انــا بـنــت ذلـك الـفـقـــيــر - الــبــارت " الـحـادي عـشــر "
هيام : باوعتلها صفنت بوجهها
سمر بعيدا عن اني ماطيق هاي الناس فكري بعقلج وياية
اني مشايله بس كروة السياره للبيت فكري بموقفي من اكعد بنصهم و اصلا ماعتقد ياكلون لفات فلافل هذولا الناس
سمر : هيام هم عازميج يعني الدفع عليهم
هيام : اي مشكورين
سمر : بس تدرين خفت من رنا لو رايحة ماعتقد تفوتلج الكعده ع خير
هيام : و ليش حاطة روحي بهيج موقف
سمر : و لا يهمج هيوماتي هسه اجيب احسن لفات فلافل
هيام : دكومي للقاعه يلله مو وكت كرشج
احمد : شلون تغيير جذري بارق
مياده : اي لوك جديد اللحيه بس ترا كولش كاعده لوجهك
احمد : و هاي شهادة قيمة من الجنس اللطيف
بارق : شكرا
احمد : مياده منخطبتي متزوجتي تبقين كاعده ع گلب امج
مياده : لا تصير ثكيل دم لا بعد اكيد اجوني و مقبلت
احمد : يووووو يااا اسطوانه اجوني و مقبلت عيوني الملكه ديانا اغاتي ممكن اسباب الرفض؟؟
مياده : مو اسطوانه هذا الصدوك كل بنية يجوها ناس اوووكي
احمد : صح صح ياحجايه ارجعي لمكانج .. لازم اكو ابالج واحد و ترفضين
مياده : يخصني
احمد : باوعت ع بارق
بخت
هيام : اخذنا محاضرتين اتكسرنا و هلكد ميحجي الاستاذ دخت عبالك السنة اصعب من العام بوقت الريست اني و سمر رحنا للمغاسل
سمر : يايمةةة تكسرت ولج من الكعده اريد اوكف ع رجليني مابية
هيام : شلون مداشوف السنة غير عن العام و حتى الاساتذه متشددين
طبت رنا و صديقتها وگفن ع المراية يرتبن مكياجهن
سمر : اوف اوف حتى كحلتي سالت حاره .. ولج هيوم تعاي اخليلج كحل
هيام : لا لا يمعوده
سمر : والله تخبلين تطلعين دجربي و مسحي
هيام : لا فدوة سمر اتركي
رنا : طبيت للمغاسل شفت بنت الفگور واگفه وية صديقتها و ع شنو واكفة ع المرايه حتى قلم كحل ماعدها
كمت ارتب وجهي طلعت قلم كحلتي صفنت عليه
رحت عليها مديتلها القلم
تفضلي
هيام : العفو شنو هذا؟
رنا : قلم كحل يو نسيت انتي مشايفته بحياتج
هيام : بقيت صافنة بوجهها ع جرأتها و وقاحتها ..
تسلمين ماحتاجه
رنا : بالعكس يفيدج يسهل عليج توكعين ابن ذوات بجمالج و نصيحة هم يحبون هيج شغلات اهتمام و اناقة
هيام : هذا تفكيرج انتي
اني الي جاية علموده بالجامعه الشهادة مو الولد مو الفلوس
رنا : واضح كولش
هيام : انتي لحد وين رايده توصلين بدون لف و دوران
رنا : كتلج قبل و اعيدها رجلج هاي المادايسة نعومة الگطن و الحرير لتخليها بمكان يوصلج لجحيمج
هيام : الزبدة بدون فلسفة
رنا : كلنا نعرف انتي بنت فگر و سعيج و هدفج هنا تتخلصين من حالج براس واحد برئيج شيجيب وحده بمستواج لهيج جامعة راقيه
لا تدعين البراءة
هيام : اولا فگري يخصني ما مأذيكم و ثانيا غناج انتي و الناس الي هنا ميهمني و لا شاغل تفكيري
رنا : بسسس اشش مراءات و نفاق
سمر : شفت الكلام صار حاد اريد اذبحها ع قبله
ترا غزوان هو راكض وراها و هي صادته
رنا : ضحكت و اشرت بيدي باستصغار ع هيام
غزوان يركض ورا هاي حبيبتي قصدج انتن دتبعدنه عن طريقي لان اني وياه مرتبطين
هيام : كمت احس نار بداخلي و هي تستصغرني ضبطت نفسي بس الانفعال بين بصوتي
نبعد منووو الولد لا ابالي و لا راح يوصل لبالي و اذا مرتبطة بي گوليله يبتعد عن طريقي اعتبره فضل منج امشييي سمر
سمر : طلعت تركض ع السريع لميت مكياجاتي و طلعت وراها بس اباوع ع رنا يمكن رادت تنفجر
هيام هياام اوكفي شبييج هذاا مو مشي دوكفي
هيام : سمعتيها هي هاي نظرتهم عني
سمر : معليج بيها من غيرتها
هيام : اني سمر اني جاية للكليه اصيد ولد انييي
سمر : تحجي منفعله و عيونها غرگانه
يووو ولج والله من قهرها هيج حجت لان غزوان باله يمج
هيام : و خرب بغزوان خرب بي مرايده شي مرايده فلوس و زنگنه مرايده اريد ارتاح منهم كاافي عاااد كااافي
سمر : اهدي اهدي كل طلاب الجامعه انتبهوا امشي نگعد ع المصطبة امشي بدون فضايح
هيام : جرتني من ايدي و تمشي و ماحس القهر و الاذية ما اذيت احد ليش هيج اذوني
يمكن صح هذا عالمهم و مو مسموح امثالنا يقتحموا شنو احنا ميحقلنا نعيش حتى .. احنا لا شي
صح خليت رجلي بمكان جحيمي لو رايحه بكليه عاديه جان عشت براحة
سمر : كعدت هيام ساكته محجت حرف و اني ماعرف اشلون اواسيها ع الي سمعته مادري فجاءه دموعها كامت تنزل دم
وجعته لگلبي دموعها الله يساعد گلبها شديتحمل .. مسحت دموعها بايدي
هيام هاي الدموع خليها اتمدج بالقوة صيري اقوى و لا تهتمين ابد
هيام : ماحس الا دموعي نزلن احسهن مو من عيوني احسهن من گلبي
سمر گلبي يوجعني دياذوني حيل و بدون ذنب
سمر : اسم الله ع گلبج عمري .
حضنتها و زادت بالبجي بحضني و لازمه گلبها بايدها .. عفتها تبجي لحد ماتهدا كلت حتى ترتاح .. الدموع الحل الوحيد للانسان النقي من يتلقى ضربات و ميكدر يرد تنطي القوة
گمت ابجي ع بجيها
هيام : شلت راسي و مسحت دموعي
ابوية
سمر : اشبي؟
هيام : بعده مدافع القسط
سمر : و يعني بعدنا ابداية الدوام عنده مجال لا تقلقين
هيام : لا راح ابطل من هاي الجامعة و اقدم ع كليه حكومية ماطول بعدني باول السنة
سمر : لاااا عااااد بديتي تهلوسين بابة انتي بسنة ثانية تخبلتي شنو تحولين ع غير كلية
هيام : كمت شلت جنطتي و كتبي
اني رايحة لرئاسة القسم لهنا و كافي سمر بعد مابيا طاقه تفتهمين دتحسين بية لو لااا مابية بعد
رد مع اقتباس