انــا بـنــت ذلـك الـفـقـــيــر - الــبــارت الــثــانـي و الـعـشـريــن
بارق : هيام شبيج منو وياج
هيام : طبيت شفته يم مقعده رجلي ودتني عليه بدون ماحس بگلبي كره اول مره احس بي دار علية
( بهدوء ) انتو شنو .
هايهية
الدنيا عدكم فلوس و بنات
عبالكم بفلوسكم كولشي يصير و تحت امركم
متعوفونا بحالنا شتريدون احنا فگر بس ترا مننذل و متشترونا بفلوسكم تفتهمون انو مو انتو خلقتونا
فلوسكم عيشوا بيها منريد شي منكم
بارق : شدتحجين انتي؟
هيام تصرخ : انت شتريد مني ليش ابويةةة بالذات شتتوقع راح اتوسلك اخضعلك احبك
انت اخر واحد بالدنيا افكر احبه
عفته و مشيت و عيوني ماكدرت الزمهن من البجي
بارق : تحجي و تبجي دمي احترگ
شالت سيف و خلته بگلبي حتى مكمت اشوفها من راحت
هيام : طلعت اشهگ من البجي ع ابوية غزوان جان بالباب ما وگفت ماريد اخد يشوفني بهذا الضعف مابية حيل بعد طلعت من الجامعة
سمر : نزلت من السيارة شفت هيام طلعت تمشي سريع و تمسح بعيونها ركضت عليها .
هياام هياام
لزمتها
اشبيييج
هيام : سمر ابوية
سمر : اشبي شصاير
هيام : الشرطة اخذوا ابوية كله بسببي ابوية انسجن الله يخليج عوفيني اريد ارجع للبيت مختنگة عوفوني الله يخليكم
سمر : خليت ايدي ع حلگي هي راحت تمشي سريع و تبجي
غزوان : طبيت للقاعة شفت هيام دتحجي وية بارق وگفت بالباب دافتهم طلعت تركض و تشهگ بالبجي گلبي انمرد عليها ركضت ع بارق جريته من ياخته و لزكته بالحايط
لك نذل شسووويتلها
بارق : كلامها يدور براسي بدون تفسير مافهمت حرف منها اجة غزوان دفعني ع الحايط
دفعته حيل عني
وخررررر
مشيت اريد اروحلها افتهم شنو هذا الحجي جرني درت عليه جانت اعصابي نااار
ضربته بوكس يمكن فلشت وجهه وگع ع المقاعد ..
طلعت ركض ادور عليها
احمد : ها زعيم وين شبيك منفعل
بارق : وينهاا...
احمد : منووو
بارق يصرخ : هياام وينها
احمد : مادري مشفتها عافني و ركض صحته رحت وراه
سمر : طبيت امشي بالممر و بالي ع هيام حيل انقهرت شفت بارق يركض و احمد ورا شافني جان يجي طاير
بارق : وينهااا
سمر : هيام
بارق : اييي وينهاا
سمر : راحت لبيتهم .
بارق : تندلين بيتهم
سمر : لا والله ليش شصاير
بارق : شبيها صديقتج اشبيهااا مادري شحكت وراحت
سمر : خطية ابوها ماخذي الشرطة متملخة عليه
بارق : رجعت ليورا اجة براسي كل كلامها گمت اربط وصلت عندي اذا اضرب الحايط يمكن اهدمه من الاعصاب عفتها و مشيت للحدايق اختنكت
احمد : يمشي و امشي ورا وصل للحديقة
ادري اضل اركض وراك بااارق فهمني شصاااير
بارق يصرخ : هاي شدتفكر شبيييي عقلهاااا
احمد : شصااير غير افتهم
بارق : لك احمد اني عبالها اني؟ هاي شنو يدور براسهااا عني انت دتعرف بشنو تفكر هيااام تدرررري لو لا
احمد : لا تصيح بارق اهدأ طلاب الجامعة انتبهوا
بارق : يااا طلاااب يااا امةة حجت قيااامة وياية قبل شووووي دمرتنيي احمد دمررررتني اريد اتنفس ماكدر هذاا گلبي كله منه هذااا شگگني شالت سيف و خلته بي احمد هياام دمرتني
احمد : شحجت سبتك ذمتك فهمني
بارق : كعدت ع الحشيش مابية اوگف نهد حيلي
اني ساجن ابوها حتى اضغط عليها اني افكر هيج
احمد : انصدمت من الفكرة گعدت گباله
يمكن لان مقهورة عليه متعرف شحجت
بارق : لا هاي نظرتها عني و اني گلبي هايم بيها فرحان بيها عايش علمودها ديدك الها كل هالمدة و هي تشوفني واحد نذل
احمد : گام يبجي درت وجهي و فركت راسي ماعرف شواسي سكتت
بارق : تعبت الدنيا صارت كبر اي شي اريده ميجيني الا اهلك
شبدر مني صار سنتين حتى تفكر اني اتصرف هيج تصرف اذتني حيل هيام حيل اذتني حيييل
هيام : رجعت للبيت و الدنيا تدور حولي طبيت للبيت و اتذكر ابوية شلون عتقلوا قدملي خير و اجاه الشر مني
نور : شو رجعتي مو عندج امتحان
هيام : مابية نور مابية اريد اموووت ماريد شي بس اموت
نور : بس حجيت وياها انفجرت بجي حضنتها اش اسم الله شنو هالحجي كافي ادري شصاير حتى هيج تحجين
هيام : ابوية انسجن من وراية شبيدي اسوي بعد مو عزلت نفسي عنهم شبيدي مو راح امووت
نور : من وراج ليش شسويتي
هيام : مسويت والله خرب بية من طبيت لهاي الكلية خررب بهذاك اليوم الاسود
نور : اي احجي شكو
هيام : مسحت دموعي اذا ما افضفض اموت من الذنب الي برگبتي
اكوو واحد يحبني و و صديته خفت علية و عليكم عرفتهم ناس مترحم كولشي اجة ابالي من ورااا ولج طلع واحد نذل تملخت و اني داخله بهيج حرب بالكلية تعبت
نور : اي و هذا الولد شعليه بابويه هو هددج ..؟؟
هيام : مو الا يحجون ميگولون قابل يستأذني يلا ينتقم مني رادني اتوسله يطلعه
نور : شنو يضغط عليج هي تايهة و انتي ليش سكتي هذا واحد نذل يرادله تكسير راس شنو بناات الناس لعبة
هيام : لا مسكتت
اليوم طيحت حظه اجيت
نور : و شگال مگال يتنازل و يطلعه
هيام : لا حتى مكدر ينطق حرف كدامي خوما اتوسله طلع ابوية ابددداا اعرف هذا اليريده
نور : لعد اشلوون هياام يبقى ابوية بالسجن امي راحت اشلون اذا عرفت و شلون اذا انتقم بالزايد شلون تروحين تهجمين عليه
هيام : ينتقم ازيد مفكرت بهاي هسة شسوي نور
نور : لا تبجين اشش امي جتي بعدين نحجي
گمنا ع امي
ام هيام : اووف تعبت لـيش عايفة كليتج هيام مو عندج امتحان
هيام : ابوية وين ليش سجنوووا
محمد : عمي خرب بـ ...
نور : احجوا شمسوي عمي ابوية ليش مطلع؟؟
ام هيام : عمجن الضابط مطلع مذكره القاء قبض ع ابوجن
نور : عمي جاسم و ليييش شمسويله ابوية
ام هيام : من ورا الورث ابوج مقابل ينباع بيت جدج و عمج ديضغط عليه شلون بالشرطة
محمد : هم تسموهم عمام ..؟؟ بعد شيريدون من ابوية مو هججونا و شبعنا فكر هي غرفة وحده و هم مديعوفونا شيريدون .؟؟
ام هيام : ميصير محمد هاي مواضيع عمامكم لا تتدخلون و لا تحجون بيها كدام ابوكم اذا طلع فهمت
نور : و هسة شلون يبقى بالسجن يعني و احنا نموت جوع
ام هيام : يمةة رادو كفالة او عمج يسحب المذكره و كفالة منين اجيب ندعي الله يهدي عمج ..
هيام : من گالت عمي طلع المذكرة بعد لساني نشل شسويت اني طولي مابية حيل اشيلة رجعت گعدت بالزاوية جسمي متصلب
نور
رد مع اقتباس
المشاركة الأصلية كتبت بواسطة هيڤين
