري كل لحظة بك، أبدي
نزلت دُموعي ساخنة
و بعيني مذبوح الهَنَه
غایب دهر صار الذي
كل ثانية غْيابه،سنة
لو يمّي، عيني بعافية
عيوني بْعيونه مدمنة
و أحس مخومر الراس و بكى بدي(بكى بيدي)
النشائة براسي دگّت من عنیّه!
((كل ما يمُر بيّه حزن ..
اذكر ضحكتك وابتسم
و ارجع احن لـعيونك !
ويغُمضن عْيوني ردت لاااا بيهن ايشوفونك !! ))
تمشي الحياة ومااااآ گضت،
و دگّات گلبي امخبّلة
و ضلوعي شوگ اترضرضت!
كل ليلة گاعد للصبح
هنیال عینه الغمّضت
لك عيشة زفرة بلا عشگ
والحمزة أشرفلي الموت
افراش أمدّ ابلا ولف؟؟
من كون أمدّن تابوت!!!
بس لا ولك عندي ولف
باكيت و ...
مبحوح الصوت!
كل جرّة من گطف التتن، ترسملي ليل زفافك
لك والله بمكان الگطف، کون آنه ابوس ، ش.. ف.. ك...!!!!
من جيرة و بْگُصْةِ الوكت، خلّة الغرب بأحضانك
كون الله و يگلبة زهر، ذاك اللي ضاگ السانك!
لك آنة ذاك السافرت
نجمة و گمر بلیالک ...بس حتّی یضوي خيالك
بس حتّى يملي سلالك
و الگلّک ابقالک نسم
تشتمني لو ليلك حسم
و الجنّة بعيونك رسم
چا لیش ما لیّة اصبرت
حتّى عَلَي ما سلّمت
رحت و تركت اصورّك
اسهام بجثث آمالي،
لك آنة ابو حضن الدفو
تحضنّي رجفات الشّتة و انت بحضن چتّالي؟!!!!
كلساع اشك ، ميّت، عدل
تالي إفهَمِت
صَح آنه بـفراگك عشت،
بس لا متت من دونک!!!!
يمكن متت من دونك!؟!؟!
✍.وائل السماوي.
رد مع اقتباس
