لا تندم على اللي الراح وأنساه
تره هموم الزمن كلّش چبيره
وإذا تعتب عليمن تعتب تريد
إذا دنياك مغشوشه وحقيره
خيانه وغدر أسود من أعز ناس
ومرتبة الشرف صارت أخيره
لأن صار اليوافي نحسبه غلطان
وشلال الوفه صامت هديره
أنصحك لا تهلّ الدمع عالراح
وعن أصحاب الغدر وجهك تديره
والعثره بطريقك خلهه تذكار
تظل مثل الدرس دربك تنيره
ودعائي ياحبيبي ربي يرعاك
ويبعد عنك البايع ضميره
وترجعلك الضحكه وجرحك يطيب
ويارب كون هالعثره الأخيره
رد مع اقتباس
المشاركة الأصلية كتبت بواسطة مرتضى الطيب
