انا لا اعلم ما يقول المغرب للسماء فتحمر خجلا
لتسرع متلحفتاً بسواد الليل سترا
المغرب شيسولف والسمة يخجلها
مابقة كلمة والها ما كايلها
توعدني مثل المذنب العود يتوب
يومية ينوي وتوبتة يأجلها
واعذرها ادري بلا عذر ازعل ليش
وانتظر تغرك بيه وادري انه الكيش
ادفن بنحرج وجهي لو يوم الكاج
محتاج اموت وعطرج اخر ..افييش
جن مقتدر من يلكة شي بي مهووس
يشريه كبل من لا يكلولة ابيش
بيج وصفت والناس .. اوف تجر اوف
وبالعمى حجيي شكد ترك واهس شوف
تشبه ملامح وجهج ال بسم الله
حظنج جفن غطيني مت من الخوف
بسملتي اسمج لو تهت بولاية
هو انتي تتجودين بس مو اية
هو انتي مثل السالفة الما تنكال
سر يم فضولي ترد لروحي حجاية
ڪل غاية تحتاج لوسيلة وتبرير
وانتي الوسيلة البررتها الغاية
ترحين ما ترحين انتي وياية
النهر باقي شما يسافر ماية
هو الهوة شما يمشي ما جنة يروح
وشما مشت ما تنقص المشاية
ڪالتلي ردت الفركة الله يزيدك
اي صح رحت من ايدي بس من ايدك
اي صح رحت بس رحت روحة تابوت
فارغ ترد للرايدة وميريدك
انترك بس ابقى بمكاني اتعافه
الوطن ميسافر لواحد عافة
حبيتة حب العاش يقرة التاريخ
وتعجبة شخصية بشر ماشافه
وڪص جتفي وحطاني اب بلم وي مجداف
وبتسم مثل الشامت اليتشافة
وجبت البحر امشيلة اذرع بالروج
وشينفع المشلول عرض جتافة
وعرفتة ما ماشيلي روجة من الكيت
الماي ما لايح جدم مجدافة
ڪتلها يلمع حزني بركان ابليل
مو باليالي الذنب بالماشافة
صح ضايع الناعور ساسة براسة
بس ع طولة مبللين احساسة
نيتي ابياض لا اله الا الله
من شفت المؤمن بخير انفاسة
احساسي الكدر يعرف مكان الشيبات
من كبل لايطلع الشيب ابراسة
رد مع اقتباس
المشاركة الأصلية كتبت بواسطة ۆھَہّــﻣ̝̚
