انــا بـنــت ذلـك الـفـقـــيــر - الــبــارت " الـحـادي و الــعــشــريــن "
بارق : نزلت عينها رجعت استندت ع المقعد تخبلت تتقصد تذلني گمت طلعت
هيام : نزلت عيوني هذا جحيم لازم الزم مكاني و اعرف مقامي اني وين و هو وين
الله كال و لا ترموا انفسكم في التهلكه و بارق تهلكتي
احمد : طفر من مقعده باعصاب حتى المقعد وگع من گام عنه طلعت ورا
بارق
بارق : مشيت سريع للحديقه
( بصراخ) راح اتخبل احمد اتخبلت
احمد : اهدأ اهدأ و فهمني
بارق : احمد مدتحس مشايلة گلب شايلة صخر
شفهمك اذا اني نفسي مدافتهم اريد افتهم هذااا احمد .. (يضرب ع صدره) هذاااا دتصده اتصده دتذبح بي بدم بارد
احمد : يمعود بس اهدأ منا العالم مدتصدك انطيها مجال
بارق : لك دتصدن شنو اتي بنظرها اريد العب ابن اكابر ما تهمه بس الفلوس و الطربگة
متدري ابيع الدنيا و اشتري بس عيونها رايدها احمد حلالي رايدهاا
احمد : تحصلها بس رجع عقلك لراسك حتى اعرف احجي وياك
بارق : سكتت كعدت اهز برجلي من التوتر
الخالقها خلق عذابي وياها مرد گلبي بيها
احمد : كعدت يمه ماعرف شلون اواسي و اني داعيش هاي الحالة
غزوان : رحت ع هيام انطيها الملزمة الامور هادئة و ماطول هيام مابدر منها تصرف يبين حب لبارق او اعجاب فـ بارق فرصته ضعيفة
السلام عليكم
هيام : بدت المحاضرة و خلصت و ذهني شارد طلعوا الطلاب بقى قليل سمر راح تجيب مي و شرابت من الكافتيريا
و عليكم السلام
غزوان : ملازم الحقوق مالتج و مالت سمر
هيام : شكرا
اشوكت اتخرج و اخلص من هذا الكابوس الاعرفه هاي الناس خطر كولشي يسون حتى يحصلون ع الشي حتى اذا بالقتل و بارق واحد منهم
سمر : رجعت شفت غزوان يم هيام وصلت جان ينسحب هو
ها شيريد ..؟
هيام : انطاني الملازم
سمر : اها
هاي شنو مو ملزمة هاي كتاب
بابة المفروض نحصل شهاده الماجستير مو البكالوريوس من نتخرج منا
هيام : دندرس قانون مو حي الله شي
سمر : اي خوش ديلله كومي خوما نضل كاعدات خلص الدوام
هيام : لا بس تعبانه جسمي متكسر كمت وياها طلعنا مشفت بارق ورا المحاضرة طلع ع سريع
ابو بارق : صار اشكد ممرتاح هيج مكاعد بالبيت هلگد عمري راح و حيلي راح
ام بارق : بعدك بحيلك ابو بارق لا تكبر روحك تعرفني محبيت فكرة التقاعد هاي بس ماطول انت رايد هايهيه بالخير عليك
ابو بارق : اتقاعد من الجيش حتى اتفرغلج ياعيوني
ام بارق : الله يحفظك الي
بارق : طبيت للبيت ابوية و امي بالصالة
السلام عليكم
امه و ابو : و عليكم السلام
ام بارق : يلله غير هدومك و اسبح و تعال اتغدة
بارق : لا يمة مالي نفس اتغدوا انتو اريد انام والله تعبان
ابو بارق : ارتاح ابني ع راحتك
ام بارق : ابنك مو ع بعضه صار فتره قالقني
ابو بارق : ابنج صار شاب ٢٠ سنة ام بارق هسه يلا ديعيش الحياة يمكن حب انعجب
ام بارق : يحب هيج برائيك
ابو بارق : شنو برائي يعني شاب و جامعة متروسه بنات اكيد يحب ياعمري انتي
ام بارق : و ميادة وياه بالكلية اگوم احجي وياه
ابو بارق : عوفييي هسه خلي يرتاح مو بس مياده بجامعته ام بارق
ام بارق : ميهم ايا كان هن كلهن بنات حسب و نسب وياه فرحتني والله اريد ازوجه
ابو بارق : الله يكتب الخير
بارق : سبحت و تمددت ع الجرباية تجيبني و صفنة و توديني وين بارق القديم ندكت الباب عرفت امي
تعاي يوم طبي
ام بارق : متكوم تاكل يمة
بارق : مالي نفس هسة
ام بارق : ليش يمةة احجيلي اشبيك
بارق : مابية يوم تعبان اشوي
ام بارق : منو هاي الي اخذت عقل ابني؟
بارق : باوعت ع امي اكو شي بالدنيا امي متدري بي مستحيل گعدت ع حيلي و ميهم خلي تعرف اول وتالي لازم تعرف
ام بارق : اشو سكتت اني امك افرحلك احجيلي ارتاح همين يرتاح گلبك
بارق : اعرف راح تگلب الدنيا ع راسي امي اتهمها المظاهر و الناس الحسب و النسب
وحدة بقاعتي
ام بارق : منو يمةة احجي بنت منو و منين و شنو ابوها و منو امها اكيد حلوة
هذني عيون ابني الحلوات يجذبن شكو حلوة
بارق : ميهمني منين و وين و بنت منو المهم يمة احبها
ام بارق باستغراب : شنو يعني مفهمت
بارق : اكولها الج من الاول بنية مو من الي ابالج
ام بارق : بنت فگر مووو و وين شفتها وين لگيتها
بارق : گلتلج وياي زميلتي
ام بارق : شجابها وياك بارق لتلعب باعصابي مابية حيل مقالبك هاا
بارق : يمة اسمها هيام و بنت ناس عادية والله مدالعب باعصابج
ام بارق : عادية يعني لا شيء بارق ابن محمد مجيد العقيد ركن يتمنى و يهوى وحده من عامة الناس
بارق : گامت تصيح بدت رحمة الله
هاي بشر مثلنا شنو لا شيء
ام بارق : يمةة هذولا كل همهم الفلوس ياكلوك اكل و يشمروك شمعرفك باصلهم فكر زين اني اريدلك الخير ماريدك تاخذ وحده مو من مقامنا و بعدين تعاني هنا الناس فاتحه عيونها علينا اي زلة ميصدكون يحجون وراك شمات ابوك و امك
بارق : گمت من مكاني
هذا الهامج يمة صورتنا بين الناس معلية بهاي الناس اني نفسي اريد اهج منهم انوب احسب كالوا و حجوا لو اخذ منهم
ام بارق : اي يهموني و ماقبل فهمت اذا اعوفك ع افكارك اتطيح حظنا
شيل هاي البنيه من راسك
بارق : هي تصيح و اني ابدل البس بقميصي
يوم راح يجي احمد عندي طلعه للگاع هذا الموضوع ينسد
ام بارق : ماشي بارق اشوف شلون تاليها وياك اني اتصرف
هيام : مرت ايام و اني اتجاهل بارق گمت ويا كل فرض صلاة ادعي الله يكفيني شره
بلكي حتى يمل و يكف عني هو واحد منهم و ماعرف شنو يدور براسه
هذولا الناس من بعيد اذا شفنا بيوتهم نحسب الف حساب اذا عبرنا من يمها مو مال واحد يدخل بعالمهم و يتحداهم
اذا هو قبل منو يگول اهله يتقبلوني
و اني ع شنو شامرة روحي هالشمرة بهاي حياتي و عيشتي مرتاحة
نور : تقبل الله
هيام : منا و منكم
نور : هيام من باجر بعد ماروح للمدرسه
هيام : ليش شصاير
نور : ابدي اگعد اراجع للامتحانات الوزارية لازم اطلع طبية
هيام : هففف نشفتي دمي نسيت اي اذا خلصتوا المناهج اكعدي احسن
دنسولف جان يجي ابوية من الشغل كمنا وگفنا اني ونور
الله يساعدك يابة
ابو هيام : هلا هلا ببنياتي هلا بحلواتي الله يساعدجن
هيام : جان العرگ ينزل من وجهه مبين تعبان كولش راجع مشي من الشغل و المحل بعيد المفروض سيارة بس هو يقصر ع روحه حتى يلمهن
ام هيام : هلااا عيوني سلمان دقايق اجهزلك الاكل ليش مجيت ع الغدة صارت دنيا مغرب قلقت عليك
نور : ركضت جبت الطشت و بريگ المي داغسل رجلينه بالموت گعد من التعب
ابو هيام : اجاني شغل گلت ليش ارجع و انوب اطلع فد امره اخلصه و ارجع للبيت
هيام : دتتعب هواي يابة هيج تهلك نفسك
اندفرت الباب و صوت سيارة شرطة ابوية طفر من مكانه و امي ورا سمعت صوت رمي طلق بالحوش
محمد : كعدت من النوم ع صوت الرمي طلعت حافي
يابةةةةة
هيام : گمنا نعيط اني و نور الشرطة اخذوا ابوية و يضربون بي كدامنا و الناس ملتمة دفعوا امي و محمد ركض حافي ورا السيارة احنا منهارين و بس نعيط بالباب و الجهال يتصارخون
ام هيام : طببن الجهال
هيام : يمةةةة ابووويةةة
ام هيام : طببي الجهااال اروح اجيب محمد
هيام : اني منهاره سحبت الجهال من ايديهم وطبيت للغرفة باذني صوت الرمي من الخوف ماحس برجلي
عيوني يابةةةة نور ليش اخذووو
نور تبجي : مادري مادري الله لا يوفقهم ليش يضربون بي الله لا ينطيهم العافية
هيام : قابل منو يبلغ ع ابوية هوو فقير ماعنده مشاكل
سكتت اجة ابالي بارق فجأة مسحت دموعي گمت ارجف
ام هيام : امشي طب لياخذوك وين نروح بس نسوان بالبيت
محمد : يمةةة ابويةةة اخذو سحل شلووون يعني اباوووع عليهم
ام هيام : و تريد تعاند دولة يسحلوك وياه ماعدهم مانع
هيام : طب محمد رجلينة تجري دم ركضت عليه
مدد هاي شنو
ام هيام : طلعي الكزاز من رجلينه و لفيهن
هيام : يمةةة شنو الموضوع ابويةةة شمسوي ليش اخذوا هيج ليش ضربووا
ام هيام : مادري يا يمة الدنيا ليل الصبح اخذ محمد و اروح افتهم شنو السالفة
هيام : جانت ليلة ما مرت علينا من قبل نمنا بدون عشا مجاني نوم للصبح ابجي و ارجف ابالي ابوية من سحبوا سحل و يضربون بي بارق ماكو غيره دينتقم شريد مني الله يلعنه
بارق : كعدت الصبح قررت اروح من وكت للكليه حتى اشوف هيام قبل لا يجون الطلاب راح انفجر اريد اعرف بشنو تفكر هالبنية ليش لهاي الدرجة تتجاهلني
هيام : گعدت الصبح امي گعدت محمد
يمة اجي وياكم
ام هيام : وين يمة وراج امتحان و ميصير تطبين لمركز الشرطة عيب راح اخذ محمد وياية
انتي روحي لجامعتج و نور باقيه يم الجهال
هيام : بدلت و طلعت امشي و اتمنى مداومت بيها اتمنى مدرست اصلا
اتمنى ابطل و اخلص شبيها الجامعة غير ناس متستحي متخاف الله
اني عرفت شرهم ماله حدود وصلت بي لهاي المرحلة ابوية ينذل و هانوا گبال جهاله من ورا واحد كل همه فلوس و طلعات و نسوان .. شيريد مني
بارق : طبيت للقاعه فارغة بعدها رحت اتمشى خليت كتبي ع مقعدي ليورا
درت صارت هيام بوجهي محسيت عليها وراية عيونها حمر و مورمات گـلبي وجعني عليها
هيام شبيج منو وياج
رد مع اقتباس