انــا بـنــت ذلـك الـفـقـــيــر - الــبــارت الـثـامــن عــشــر
رجع بارق من فات من يمي دمي نشف من خطف من يمي
احمد : هاي بعد شتريد انضرب بيك المثل
مياده : واضح الاستاذ هواي معجب بشخصيتك؟
احمد : اي بعد بارق هذا ابن العقيد ركن دولة و علم
بارق : گعدت ماحس بشي حولي .. بعدني تحت تأثير عيونها بعدهن براسي داشوفهن گبالي
اريد ارجع لنفس المكان اعيد الصار ليش مرت هاي الدقايق بهيج سرعة
هيام : خلصت المحاضرة طلع راسي گام يوجعني من التفكير يشرد ذهني و يرجع للمحاضرة
سمر : راح الماسوني راح يقضي علينا بالعملي گووومي نفتررر تكسرت من الگعدة
هيام : مابية خلينا مرتاحين
خطف بارق من يمي تلقائيا سكتت و غمضت عيوني بسرعة طلع باوعت ع سمر همزين ما انتبهت
بقيت ساكنة و عقلي بحرب لنهاية الدوام اريد بس ارجع للبيت طول اليوم اشتغل و افكر باللحظة اقرا و افكر تعب عقلي
خليت راسي ع المخده بالليل من التعب غفيت رأسا اول غمضت عيوني شفت عيون بارق و نمت
بارق : الليل كله اريد انام مكدرت گمت افتر بالبيت رجعت للفراش متوتر من شنو مادري و صفنت ع السكف
هيام
معقولة حبيت لا اني من فترة انعجبت بشخصيتها عادي لان شفتها مختلفة عن الناس و تفكيرنا مشترك تقريبا
هذا ميعني حب
اتگلب بالفراش مانمت الا وجه الفجر
هيام : ثاني يوم رحت متاخرة عن وقتي اخذتني نومة
بالدوام كل يوم اتفحص لوحة اعلانات الكلية ينزلون بيها تعليمات و تنبيهات لگيت استاذ يعرب منزل قائمة اسمائنا و تواريخ الاعمال
رحت ركض للحديقة جانت سمر گاعده
: صباح الخير
سمر : صباح النور اتأخرتي قلقت؟
هيام : اخذتني نومة .. شفتي لائحة اعلانات
سمر : ليش عدنا لائحة اعلانات
هيام : اكيد وين نايمة صار سنتين
سمر : اشمدريني شبيها الائحة نزلوا حكم اعدامنا
هيام : اي والله من صدوك حكم استاذ يعرب داگ اسمائنا وياها تواريخ الاعمال
سمر : يا اعمال؟
هيام : المحاضرات العملية شبيج نسيتي
سمر : هذاا كل عقله ماقدم محاكمة دخلي يطير
هيام : دسمعي الهوامش
الحضور الزامي
المحاكمة الاستاذ قاضي المحامي من جنس و المتهم من جنس اخر
سمر : يعني شنو مفهمت لتگولين ولد و بنية
هيام : بالضبط
سمر : لعد اني گلت وياج وايواي انلاصت
هيام : نفس الي ابالي
سمر : اسمعي راح اكوله استاذ بية صرع من اوگف كبال طلاب تجيني الحاله و انتي اشهدي
هيام : ما اشهد
سمر : استاذ يعرب بيش ادعيلك تريلة طابقين
هيام : هههه ولج حرام
سمر : صدوك اخبار الوردة
هيام : اصلا نسيتها
سمر : ادري منو هذا راح انذبح
هيام : يمكن جان بس ديواسني بعد الصار بهذاك اليوم
سمر : ايبااا و يواسيج بوردة اشكد رقيق الظاهر متعرفين لغة الورد و الوانه
هيام : لا
سمر : الوردة الحمرة حب و الصفرة غيرة و البيضة سلام و مودة
هيام : اهاا حلو والله هسة عرفت منج
سمر : لان ع نياتج يحظي
غزوان : بهذا الاسبوع مرافعتي
عبدالله : اي عمي كل بنات القاعة يگعدن ع كرسي الاتهام
بس اويلي علي اني منين اجيب وحده
غزوان : هو عمل تعاوني عادي اطلب منهن ليش مكبر الموضوع
هيام : مر الاسبوع و الطلاب قدموا محكماتهم و جانت كل محاضره منهن احلى من القبلها بين ضحك و انتقادات و مدح و ذم كلنا عبرنا بحرية و حجينا عبالك صدوك محكمة
سمر قدمت مرافعتها حلگي مبطل ضحك و هي تترافع صح جانت مرتبكة بس هنيالها خلصت
اني شلون راح ادبرها عشت بتوتر مو طبيعي
بعد ما بدر اي شي من بارق حتى من قدم مرافعته طبيعي لان الصار بهذاك اليوم جان صدفه و اني الي اتخربط احوالي ماعرف شصار بية بس عدت الحمدلله الامور طبيعية
عقلي كليا رافض اي تجربه بهذا المكان حتى الصداقة انتحار بالنسبة الي تفكيرهم مادة و لعب و تفاخر
سمر : ام الصفنات عيني هاي المحاضرة الثالثة يعني مرافعتج اخاف ناسية او تتناسين اذكرج اتوتري و قلقي
هيام : ايا خبيثة
سمر : هههه اتشاقه والله راح اشجعج تشجيع كله مدح مدح ابين روحي متاثرة جدا و متحمسة و اصوفرلج اذا تحبين
هيام : هههه فدوة بس الله يعين و يستر لان هسة گمت ما احس برجليني
سمر : فديتج لا يمعودة عادية هسة تصير سالوفة
صدوك ماحجزتي متهم
هيام : لا منين تعرفيني بعيده عنهم كلهم
سمر : لعد شلون غير تجهزين اني عبالي حددتي
هيام : شاحدد كل عقلج ع اساس الي راح اكوله اريد متهم وياي راح يقبل
سمر : يمكن جان جربتي و خصوصا غزوان متاكده يوافق و هو الممنون
هيام : لا بلاه اقدم بدون متهم
سمر : هاي اذا قبل الاستاذ
هيام : سهليها علية لتوتريني اكثر من حالي
سمر : الله كريم تنحل
احمد : محاضرة منو هسة
ميادة : استاذ يعرب
احمد : خلصنا مرافعات كلنا راح نرجع للقراية و الكوزات
ميادة : لا اعتقد بعد هيام
احمد : الله يبشرج بالخير يعني ماكو اكوز
ميادة : يوو نسيت مسلمت التقرير
احمد : اي هسة يجي و انطيهيا
ميادة : لا فدوة استحي كدام الكل طلع بي خطأ و هزئني
احمد : لعد دكومي اتلگي من يجي قبل ليطب انطيهيا
ميادة : برائيك عادي ميرزلني
احمد : لا يمعودة
ميادة : يلا اتوكل ع الله
احمد : بارق
بارق : ها
احمد : بربك كم بنية جتي عزمتك ع مرافعتها
بارق : و لا ادري ليش؟
احمد : داقارن اني فگر ولك 3 رفضن ادري داصارحجن هي مرافعة بنات الاوادم حتى ميادة مقبلت لان تطوعتلك
بارق : بس عادي حتى اذا شارك بمرافعتي ليش مقبلت
احمد : اشمدريني
يعني مرافعتها قبلك و متهمها زياد
و انت وراها و هي اتطوعت هاا مو اكولك تحبك
بارق : هسة هاي شجابها ع الحب
احمد : بكيفك
هيام : اجة الاستاذ اني جهزت القضيه و الدفوع بس گلبي يدك سريع و صخنت احس نشليت گمت اقرا ايات بلگي اهدأ
استاذ يعرب : ها هيام جاهزة
هيام : نعـم استاذ
استاذ يعرب : اتفضلي ع المنصة
هيام : طبعا گمت و بدت الرجفة سحبت نفس عميق حتى توتر يخف انطيت فايل القضيه للاستاذ
و وگفت بحيث صفحتي ع الطلاب هيج يخفف الارتباك لان اكيد كلها عينها عليا و ما اريد اشوف لان اذا شفتهم اكوم ابجي
الاستاذ يقرا بالقضية : جيد جيد
يرفع راسه ع هيام
وين المتهم؟ الحرامي مالتج وينه
هيام : عرفني متوتره اتمازح وياية حتى يخفف
استاذ اقدمها بدون متهم
استاذ يعرب : لا ضروري المتهم حتى نحس احنا فعلا بمحكمة مثل زملائج
هيام : سكتت و توتري زاد لدرجة گمت ارجف شبگت كفوف ايدية حتى اسيطر
استاذ يعرب : طلاب نحتاج متهم لزميلتكم
رنا بهدوء : من شوكت الاسياد متهمين عند اتباعهم
الاستاذ يرفع راسه لان سمع دندنة و ضحك الطلاب
: نعم؟ منو اتطوع؟
هيام : الطلاب ضحكوا انحطية بموقف مانحسد عليه مو بحال اهتم لرنا وكلامها السام بس اريد اكمل و و ارجع بقيت مدنگة راسي و لا طالب حرك ساكن بس فالحين يستهزؤون
غزوان : اريد اكوم و خلي شيصير يصير خلي يحجون شيكولون غزوان تنزل لبنت فكور.. اني طگ گلبي
دا اگوم من مقعدي انتبهت ع بارق
بارق : لا اراديا بدون ماحس لگيت نفسي امشي بالممر بين المقاعد
هيام : معنوياتي تكسرت ادري بروحي منبوذة ماتوقع راح تكمل دا اسحب قضيتي
استاذ
داحجي جان انتبه ع بارق واگف و جاتف ايدي ليگدام درت عليه استغربت و هو يباوع بعيوني
الاستاذ : احسنت بارق لازم يكون المحامي متعاون حتى يكون ناجح
بارق : هو يحجي و اني غايب عن الوعي بعيونها جانت اجمل فرصة اجدد العهد وياهن و اشبع منهن جمعت كل حيلي قوتي من شلت عيني بعينها
رد مع اقتباس
المشاركة الأصلية كتبت بواسطة خالدالسعد
