انــا بـنــت ذلـك الـفـقـــيــر - الـــبــارت الــعــشــريــن
بارق : شلت راسي صارت هيام بوجهي
هيام : صرت اباب القاعة شفت غزوان ضرب بارق بوكسي بحيث صار بارق بوجهي الدم ترس وجهه جمدت بمكاني
رجعت ليورا و طلعت ركض
سمر : يم القاعة وصلتلها جان ترجع ع السريع
هيام وين شكوو التفتت بارق خشمه و حلگه دم خليت ايدي ع حلگي
احمد : باغتنا غزوان و لا توقعت يضرب بارق لزمنا اني و عبدالله
بارق : مسحت الدم بجفيتي و رجعت عليه
اكدر اردك بالمثل و اشوفك قوة عضلاتي
بس العقل والقوة مو باليد و انت بحرم جامعي
غزوان : باوع لك عوف المثاليات اذا اتقربت منها ادمرك افتهمت
بارق : تركته و مشيت للمغاسل اغسل وجهي
رنا : فرحت لتصرف بارق بكل الاحوال متهمني هيام و لا بارق اليهمني غزوان و انقهرت لان القهر ع وجهه بين هذا الجنيته انت دنشوف المن ترجع بلاخير
علياء : والله مهزلة شنووو هااي ادري شنو شايفين بيها ترا راح اتخبل عقلي طار رنا
بعد منو راح يطلعلنا هايم بالست هيام اشبيهم ولد الاكابر انعموا ع اخر الوكت
رنا : شعبالج بيهن سر يذابحن عليهن الرياجيل
احمد : واگف وراه بالمغاسل و هو يغسل بوجهه
شديصـير
بارق : رفعت راسي ع المراية اباوع خوما صار ورم
احبها
احمد : لا يالله من شوكت
بارق : من بداية السنة و جنت اكابر ع نفسي و مو الناس و ثق بالله لا حجيهم و لا مقامي و مقامها يهمني
احمد : لا تعلمني بيك صدك جذب بس مصدوم اني
بارق : مردت اظلم البنيه بالاول كلت اخاف مو حب يمكن نزوة و عابرة ليش ادمر حياتها و اعوفها
بس الباطن اعشگها احس هذا ( يضرب ع گلبه ) گلبي ميتحمل بالسر يحب لو بس من طرف واحد لازم تدري بي و تحس
احمد بابتسامة : لك هلاا زعيم هلاا بيك بعالم المضطهدين هلا بيك بعالم لا ماده تحكمة و لا مقامات هلا بيك بعالم العشاگ ..
بارق : طلعنا گعدنا ع مصطبة
تتوقع تتقبلني؟
احمد : مادري ماكدر اجزم لان حبيبتي همين مثلها مو بنت زناگين و هلكتني
بارق هذني هن انخلقن للحب و كافر اليعشڮ غيرهن لان لا همهن دينار و لا درهم و اذا حبن ماعدهن شي ينطنا الك غير الوفا
بارق : تدري اول مرة بحياتك تحجي درر
احمد : كل كلامي درر بس انت بعدك ما مكتشفني
هيام : رجعت امشي سريع لمكاني گعدت صورة بارق و الدم ابالي اباوع ع ايدي ترجف گمت ابجي
سمر : امشي وراها گعدت وجهها يتعارك ويه روحه گامت تبجي و تمسح بعيونها
هاي اشبيج عمري
هيام : مادري احس مقبلة ع مشاكل اكبر
سمر : اهدأي ماكو شي يعني قابل شيسولج
هيام : ليش اني بالذات من بين كل هالبنات ليش اني لو لان بيها اذية ممحتاجة شفقة
سمر : ترا عصبتني لا تبجين اكو واحد ياكله كتله و يتفلش وجهه في سبيل شفقة مشفتي غزوان و حالته مسألتي نفسج ليش اكيد لان عرف بارق يحبج
هيام : مو حب هذولا ميعرفون شنو الحب
سمر : غزوان همين حاول وياج اشو مبجيتي؟ مدام هسة بجيتي معناها گلبج مثل گلب بارق حب و انتهى الموضوع ..
هيام : مسحت دموعي و التفتت
لا سمر ماريد حتى لو حارب الدنيا
سمر : اي ليش؟
هيام : مابية بعد راح اروح للبيت
سمر : ديلا بس ريحي لعقلج لا هيج تفكرين و تضغطين ع نفسج
گمت وياها شفت مضغوط عليها حقها الحب اول ما يداهمنا ما نقتنع بي تختلط المشاعر خوف و فرحه و حزن شعور غريب من غيرك يملك گلبك
مياده : من گام بارق بقيت گاعدة بمقعدي من الصدمة الدنيا وگفت بعيني بقيت صافنه اريد ابجي عيوني احسهن ناشفات
شمعنى ليش هيام مو اني ، هيام عادية شنو المميز بيها حتى يفضلها
انقهرت ع روحي صعبة من تكون گبال شخص هو كل حياتك بس ميشوفك
هيام : رجعت للبيت طريق البيت يختلف عن كل مرة اشكد مشيت بي و اني افكر باذيتهم الي اشكد مشيت بي و اني قوية وين قوتي هسة ليش اريد اوگع
مر اليوم و اني منعزلة حتى اذا جنت بنص اهلي گاعدة
الليل مو الليل الاعرفه خليت راسي ع المخده و سألت نفسي السؤال الي من الصبح لحد هسة اسأله ليش اني؟
اجتي صورته ابالي گمت ابجي و اكتم البجي اخاف اهلي ينتبهون
بارق : مرت الايام و قربت اخر السنة هيام تتجنبني عادي هاي البداية المهم اشوفها گلبي يرتاح المهم كل الطلاب عرفوا هي تخصني و محد يتجرأ ع اي شي يخصني عفتها ع راحتها اذا اني ماهمني مقامها ماعتقد هي تتجاهل مقامي و تتقبل بسهولة
احمد : جرينا مقاعد و گعدنا يم الشباك قريب من السبورة اشرت ع گلبه
اخباره
بارق بابتسامه : وهن على وهن
احمد : الله يساعدك
ملاحظ مياده ابتعدت
بارق : وداعتك مامنتبه لشي بحياتي تيهت الدنيا و حتى اذا هي حرة
احمد : بديت تضيع مثلي
بارق : المهم اليوم ورا الدوام اطلع وية المهندس المساح للگاع تجي وياية
احمد : وياك ليش لا بس شنو الشغلة؟ يا گاع ..؟
بارق : ابوية اقتنع راح ابني جملونات محلات و مخازن و شقق فوگاها
احمد : و اخيرا شلون گدرت تقنعه
بارق : قدم ع تقاعد و اقتنع بفكرة انو يشغل فلوسه
احمد : تقاعد ليش بعده مو جبير فدنوب
بارق : احمد الجيش يرادله حيل و ابوية كبر و يريد يرتاح الباقي من عمره
احمد : بهاي صدك بارق
يابة بالخير
بارق : طبت احس رجفه بگلبي شكد لها خلگ و طاقة تتجاهل من شنو مخلوقة من صخر
هيام : فترة دخلت بصراع وية نفسي عقلي رافض فكره حب بارق و لازم استمر هيج اكبر غلط احب بهيج مكان
رجعت الامور طبيعيه بالقاعة لاحظت ماكو استهزاء و لا مشاكل بس بعدهم نابذيني و ميهم المهم كفت اذيتهم
طبيت للقاعه لمحت بارق كاعد يم السبورة كلما اشوف نفس احساس اول مرة من باوع بعيوني گلبي يوجعني منه
كعدنا اني و سمر بمقاعدنا
سمر : هففف قربت الامتحانات بعد شهر هاي شنو السنة تركض ركض
هيام : اي سبحان الله
سمر : فدوووة عصفورة دتبني عشها
هيام : اشرت بيدها ع الشباك شلت عيني عيوني راحن ع بارق عبالك شي جذبهن
بقيت اباوع عليه و گلبي يدگ سريع
بارق : اعصابي تعبت و اني افكر بهاي تصرفاتها مبين متفك و ماكدر اجازف اكثر مراح تتقبل
يعني اني بشر دم و لحم ماتحمل هيج تجلطني هالبنيه اسولف و اباوع عليها گبالي
رفعت عينها علية گلبي راد يطلع من صدري بقيت اباوع عليها مشلت عيني عنها ماشبع منها مرايد شي من الدنيا بس هي
نزلت عينها رجعت استندت ع المقعد تخبلت تتقصد تذلني گمت طلعت
رد مع اقتباس
المشاركة الأصلية كتبت بواسطة هيڤين
