تخيل صديقك توه يمك مات
وحبيبك فات من يمك يزفونه
عليك الزهره دمعتك المن طيح
للزفو لو للراحو يدفنونه
مشتهيك وعندي واهس شاب
خلص عمره محافظ ودربه عفيف
كلشي ما شايف وشاف
اليوم اخلي البيه يشـبع
وانت عود اشبع رجيف
اليوم اشمك” اليوم احضنك”
اليوم اليوم” بعد ماترهم اكمل
يله خلي نتسودن غرام وابد لتكلي حرام
انت بس كلي تعال هدومي اذبنهن واجيك
عجوز كانت تحب في صباها شاب
من سكنة منطقتها عشقته حد الجنون
و لكن لم يكن من نصيبها و حالت الظروف بينهما
تزوجت و ٱنتقلت إلىٰ مكان ٱخر
بعد 60 سنة من عمرهم
قالوا لها ٱحفادها حبوبة حبوبة
هذا واحد جاورنه من منطقتكم القديمة
كالت الحبوبة هلة بريحة ٱهلنه و شهكة ٱصباي الي خانكهه الزمان
ٱي حبوبة شسمه جارنه الجديد
كلولهه بأسمه عرفته حبيبها الإولي
كالت …
عليك الدمع مثل السيل ياري
و يا فـكـر البقه بلراس يا راي
بعد هل عمر ولفي يصير ياري
عـجـوز و ردن الـعـشـريـن بيه
لگيتك مشتهي تحبني
گلت لـ گلبي هنيـالك..
لگيتك مشتهي تلمني
گلت خل انچفي گبـالك
-------------------------------------
شجاك تغيرت وبگلبك انته شصــــار؟؟
جنت تموت بية وجنت تعــــــــــبدني
وجنت اتنفسك وانته الهـــــوه بدنياي
وجنت لو تبتعد لحظــــات .. تخنكني
معقولة الورد ينكر جمــــــــيل الماي؟؟
وانت بهالسهولة تنازلـــــــــت عني؟؟
ما أنكر مقصر إجت فـــــــــــــترة وياك
لكن مو بدية الوكت يجبرنــــــــــــــي
شسولفلك بعد؟ طعم السوالف راح
ردت منك توافي وخيبت ضنــــــــــي
----------------------------------------------
قصائد حزينة قصيرة
التجيب اجيب واحد مو شرط كثره ولد
يترس الدينا مواقف كونه هيبه من يهد
وعدنه بس اثنين جابن من بعدهن لا تعد
الكعبه جابت حيدر النه والعراقيات جابلنه الحشد
كسرت اقيود صمتي. راح اردلك
مشيت وحن دليلي. راح اردلك
سبع احروف عندي. راح اردلك
ا ح ب ك م و ت. يل ماتحس بيه
يا حريمه انباگن الخبزات من حلگ اليتامه
ويا حريمه الباگهن قلد علي ولابس عمامه
اني ابن الشهيد وماشي للعباس
هاي هدوم ابوي اهناك انزعها
تقبل يابو فاظل نبقه جوعانين
وأنه جف ابوي الكاع شبعها
شدوا جناحي ويريدوني أطير
هاي ناس بلايه ذمه ولا ضمير
عدهم الضحكة چذب
واليحبهم ينسلب
ما أظل وياهم أني من الأخير
شدوا جناحي ويريدوني أطير
عليك الله أحلفك هم مثلي سهران
لو عادي نسيت وهانت العشرة
أعظ عظه يتيم من يمر طاريك
وأظن طارينه مات ومحد يذكرة
ماأعرف شكلك بس والله مشتاك
مثل شووك الأسير وخنكته العبرة
انصحك من تحب لاتحب ياهوا الجان
لان ماريد بعدي تعشك بساع
ولاتشري التبيعه الناس بالسوك
ترى السعره رخيص بساع ينباع
ولتغرك مظاهر بس بالوجوه
اكوا بين البشر مختلفه الاطباع
والتأمن بشر شايل طبع ذيب
طبع الذيب ياكل كلشي لو جاع
نصيحه من شخص رجعته مجروح
وعرف طعم الجروح وطعم الاوجاع
مو ذنب اليحب لو رجع ندمان
ترى الحب الحقيقي بهل زمن ضاع
رد مع اقتباس
المشاركة الأصلية كتبت بواسطة ۆھَہّــﻣ̝̚
