انــا بـنــت ذلـك الـفـقـــيــر - الـبــارت الـثـالـث عــشــر
غزوان : هيام
هيام : نشف دمي حتى مكدرت ارد كمت اسمع دكات كلبي من الخوف رفعت راسي و باوعتله بنظرة استغراب
غزوان : عيونها حجت مو لسانها.. ابتسمت
العميد انطاني استمارة الاوائل گالي خلي تمليها علمود اجراءات القسط
هيام : جسمي كله ارتخى من حجى ع الاستماره
وينها
غزوان : دقيقه
هيام : طبينا للقاعه انطاني الاستمارة رحت كعدت بمقعدي اتفحصها احس الفرحة مو سايعتني
سمر : الف مبروك عمري بعد شتريدين اول هدف حققتي و سقط نص القسط سباعيه
هيام : الحمدلله تدرين نسيت موضوعها و لا ع بالي
سمر : حقج من الضغوطات شفتي ورا كل هم و غم فرج و انتي تفكرين تنسحبين
هيام : الحمدلله عطاية ربي ماكو اجمل منها
لا شنسحب ان شاء الله مستمرة و هاي الاستماره دافع الي
سمر : عفية عليج
هيام : ضميتها بالبيت امليها خلص الدوام جان يوم كله ضغط بضغط يمكن لوما خبر الاستماره انفجر من الالم صارت عندي حالة يئس
ابو هيام : شخبارج بالكلية خوما محتاجه شي
هيام : سلامتك يابة الحمدلله .. جبتلك مفاجئة
ابو هيام : يا الله
هيام : رحت ركض لغرفتي و رجعت شايلة الاستمار انطيتهيا صفن بيها ديقراها شنو
ابو هيام : و عفية و عفيهة هاي بنتي السباعية اي ابد ماتوقعت تخذلين ابوج
تعاي تعاي لحضني داشم روحي
هيام : فديتك عمري انت
فرحة ابوية هاي تسوه الدنيا كلها
ابو هيام : بنتي عگب باجر انطيج القسط حتى تسددي
هيام : تسلملي سا اروع اب بالدنيا يانظر عيوني اعرف ديداينهن منا و منا و يسدد طول السنة حظنته حييل و ابد مراح افكر اخذله او اكسره
مر اليوم بخير الليل صديقي هلكد ما ساكن و هادئ تسكن روحي وياه متمددين اني و نور فوگ السطح
نور بهمس و صوت يرتجف حزنا : اليوم غيروا رحلتي
هيام : ليش؟
نور : اجتي ام الطالبة الي كاعده يمي گالت للمعلمة ماريد بنتي تكعد يمها
هيام : ليش خير شنو الي خلاها تجيب امها
نور : باوعت عليها
يعني ليش برائيج؟!
هيام : عيونها غرگن من حجت افتهمت ليش لان بنت فگر
و شسويتي
نور بهمس و بكاء : شسوي برائيج اعتذر لان فقيره؟
اسفه منج خاله لان هدومي تعبانه و مشگگه!
هيااام هاي رابع مرة يغيرون رحلتي
هيام : لزمتها من ايدها كرهت الناس كلها
و لا يهمج هذا مو ذنب
نور : العالم متعرف ذنب مو ذنب
هيام : و بعدين وين كعدوج
نور : يم بنيه متدري شكو بالدنيا اعتقد عدها توحد نسبي بس ارتاحيت يمها يمكن لان متفهم شنو فقر و شنو غنى و شنو حزب و مو حزب
هيام : سكتت لان صح كلامها معقولة الناس مكامت تشوف غير الدينار و المظهر
ربي لحد وين راح توصل هاي الناس
نور : انتي شلونه دوامج
هيام : ميفرق شي عن دوامج بس الاختلاف المكان
نور : شصاير وياج
هيام : اذوني حيل
نور : و وين الجديد؟ اتعودنا ع الاذيه من زمان
هيام احنا ماكو النا مكان بهاي الدنيا .. احمدي ربج الهوا مو بفلوس
هيام : الحمدلله ع كل حال خوما سولفتي لامي؟
نور : لا ماكوللها امي وابوية البيهم مكفيهم .. هذا يزيد همومهم
هيام : اي عفية
ام بارق : طبيت لغرفه بارق .. ها يمة منايم؟
بارق : هسه راح انام متكسر والله محتاجه شي
ام بارق : اريدك بموضوع
بارق : ع امرج
ام بارق : يمة تدري انت الوحيد الي و لابوك و احنا كبرنا و انت هم كبرت
بارق : الله يحفظكم الي
ام بارق : الله يحفظك .فـ اني فكرت ازوجك
بارق : لا فدوة خليني مرتاح بال
ام بارق : ليش يمة مو صرت رجال
بارق : بس بعد وكت و بعدني طالب شلون اعيشها للمرة
ام بارق : انت حاير بعيشتها و خيرنا فايض
بارق : اني اريد اعيشها من تعبي اريد اتحمل مسؤوليتها
ام بارق : انت سبع تتحمل مسؤولية احاجي امها حتى نخطبها فرحني بيك
بارق : اهاا لاگيتها و ماخذه قرارج
ام بارق : اي بنية جمال و اخلاق و نسب و حسب و انت تعرفها
بارق : اعرفها!؟
ام بارق : ميادة
بارق : كعدت ع حيلي
بنت المقدم شاكر؟
ام بارق : عفيه عليك اي هي .. شلونه ختياري ذهب مو
بارق : ذهب ماعليها قصرة بس مو ابالي البنيهة
ام بارق : خليها ابالك مو صعبة و اني احجي وية امها اكيد مراح تردني
بارق : لا تحجين و لا تورطيني فكرة الزواج اتركيها هسة
ام بارق : شنو اعتراضك مو دتكول ذهب
بارق : حقج تفكرين تزوجين ابنج بس حقي اني اختارها صح لو لا
ام بارق : بعدك متعرف مصلحتك اني امك ادرى بمصلحتك
بارق : يمة كبرت مو طفل مو ماعرف مصلحتي و اني راح اعيش وياها مو انتي
ام بارق : باوع بارق لو مياده لو متتزوج مفهوم
بارق : ماتزوج
ام بارق : مااااشي
بارق : طلعت متعصبه من يمي
والله يا يمة دتفكرين بشغلات مو ابالي اني وين بعدني والزواج وين
ام بارق تدخل لغرفتها عصبية :
شفت ابنك
ابو بارق متمدد ع الفراش و فاتح كتاب يقرا : نزعت النظارات
يا ستار
ام بارق : ميقبل يتزوج مو راضي يعني غلط افكر بي و بمصلحته و اختارله بنات حسب ونسب
ابو بارق : اذا مراد عوفي للولد خلي ع راحته لا تضغطين عليه
اليوم التالي
هيام : بالدوام اول مكعدت لحد هسه نور ابالي و الي ديصير وياها فكري شارد طول المحاضرة
سمر : هاي صدوك شنو شايفنا بروفيسورات كدامه هيام اسمعي
هيام : شنو
سمر : اشبيج .. بالج وين؟
هيام : منتبهت حسبه ابالي اجتي
سمر : ولج حددلنا 15 ورقة تحضير وجه و گفه
هيام : اي وين الجديد
طب موظف الحسابات
الموظف : استاذ ثواني بعد اذنك
الاستاذ : اتفضل
الموظف : طلاب علمود تسديد الاقساط اليوم اخر يوم و الي ما مسدد راح اذيع اسمه يراجع القسم علمود الاجراءات هيام سلمان احمد
هيام : قبل ليكول اسمي صخنت و گلبي يدك بحنجرتي
نعم
الموظف : تفضلي للعمادة
هيام : القاعة سكون تام صار گمت استأذنت من الاستاذ و طلعت .. احس ضغطي انخفض من الخوف
معقولة راح يفصلوني لان اتأخر القسط رحمتك ربي
رحت ع قسم الحسابات طبيت للغرفة
السلام عليكم
الموظفه : و عليكم السلام
هيام : علمود تاخير القسط
الموظفة : شسمج و يا مرحلة ا
هيام : هيام سلمان مرحلة ثانية
الموظفه : قسطج اتأخر تسليمه و اليوم اخر لموعد التسليم
هيام : باجر ان شاء الله اسلمه خوما اكو راح انفصل
الموظفه : ماشي باجر تعاليلي الصبح
لا ماكو اجراءات فصل عيوني بس مجرد تنبيه
هيام : ارتاحيت كولش
الحمدلله ان شاء الله
الموظفه : تمام اخذي راحتج
هيام : رجعت للقاعه طبعا صار وقت ريست ( استراحة) لگيت الاستاذ طالع رحت كعدت بمقعدي فرحانه.
سمر : هاي الابتسامة تبشر بخير شصار
هيام : الحمدلله مجرد تنبيه باجر اسدد
سمر : الحمدلله
علياء بصوت مرتفع : رنااا ليش ما دافعه قسطج لحد هسة راح تخلص السنة لازم ماعدكم
هيام : كاعده ورانا و صاحت كل الطلاب انتبهوا باوعت ع سمر بقهر
كامت وكفت ع الاستيج
علياء : طلاب انتبهوا عمل خيري
نجمع فلوس نساعد صديقتنا هيام حتى ما تنفصل خطية هاي شاطرتنا
الطلاب : اي شكو بيها تستاهل هيام
رنا : والله الي يحلم احلام بعيده عن واقعه لازم كولشي يتوقع بس يلله الصدقات واجبة ع الفقراء
هيام : من حجت هيج القاعه اذا شمرت بيها ابرة تسمع صوتها و الكل عيونها علية هن يحجن يضحكن
احس صخنت اريد احجي شي مادري نعقد لساني من القهر اريد ابجي بقيت ساكنه بمقعدي دنگت راسي .. سمر لزمتني من ايدي
رد مع اقتباس
المشاركة الأصلية كتبت بواسطة خالدالسعد
