عتب عندي وية نبضك ياوْجود الصّيف
شنو الخلّاك هالگد تهفت و تعره
انا الچنت امْن امرّ اعْلیک ترتاح
ربيع و مَر رزق بأحضان صحرة
برودك غـاثـني مـو مـثـلي مــن تـشــتاگ
ذرّه وداعـــْـتـَـك مـا تـــوصــل الــجــمــرة
اشـوغـن لـو شـفـت بالحـلـم غـيـري وياك
مـثـل شــوغـة الأخـرس لــو گـلـتلـه اقـره
مـــا دوّر شـكـل بــس دوّرت مــضـمـــون
حـلاة الـعـشـره مـن اتـكـون عَالـفـــطـــره
ومـارايـد قــصــر يــجــمـعــنـا آنـه ويـاك
مــن طــيـن الـبـيـوت وعـايـشـة الـفـقــره!
عفــت بـيّـه جـرح مـَيسـدّه ألـْف اخْـيـاط
رِدْت اولــيــدنــا، مــو جــرحــك اتـكـبــره!!
من تمـطـر چنت اسگـف اچفـوفي عليـك
اجـبـر خـاطــرك بس خـاطـري اتـكــسـره
تـزرف گـلبي عــمـداً وآنـه اخـلـّي اعــذار
انــهــابـت چــي زرف بـذيــالـهـا الأبــــره
طـحت عثـرت جـدم تگـدر اتگـوم اردود
بـس هـيـّه المصيـبـة بطيـحـت الـگـطـرة
ارجـعــلك شرط لـو رجــع عكس المــيــل
حـــتـه الـرايـدك تـــعـرف حــجــم قــدره
لزمــتك عـن قصـد واعـرف ابـطـبـع الناي
يـحـچـي الضـامـهـن مـن يـنلـزم خـصــره
حــــرورت طـعـنــتــك مـا تـبـرد ابـشـلّال
ودرت فــوگي نـــهـر والـنـار مــتـــوجـرة
من ينذل محب مو ولفـه چـان الـصــوچ
السبب بالضام راسـه وشــايـله بـصــدره
آنـه انطـيـت روحي وانـتـه بـيّـه انطــيـت
نـفـس ما بـيّـه اجـرّن مـــو اذب حـســرة
وحــگ ذاك السـهر والنشفـن امـن الـماي
مسـحـتـك مـا الـك بالـــبـال كــل ذكــرة...
د.أبوعلي النجفي
23 Nov
2020
رد مع اقتباس
