انــا بـنــت ذلـك الـفـقـــيــر - الــبــارت الــثـانــي عــشــر
هيام : اني رايحة لرئاسة القسم لهنا و كافي سمر بعد مابيا طاقه تفتهمين دتحسين بية لو لااا مابية بعد
سمر : اوگفي اوگفي
جريتها من ايدها وكعدتها
هيام : سمرر مابية هديني
سمر : لعد وين هيام القوية وين هذيج الي كالت اني الي ميهزني شي وينهاا اشو من اول كلمتين ضعفتي و سويتي مناحة
هيام : تعبت روحي تعبت انتي ما حاسة بالضغط داتعرفين بية نظره يباوعون الي شديحجون علية ؟؟؟
سمر : اي ما حاسة بس هذا ضعفج يقويهم و من تنقلين راح تثبتين كلامهم
ياا خطية محد عبرها و راحت هذا الي راح تثبتي لا اكثر و لا اقل و ليش؟
هيام : صار صوت صفاره باذني اذاني سكتت اباوع ع الطلاب اني اباوع بس ماشوفهم مجرد خيال يمرون
كلامها صح و ليش انقل و اضعف و ابوية اشلون اذا انقلت و هو ديحلم يوم بيوم اتخرج
لا اكيد
باوعت ع سمر مستمرة تحجي بس اذني مو يمها
سمر : و انسحب و ماريد و تعبت مابية جديد هذا الحجي معناها الي يردوا ديصير بيج
و ابوج مفكرتي بي شنو ذنبه موت روحه حتى يشوف بنته محاميه و يتعب و يلم القسط
هيام : كملتي
سمر : لا زين كافي
هيام : شبيج انفعلتي
سمر : مو صوجج صوجي دا اوعيج
هيام : شسوي اني هم بشر من ينضغط عليه اكو ردة فعل
سمر : كلنا بشر برائيج منو مرتاح بالدنيا
هيام : اكو هيج مثلي بشر ديتملخ ديحسسوني نظرتهم الي عبالك وحده جربه و بنصهم
سمر : حشااااج و انتي بعيون منو تشوفين روحج بعيونهم لو بعيونج انتي؟
وين ثقتج بنفسج دائما اتوقعي اكو الاكثر منهم و الاسوء و لا تهتمين لوما تختلفين عنهم ميأذوج
انتي بس صيري قوية و احمدي ربج و لا تتهاونين و تتهورين بعد شيلي هاي الافكار من راسج
هيام : اخذت نفس عميق الجامعه هاي مثل الغابه البقاء للاقوى و القوة مو بالفلوس و لا بالمقام الرفيع هذولا فاهمين الدنيا غلط فاهميها فلوس و مقامات
لا ابد مو هيج القوة اذا اتحدت نياتنا الصافية و گلوبنا الطيبة وية رضا الله و رحمته
محد يكدر يكسرنا اذا اجتمعن بينا ..
ربي وانت تعلم بنيتي و نفسي لا اريد فلوس و لا ابالي اذية بشر و لا افكر اهرب من واقعي اصلا ماعتبر الفقر عيب و انت وصيت بينا
احمد : يا يابة حر حر انطيني جداحه اوووف داورث ورثت روحي ام الحاسبات
بارق : وين وصلت
احمد : بعدنا بس نظرات وداعتك
بارق : اذا تحبها بادر بخطوة لتخسرها
احمد : هي وين الجرأه وين الشجاعة زعيم الجرأه تخوني لتشوفني هيج والله اخجل
انت هسه متفهمني من تحب تفهمني
بارق بابتسامة : الله اعلم
احمد : اكولك
بارق : كول
احمد : عبالك مياده يمك
بارق : مادري تعتقد؟
احمد : اعتقد كول متاكد .. شيضمها البنيه مبينه من تحب معقولة محسيت
بارق : مو قصة احساس ما منتبه مشغول بالي بالف فكرة
احمد : حتى لو بادلها شعورها انطي فرصه لنفسك و الها مو كله شغل شغل
بارق : و اذا ماعندي مشاعر الها خوما العب عليها
احمد : لا الحب مو عزيمة اذا ماينبع من داخلك لاتبادل و تظلمها
بارق : خليت ايدي ع جتفه ..
تفهمني
عليا : لا تصدكين بكلامها اكو بنيه ترفض غزوان لو تكول مو ابالي
رنا : هذا المحيرني ؟ شنو الي بيها شداتشوف روحها؟ شايفه روحها بالمراية
عليا بسخرية : هاي اذا عدهم مراية. عووفج منها انتي منو تجي بجمالج بالجامعه كلها .. تلگيها من قهرها تكول ماريده
لان كبالج هي اصلا ماعدها فرصة فوز بغزوان متطول خليها تحلم شعدهم غير الاحلام
هيام : صفنت ع سمر و ابتسم من النعم بحياتي هي اتخيل روحي بدونها بالكليه يمكن انهار الحمدلله سخرها الله و رتب يوم التقينا برحمته
سمر : شبيج كافي صفنات يلا كومي راح تبدي محاضره و اذا طب استاذ مجيد و احنا ورا متسمعين منه غير ...
العفو طلاب ميدخل احد بعدي
هيام : كمت ع السريع
عزاااا كووومي
اخذنا محاضرة و بنهايتها الصدمه الاستاذ كال يلله اوراق و اقلامكم و اشلون سؤال انطانة يمكن اذا فتحنا الكتاب همين منكدر نجاوب بس الحمدلله اعتمدت ع التعبير و تفكيري كمحامية
سمر : شفتي الحظ شفتي اريد اجاوب ماكو ولج طارن ال 28 حرف طاارن من راسي اني وين فاتحه الكتااب البارحه اصلا
هيام : هو سؤال فكري مو من الكتاب يعني لو فاتحه الكتاب همين متلكين الجواب
سمر بنبرة باكية : اني شجابني قانون
تحطمت طموحاتي
هيام : رحنا كعدنا بالحديقة كبال القاعات .. اي راح تحرر فلسطين من طموح
سمر : خلي احرر گلبي من حسوني و بعدين افكر بفلسطين .. و غزوان گابلنا و گف
هيام : گومي
سمر : ولج اكعدي هسه يكول شخصيتها مهزوزة تتهرب مني
وين نروح متشوفين الشمس بكل مكان همزين حجزنا الفي هنا
هيام : ماشي .. اتذكرت افتحي كتابج خلي احددلج ملخصات بي
سمر : فدوة
غزوان : شلون اوصللها مشاعري ليش مدتحس بية ؟! مو صرت مثل خيالج دحسي بية لخاطر ربج
الدنيا عكسي الاريدها مامهتمة و الي ماريدهن بيدي
عبدالله : شنو المستجدات باللعبه صار سنة
غزوان بانفعال : عوفك منه عبدالله مالي خلگ
عبدالله : يعني سيارة جتني
غزوان : هاي اعراض ناس بيها حوبة ما تنرهن بحديد
عبدالله : لك بابة هذني بالفلوس يجن و بالفلوس يروحن
انت دتشوفها بنفس ملابسها طول السنة اذا اشتريتلها تنورة تجي بيدك شلون متريد
غزوان : اي اذا تنطي نفسها ماستخطيها
بس مو ادمرها بلعبة و بعدين اني اصرف ع هاي .. كافي الحلوات بالسهرات خلصن ع فلوس ابوية
عبدالله : بهاي صدكت انت
غزوان : اسولف و عيني عليها هاي غير عن بنات السهرات غييير و اشكد ما اباوع عليها احس عيوني متشبع من وجهها
شكد عاشرت بنات ليش احسها ترفةةة حيل ماكمت اطيق فكره عبدالله يشوفها رهان لو افوزه لو اخسره لغيت كولشي و اعترف انسحبت و خسرت كدامها
و اكسر رجلينه اليتقرب منها
هيام : كمنا اني و سمر للقاعه لان اتضايقت من غزوان مشال عينه عني حتى اتقيدت بحركتي ماكدرت اسولف براحه لمحته اتحرك ويانة ليش مديجوز مني
وگف بطريقي رفعت راسي صار بوجهي مادري حسيت حيلي انهد لزمت ايد سمر حتى ماتبين الرجفه بيدي ..
غزوان : هيام
رد مع اقتباس