اغمض عيني لكن مايجي النوم
جداا اشكرك يمطير النومة
شلت همك وافكربيك كل يوم
واني كليبي محد شايل اهمومه
معلم ع دمع هذا الكلب يفلان
وماشاف الفرح هالكلب من يومة
لدزلي جرح لابس هدم الافراح
اعرفه من العطر ماتنفع هدومه
يمر سرب الحمام الجاي من سماك
اسألهم واكلهم خلي شعلومه
يواسيني الحمام يكول ماناسيك
بس اني اعرفت من ضحكة البومه
مانزل دمعتي كبال شمات
اضحك بالوجه والدمعة مكتومة
لان شايف وادي بطبع هالناس
يواسوني بوجه وكلوب مسمومة
تعال ارجعلي فدوه وفرح العيون
من شوفك يخلي العين محرومه
يالتنطق شفافك روح راح انساك
نفسها الشفه هااي بصدري مختومه
يالظالمني كافي تهيج الجروح
موطلعت روحي وروحي مظلومه
كلت بيك احقق كل الاحلام
لكيت احلامي كلها وياك مهدومة
استاهل ولك عمي انت ماتنلام
انة كلبي فطير االخان مالووومة
رد مع اقتباس
المشاركة الأصلية كتبت بواسطة مرتضى الطيب
