انــا بـنــت ذلـك الـفـقـــيــر - الــبــارت الـخـامـس عــشــر
هيام : تعدي همومي و تگضي مثل ما تگضي هالدنيا
اتكسرت لما وصلت للبيت اتصدقت بكروتي لنفوس بلكي الله يكفيني شرها ..
ام هيام : هاا يمة الله يساعدج
هيام : الله يساعدج يمةة كعدت بالگاع باوعت ع الغرفه بيتنا مابي غراض و لا اثاث بس بسط و گوزان بزاوية الغرفة هذا مطبخنا و مواعين
رفعت راسي ع الجذةع اتذكرت من سكنا بالبيت احنا ابوية سگفناها و جنا فرحانين بالبيت لان اول بيت باسم ابوية
يستهزؤون بعيشة احنا راضيين بيها
ام هيام : هاج مي اليوم من وكت جاية
هيام : كمت وكفت لا يمة ليش تعبتي نفسك
ام هيام : اكعدي ارتاحي شفتج تعبانة
هيام : بست ايدها و كعدتها
ام هيام تكعد يم بنتها : اشبيج صفنة توديج و صفنة تجيبج
هيام : مابية بس تعبانة من المحاضرات
ام هيام : يمة گلبي يحس مو هذا تعبج
شنو الي متعبج احجي حتى ارتاح و ترتاحين
هيام : نمت بحضنها و كمت ابجي
: تعبانة حييل من الدنيا كلها
ام هيام : اسم الله بنيتي اسم الله
هيام : يمةة الدنيا صعبه داتحمل فوگ طاقتي هواااي والله
ام هيام : ادري يمةة ادري عبالج ماعرف .. بس اعرفج قوية مايكسرج شي
هيام : لشوكت ابقى قوية الدنيا و الناس علية
لزمت وجهي بايدها و رفعت راسي مسحت دموعي و مبتسمة
ام هيام : الفقر قوة مو ضعف و اذا الدنيا و الناس عليج لتنسين الله ميعوف عبده هذا اختبار الج و الله ميخذل بشر توكل عليه
هيام : ونعم بالله
خلت راسي ع صدرها و تمسح براسي
ام هيام : الله يفتحلج كل ابواب رحمته هو اذا حب عبده يبتلي و يفتخر بي اذا انتصر ع الدنيا و جان قوي
هيام : غفيت بحظنها محسيت الا العصر كعدت ع صوت ابوية و حمودي يسولفون و يضحكون
محمد همين واجه نماذج مثل اليمي بكليته بس اكو ولد فقراء هواي وياه فمتعايش وياهم براحه
اني دخلت بحرب و بس وحدي
ابو هيام : ها باباتي نوم الهنا
هيام : الله يساعدك يابة
ابو هيام : و يساعد بنيتي الحلوة حطيتلج القسط بالجنطة
هيام : كمت من مكاني و بست ايده و راسه
: تسلم داتعبك و يصير ضغط عليك من وراية
ابو هيام : لا ماكو اب بالدنيا يحس بالتعب اذا شاف ولده ناجحين و باحسن مكان هذا واجبي و ماتعب من واجبي
هيام : الله يخليك و يحفظك النة الله لا يحرمنا منك
ابو هيام : و لا يحرمني منكم يارب
كمت صليت فروضي و ساعدت امي بالعشا وراها اني و نور فرشنا و نومنا الجهال علي و جمانة و براء
الله لا يعيشكم الحياة الي دنعيشها ان شاء تكبرون و تشوفون حياة احسن
نور : شديصير وياج بالكلية
هيام : گولي شنو المديصير ..!؟
نور : غردي
هيام : شلون تغريد راح يوجعلج راسج
نور : همج ع همي و تخف الهموم
هيام : عيروني بحالي ديذلوني لان اختلف عنهم
نور : و ليش تكولين عيروني؟ هذا مو جديد علينا من وعينا للدنيا و نسمع هاي الاسطوانة
هيام : تعبت نور احس تعبت مدري كبرت و الهموم زادت شسوي فهميني
نور : اشرت ع راسها .
هذا هيام هذا شاف الفگر وعاشه و عاش ايام محد من الحولج بالكلية عاشوا هذا شيكولج
هيام : يكول استمري
نور : شفتي مياخذ قرار خطأ لان اقوى شي بينا
هيام : گلبي ضعيف و الناس مترحم
نور : الناس شافو حالنا و مظاهرنا بس ميگدرون يشوفون عقولنا و گلوبنا تفكيرنا عواطفنا احنا والله بس الي نتحكم بيهن ..
ديري بالج تفكرين بي مثل تفكيرهم
هيام : مستحيل
نور : يلا انام باجر عدنا جهاد جديد
هيام بابتسامة : تصبحين ع امل
نور : و انتي ع الف امل
هيام : احس نور عقلها اكبر من عمرها .. احسها اكبر مني دائما ارتاح من اسمعها تنصحني تمدني بالقوة الاخت وطن
هي هاي محاسن عيشة الفقر تنطينا تجارب تسبق اعمارنا بحيث تنضج عقولنا قبل اوانها الفقر يهذب الروح و يكفي تكون ضمائرنا طاهره ..
كعدت ثاني يوم رحت من وقت للجامعة حتى اسدد القسط و ارتاح من همه
اكثر شي اكره بالدنيا الفلوس و ريحتها
وصلت للكلية محد اكو قليل طلاب رحت للقاعه فارغة من وجوه الناس المنافقة
خليت جنطتي و كتبي و اخذ القسط و رحت لقسم الحسابات سلمته و وقعت رجعت مرتاحة
شفت مقعدي ورده حمرة رحت وگفت يم المقعد باوعت ع المقاعد ماكو اي كتاب عليهن يعني بعد محد جاي
شلت الوردة شفت قصاصه ورق صغيره ملفوفه ع غصنها فتحتها
دائما كـوني الاقوى★
گلبت القصاصه ادور ع اسم او حرف اي شي حتى اعرف صاحبها ملكيت شي
غزوان معقولة هذا شيريد مني الا اروح اشمرها بالزباله بهاي الاثناء طبت علياء ضميت الورده بالجنطة ع السريع و گعدت خفت لتشوفها و هذني ميصدكن يلگن زلة علية يفضحني
سمر : صباح الورد اشلونها الحلوة اليوم
هيام : صباح الورد حبي الحمدلله و انتي
سمر : بخير مدام انتي بخير گلبي دفعتي القسط
هيام : الـحـمــدلـلـه
سمر : الحمدلله
( بهمس ) خوما ضوجتج هذيج الحية
هيام : خلت راسها براسي
لا
غزوان : صباح الخير
هيام : طب للقاعه غزوان و العطر وراه السلام بس بگلبي ارده اسوي نفسي ما اشوف من واحدهم يطب
هسه يلا اجة و كتبه بيده يمكن هو لعب هاي اللعبه اجه حطها ع المقعد و اخذت كتبه وراح للحدايق او للكافيتريا
و هسه طب حتى ماشك بي كولشي يطلع منه
سمر : اباوع عليها صافنة
وين صافنة
هيام : حسبة ابالي
سمر : احسبها وياج ماعندي شي
هيام : لا فدوة متفيدين
سمر : جربيني
هيام : اندم
سمر : الزبده بعد ماتحمل
هيام بهمس : باعي الصبح من اجيت لگيت وردة ع مقعدي
سمر بصوت مرتفع : وررررده صدوووك
هيام : خليت ايدي ع وجهي اني عرفت راح ننفضح مو اعرفج ليش داجرب
سمر : باوعت الطلاب يباعون وجهي صار احمر
: وردة الجزائريه هيااااام شفتيها البارحة
هيام : يبووو عمتها
سمر بهدوء : ولج فضحتينا
هيام : اني؟!
سمر : لا اني فضحتنا ماعلينا ميهم لزكتها الوردة الوردة معرفتي من منو مشفتي احد منا منا
هيام : لا بس ملفوف عليها ورقه مكتوب
سمر قاطعتها : طلعي الورقه اشوف راح اطك
هيام : انطيتها الورقة
سمر : دائما كوني الاقوى ومرسومة نجمة يمها شنو هاي لا حرف لا شي
هيام : علمي علمج تتوقعين منو
سمر : غزوان يعني اكو غيره طلع بعير من صدوك
هيام : والله مادري. ميهم بكل الاحوال اريد اشمرها بالحاوية حتى ايا كان هو منو يشوفها و يفتهم ردي
سمر : ولج لا خليها منو يكول غزوان
هيام : غزوان او غيره شنو الفرق
سمر : حتى لو ضميها شافج احد من اخذتيها
هيام : لا محد جان اكو
سمر : دضميها لعد و اسكتي خليها بكتاب الذكريات
هيام : انتي و سوالفج
جان الوضع هادئ بهذا اليوم و مرت اسابيع و اشهر و ماكو اي نشاط يبين الوردة المن سمر ثبتت ع غزوان من تصرفاته
اجة يوم راس السنة و طبينا ع سنة 2002
ابو هيام : اليوم برد و مطر مو طبيعي
محمد : يمكن صدوك هسه راح تنگلب الدنيا
نور : ههههه يوووو من سنة ال 2000 و هم يگولون راح تنكلب بينا راح اعجز و العالم تكول باجر تنگلب الدنيا لا عگب باجر
هيام : اي من الخير الي ديسووا لاخرتهم مستعجلين ع اجلهم ضامنين الجنه
ام هيام : الجهال بردوا مخليت بطانية ماغطيتهم بيها سودة علية .. يلله ناموا انتو وراكم دوام و الدنيا بارده
هيام : تلازكنا كلنا ناس بناس حتى واحد يدفي الاخ من ابوية لحد بروئة نمنا بالغرفه المسگفه بجذوع لان ادفى من هذيج الغرفه و امي شعلت الگوزان و صوبة نفطية و الدنيا مطر و رعد و برق يخووف الصوت
غفينا بنص الليل اسمع امي تكعد بينا
ام هيام : هيااام هيااام نووور محمد كومووا يمةةة كومووا
هيام : كعدت ع حيلي هاا يووم شكوو
اباوع عليها هي و ابوية يكعدون بينا بحرص و يباوعون فوك باوعت بس نازل السگف و اسمع طگطگ
بين الصحو و الغفو اريد ارجع انام جرتني امي من ايدي شايلة براء و ابوية جر محمد و نور من فراشهم طلعونا دفعونا للغرفة الخ و خلت براء يمنا و ركضت صحيت ركضت وية امي
: يمة شكووو
طلعت من الغرفة دارجع اشوف شصاير وگفت اباب الغرفة الخ و الدنيا تمطر علية و ابوية وامي شايلين الجهال انطاني علاوي
ابو هيام : طببي للغرفه ليتمرض لا تطبين ام هياام
هيام : رجع ابوية ديجيب جمانة اباوع ع السگف طگطگة الجذوع زادت دا اطب ع ابوية ماحس الا سگف الغرفه (الجذوع) وگع و ابوية جوا جرتني امي حيل ليورا اتهسترت كمت اعيط
يااااااابةةةةة
رد مع اقتباس
المشاركة الأصلية كتبت بواسطة زْهـرٍآء
