انــا بـنــت ذلـك الـفـقـــيــر - الــبــارت الـــسـادس عــشــر
هيام : يـــــاااااابـــة
كعدت بالكاع و اعيط ...ام طبت للغرفه فوك الجذوع
ام هيام : سلماااان ...
محمد : خلو علي بحظني غفيت وياه ع عياط هيام طفرنا اني و نور طبيت ورا امي للغرفة
نور : شكووو شكوووو
هيام : نووور ابويةةة و جمانةةة جوااا وگع عليهم السگف نوووور راااح ابويةةةة
نور : كمت ابجي و جسمي كله يرجف من الخوف
: مابييي شييي اسكتييي لتفاولييين
هيام : سمعنا صوت ابويةة بالزاوية طفرنا كلنا
صحنا يابةةةةةة ..
ابو هيام : مابيةة شي اهدؤوا .. الطفله بحضي نايمة الحمدلله خفت لا تفز .. محمد راح ادفع الجذع من يتحرك من يمك اسحبه
محمد : صاار يابة
هيام : ابوية دفع الجذع و اربعتنا نسحب بس ثكيل لان متبلل من المطر وحركناه من مكانه بالگوة انطانة جمانة بسابع نومة و لا حست بشي
ابو هيام : وديها للغرفة دتمطر لتتمرض .. خلي ادفع جذع ثاني حتى اطلع محمد ايدك ويايا ابني
هيام : امي اخذت جمانة و تبوس بيهاا .. طلع ابوية كلنا حضناه و نبجي
ابو هيام : يلله ماكو شي يلله شنوو هاالبجي هاي شنوو عبالي جهالي اقوياء هاي عود كبرتوا ديلا بعدكم تبجون مثل الصغار
هيام : طبينا للغرفه و كلنا حالتنا مدري نضحك مدري نبجي متبللين و وجوهنا متكهربة
اباوع ع وجه ابوية مبستم بس مبين بداخله شبع قهر لان شفنا هيج موقف و ديكابر كدامنا حتى ميحسننا بضعف
ام هيام : لو نايمين هنا احسن الجهال انصدموا من الموقف
ابو هيام : ياعيوني شمدرينا غير متعودين ع هذيج الغرفه و دافيه مصار شي عدت ع خير
ام هيام : الحمدلله .. يلا انتو ارجعوا ناموا فرشتلكم هنا وراكم دوام
هيام : ماداوم باجر ابقى اساعدج نطلع الغراض البقت جوا الجذوع
ام هيام : يصير خير يمة گومي نامي ارتاحي
هيام : ان شاء الله يوم تصبحون ع امل
امها و ابوها : و انتي بخير عيوني
سمر : داومت هيام ماكو مو عايدها تتاخر اني متعوده دائما الكيها قبلي جاية .. مرت المحاضره الاولى
سمر : مو من عوايدها تغيب ابد ممسويتها هي والله قلقت بسلا صاير شي
علياء : رنا اليوم بنت الفگور ماكو
رنا : متشوفين هوا القاعه نظيف
علياء : اي والله
احمد يدندن: ماااتت بمحراب عينيك ابتهالاتي و استسلمت لرياح الياس راياتي ساااره گلبي
مياده : احمد الساهر دوختنا بـ ساره مالتك
احمد : لج مياده راح اتخبل ياعالم اريدها تحن
مياده : الله يحنن گلبها عليك بس انت جاهد حتى تكسبها
احمد : خرررب اسكتي لا تخبليني ترا اطلع اصيح بنص الجامعه احبهاااا يا ناااس
مياده : الجامعة الك اطلع
احمد : اهل الحب مساكين
اباوع ع بارق صافن يمكن ورث جكارتين بخمس دقايق
: هييي زعيم
بارق : هاا
احمد : وين وصلت بالصفنات .. خيرك
بارق : يمك هنا
احمد : يمي شنو بالعباس مو يمي
اباوع عليه سحب نفس بحسره و جان يگوم يوكف
بارق : امشوا نطلع نفتر اشوي
احمد : يابة بارده شنو السالفه وين ساحلنا وراك داكعد
بارق : ماشي اني طالع خليكم ..
مياده : عافنا و طلع باوعت ع احمد گمت دا اروح وراه سحب ايدي احمد و گعدني
هاا شكو
احمد : عوفي مختنگ
غزوان : كاعد بالكافتيريا وية جماعتي بالي مو يمهم اليوم ماكو مجتي حسبة توديني و حسبه تجيبني هي ما غايبة من قبل احس الجامعهة گبر و الجو كئيب يخنگ هي بس ساعتين مشفتها و هيج اتملخت اموت اذا راحت مني
عبدالله : گام يفرك بشعره و وجهه
شبيك
غزوان : مابية بس تعبان
هيام : كعدت ماكو لا ابوية و لا امي طلعت من الغرفة
: يمةة
ام هيام : هاا عيوني هناا هناا
هيام : طبيت للغرفة الخ بالكوة امشي ع الجذوع .. صباح الخير
ام هيام : صباح النور
هيام : شدتسوين
ام هيام : اطلع الغراض البقت سالمة .
هيام : ليش هو اكو غراض بقت
ام هيام : ولج يوم القنينه و الگوزان و شكم غرض بقن ضروريات
نور : كعدت اركض من الفراش للغرفه الخ
: الله يخبل شكل الغرفة يمةةة الجداري يمةة اهم شي القبغ الي اكل بي
هيام : امي اتطلع بالغراض و تعبرهن من بين الجذوع و اني استلمهن منها بس شنو نص الجداري متعقجات طبت نور مثل القرد تكمز ع الجذوع و فرحانة ضربتها ع ضهرها
: امشي بدلي و للمدرسه يلا مو مصدكتي تغيبين
نور : قبغي يمةةة ترا انتحر
آآآي ايدج ثكيلة ما اداوم اليوم الطين بالشارع لراسي واصل
محمد : ها مجتمعين هنا
طبيت من بين الجذوع اساعد امي
: عنج يمة خلي اطلع القنينه
ام هيام : يمةة روحوا وراكم دوام
محمد : ميصير شي اذا غبنا يوم واحد شلون نعوفج وحدج و الوضع هيج و بعدين الشارع طين
نور : مديت راسي بين الجذوع ع امي
: يووم القبغ و النبي اعلن حداد عليه وينه
ام هيام : بلا هم كليات و يتغيبون انتي مدرسه ميصير تغيبين امشي بدلي و ع مدرستج
نور : يووو يا يمة فدووة الطين لراسي شيطلعني تدرين كم مرة طامسه رجلي بالطين و اسحبها و تجيني رجلي بدون حذاء يا يمةة اتعارك وية الگاع لما اطلع الحذاء ماروح اليوم دشوفي السما بعد بيها مطر
محمد : وخري وخري طلعت شايل القنينه
نور : انطيني اشيلها انطيني
محمد : عرضت بطريقي و فاتحة ايديها تريد تاخذها مني
لج دوخري اخاف القنينه تشيلج
هيام : ههههه نسيتي قبغج نور
نور : يمةةة وين قبغي
هيام : و احنا نطلع الغراض و ميتين ضحك لان نص الغراض منتهية و نور لكت قبغها و كعدت تعدل بي لان متعقج الحمدلله الجذوع واگعه ع نص الغرفه و النص الثاني بقى سليم و الغراض البي سلمن اما البقيه الله يرحمهن ارتاحينا ورا مكملنا
: يمةة بقت بس هاي الغرفة
ام هيام : الحمدلله گلبي تلمنا كلنا
هيام : الحمدلله .. رحت كعدت بالزاوية و فرشت كتبي اقرا اكيد فاتتني محاضرات اليوم
فتحت الجنطة جان اشوف الورده صفنت عليها طلعت ذبلانة شوي اشتميتها غفيت ع ريحتها
ريحة الورد الجوري اترد روحي وردة مو مثل باقي الورد جبيرة و حمارها و ريحتها عبالك جانت عناية خاصه حتى وردهم يختلف
بس من وين جابها غزوان وين اكو ورد بهذا الوقت
استندت ع الحايط شداحجي اني الزناگين كولشي عدهم گلبي منطاني اشمرها هلكد ما شكلها حلوو
كوني الاقوى و نجمة شنو يقصد؟ اعتقد لان صار بية الصار ديكولي خليج قوية!؟ والنجمة شنو رمزيش
ميهم خليتها بدفتر ذكريات قديم سويته وية صديقاتي بالمتوسطه
رد مع اقتباس
المشاركة الأصلية كتبت بواسطة أبن ألأشتر
