هنا

[Haidar Iraq]

ماهو رأيك في المنتدى ..؟؟؟
المنتدى خوش منتدى .. بس گاعد اشوف بيه برود هاي الأيام ، احتمال لأن اجانه الشته والأعضاء بردانين ..
_____________________________________

ماهو رأيك في سوزان ..؟؟؟
الحقيقه يعجز الكلام والوصف عن سوزان ، لأنها غنيه عن التعريف ، يعني بين قوسين ( لم ولن يأتي بعدها شخص ، يتعامل مع الأعضاء في رحابة صدر ) .. فحافظوا عَليها ( ديروا بالكم عليهه ولا اتعبونهه ) ..
_____________________________________

ماهو رأيك في سامر ..؟؟؟
والله ياعمي المفروض هذا الزلمه اتشكرونه على هذا المنتدى ، لأن مرات اذا واحد ضايج ولعبانه نفسه ، يدخل يتونس اشويه بالمنتدى ، واذا ضايج كلش ، يدخل ايذب سمه ويطلع من خلال الكلمات .. بس عود صدگ .. شو مانشوفه بالمنتدى ؟؟؟ ايصير اتزوج الثانيه ومايگول ؟؟؟
_____________________________________

ماهو رأيك في راهب ..؟؟؟
كما معروف عن الأخ راهب .. هو عضو ينسخ ويلصق ، ومرات ايسولف عن السعالوا ، ومرات تجيه عقچه ، ومرات يخسر بالدومنه ، ومرات ناس يتهمونه بالتعالي والغرور وشايل خشمه ، بس ما اعرف هذا الحچي صدگ لو چذب ؟ الله اعلم ..
_____________________________________

ماهو رأيك في رماد ..؟؟؟
رماد طلع من الإداره ، رجع رماد ، طلع رماد ، رجع رماد ، طلع رماد ، وللصبح عله هاي السالفه .. خرررررب ..
_____________________________________

ماهو رأيك في العراب ..؟؟؟
الأخ العراب .. الظاهر هاي الأيام اهواي مشغول ، وماگاعد انشوفه بالمنتدى ، واتصور راح يخسر معجباته من وره الشغل ، زين اذا هو عنده شغل ، معجباته شنو ذنبهن ..؟؟؟
صدگ چذب .. تره مو خوش سالفه كلش ..
_____________________________________

ماهو رأيك في اسرار ..؟؟؟
الأخ اسرار .. المفروض ايخلي الفانيله مالته في متحف اللوفر ، لأنهُ انتشرَ صيتها في ارجاء العالم ، وطبعاً هاي السالفه كلهه من وره عضو كالوسي في الحلقات السابقه ..
_____________________________________

ماهو رأيك في فقار الكرخي ..؟؟؟
فقار من يوم اتزوج بعد ماشفناه ، وحته اكراع مال طلي ماشفنه منه ، وانوب المعلاگ اللي هو حصة سوزان ، مدري وين صفه بيه الدهر ..
_____________________________________

ماهو رأيك في سوسن محمود ..؟؟؟
سوسن انسانه مُثابره ، بس سمعت انو سوزان ضامه الذهبات يمهه من عين الوادم ، وشي ثاني علمود اتأمن عليهن وماينباگن ..
_____________________________________

ماهو رأيك في محمد ك اف ..؟؟؟
الأخ محمد .. الله اموفقه وگاعد في السويد ، واحنه طلايب وي الحكومه يله ينطونه الراتب ، يمكن اسافر واروح يمه ، لأن هو مايگول شي الرجال ، حته اذا احتاج افلوس ينطيني ..
_____________________________________

ماهو رأيك في سكراب ..؟؟؟
الاخ سكراب غايب هاي الأيام ، عسى ان يكون بخير .. بس هو اسمه سكراب ، واخاف الوكت سكربه وطاح مريض ..
_____________________________________

ماهو رأيك في رحيل ..؟؟؟
رحيل خوش رحيل .. بس الكالوس السابق .. ايگول تتخشخش ، واتسوي سحر للأعضاء ، مدري صدگ مدري چذب ، الله اعلم ..
_____________________________________

ماهو رأيك في زهراء ( قزوم ) ..؟؟؟
انسانه مرحه وعفويه ، بس عوزهه طول اشويه ، واذا طالت 2 سم ، انطيهه هديه ..
_____________________________________

ماهو رأيك في نايا ..؟؟؟
نايا ملكة الزلاطه ، وانسانه محبوبه وهادئه ، بس ولا فد يوم شفتهه عزمتني على زلاطه ..

_____________________________________

ماهو رأيك في حلاوه ..؟؟؟
هيّ من اسمهه حلاوه .. والمفروض اتسويلنه حلاوه .. وتعزم الأعضاء ، واذا ماكو حلاوه ، اتسويلنه كيكه وشربت ..
_____________________________________

ماهو رأيك في آلينا ..؟؟؟
دولبت الوادم ابموضوع الكالوس ، وشابوه إلى آلينا ..
_____________________________________

ماهو رأيك في بقية الأعضاء شلع قلع ..؟؟؟
كلهم ورود ، وكلهم حبابين ، وكلهم راح ينطوني تقيوم .. عااااا

21 نوفمبر 2020

[Suzana]

ههههه ضيف لطيف ومستلم راتب فيحجي ذهب..
عشت

[مستشار الحكومة]

بخصوص تقييم تدلل ههههههههه

[Haidar Iraq]

ههههه ضيف لطيف ومستلم راتب فيحجي ذهب..
عشت

نورتِ ..

[Haidar Iraq]

بخصوص تقييم تدلل ههههههههه

ههههع ..

شكراً لك ..

[نائيةٌ .. جدًا !]

..

بسبب الاستفلاس الي دَنمر بيه
كلنا مالنا خلگ نشارك :/

..

[Hassankh]

مستلم راتب انطيني 10000وانطيك تقيم

[Haidar Iraq]

..

بسبب الاستفلاس الي دَنمر بيه
كلنا مالنا خلگ نشارك :/

..

تباً للإستفلاس ..
الله كريم .. اتهون إن شاء الله ..
نورتِ ..

[Haidar Iraq]

مستلم راتب انطيني 10000وانطيك تقيم

اشاعات ياخويه ..
مامستلم ..

نورت ..

[Hassankh]

مادري اني سوزان كالت