ملعب اصباي
..................
ضميتك محبه بخزنة الروح..كلت زينه وخزينه لعوز دنياي
ماشايف مشوه طبعي وياك..
بوسط الروح انته وعايش اوياي..
واصيحن شو بعيد اكرب يمحبوب..
واكلك ماتجي اشويه بعد جاي..
جن عاجر اسنين وجابت اوليد..وعليهه انذور صارن كلش اهواي..
بنص عاكول جنت باول اصباك..شفتك ورده كلت ازرعهه بجلاي
خفت غفله تنوشك فاس حطاب..
واليوم اصبحت مامون بحماي
عكب ذيج الحماده وشحت الماي..
وهسه بروض روحي بنص الفياي
بنهر خلكي سكيتك موسم الكيض..
وبجفوفي اجيب الهرشك الماي..
بجفن عيني اضمك من حل اشتاك..
وسهرت الليل احرسك طيلة اشتاي
وبموسم ربيعك عطرك يفوح..
وترد الروح تدري بشوفنك هاي
اليتعب يلعب يكولو بالامثال..
وعندي التعب راحه اوياك يهواي
صرتلك حرز عن عين اليحسدون..وانته فرحتي ويا ملعب اصباي..
شكرا يازماني الجابني اوياك..
وكتب لوح القدر اسمك عله احشاي
وبدونك حياتي اتصير اوهام..
لان انته الحقيقه بهذي دنياي
شمس انته بنهاري وكمر بالليل..
ياصوت السهارى ورقة الناي
................................
بقلم الدغاري
رد مع اقتباس
المشاركة الأصلية كتبت بواسطة رحيق العطر
