رانيا يوسف ترد على منتقديها: بناتي يروني قدوة لهن !
رانيا يوسف لم تعد تهتم بالشتائم على مواقع التواصل الاجتماعي
شنت الفنانة رانيا يوسف هجوما مكثفا على رواد مواقع التواصل الاجتماعي الذين انتقدوا اطلالاتها في مهرجان الجونة، وبخاصة ظهور ابنتها بجوارها بفستان "البطانة" المثير للجدل، وأكدت أن كل التعليقات السلبية "لا تهمها" ولم تعد تضايقها، وأشارت إلى أن ابنتيها يرونها قدوة لهن، ولا تجبرهن على ارتداء ملابس بعينها.رانيا ظهرت عبر عدة برامج للرد على الضجة المثارة حول فساتينها في مهرجان الجونة واحتلالها تريند تويتر منذ افتتاح الدورة الرابعة، وقالت إنها أصبحت لا تهتم بالانتقادات والتعليقات السلبية التي تتلقاها حول إطلالاتها الجريئة بشكل مستمر، وأضافت: في الأول كنت بتضايق أوي من أي حد يشتم، حاليا بضحك لأن الحياة صعبة كثير.
رانيا يوسف لم تجبر ابنتها على ارتداء فستان البطانة المثير للجدل
وتابعت رانيا في تصريحات لبرنامج ""theinsiderarعبر فضائية دبي: اللي بيشتموا دول بيفرغوا مشاكلهم بالشتيمة في الفنانين، وربنا يشفيهم، وفي حاجات تافهة كتير مش لازم نقف قصادها، إحنا أكبر من كده.
وواصلت الدفاع عن نفسها والهجوم على مواقع التواصل الاجتماعي قائلة: السوشيال ميديا اللي ياخدها على أعصابه أوي ممكن يجيله اكتئاب وينتحر بسبب التعليقات السخيفة والمريضة، الموسيقار محمد عبد الوهاب له مقولة عظيمة بتقول: (لو كل واحد يضربني طوبة هقف عنده هقع، لكن أنا هاخد الطوب ده كله وأقف عليه وهبقى محمد عبد الوهاب)، وأنا كل التعليقات السلبية دي هاخدها كده وأحطها تحت رجلي وهقف عليها.
ودافعت رانيا عن إطلالة ابنتها بفستان "البطانة" الشهير عبر مداخلة هاتفية لبرنامج Mbc Trending، وقالت: مش أنا اللي اخترت لنانسي أنها تلبس الفستان، هي كانت فكرتها واللي قالت ليا عايزة آجي معاكي على الريد كاربت وألبس الفستان فقولت ليها تمام اعملي اللي إنتي عايزاه.
وأضافت رانيا: أنا ولا بختار لبنتي لبسها ولا حياتها والأجيال اللي طالعة هي اللي بتختار لنفسها كل حاجة، بس مهمتي في الحياة أني أصرف عليهم، وبنتي هي اللي بتختار لبسي وأعمالي، وعيالي شايفنِّي قدوة ليهم بأن يعملوا كل اللي في نفسهم ما دام مش بيأذوا حد.
وتابعت: بنتي مش فنانة من حقها تلبس اللي هي عايزاه من غير ما حد ينتقدها.. دي حرية شخصية والفنانة كمان حرة تلبس اللي عايزاه واللي مش عاجبه مايبصش مش مشكلتي.
واختتمت رانيا قائلة: أنا خلاص جبت آخر الهجوم فهيحصل إيه يعني بعد كدا فخلاص بقى ناقص ينتقدوا الأكل كمان اللي بأكله، السوشيال ميديا بقيت حاجة سخيفة أوي وكل اللي ملوش رأي ولا ذوق بيتدخل في حياة البشر بشكل غير طبيعي.
رد مع اقتباس