منهج الاشرار
..................
بيوم قابيل الغدر هابيل اخوه..
ابليس وي الشر اجه بحيله ونزل..
واصبح الشيطان لبنادم قرين..
جم نبي الشاف الظلم من الملل...
الباري من اختار الاف انبياء..
عالارض نزلو لجل مسح الدجل..
ولأن طبع الشر الغالب بالارواح..
واكثر الوادم.العاشت بلجهل..
عقول عميه وابد ماتبصر اكيد..
وتعبد احجاره
مثل عزه وهبل..
تحن تبقه شما يمر بيهه الزمان..
ويظل طبع الشر
الغالب للازل..
وتنولد اشرار وتصبح طغاة..
وراجع التاريخ وشوف العمل..
المصطفى المختار نورهه الحياة..
والرساله اصبحت
للعالم امل..
اشكثر شاف الغدر من فعل اليهود..
وشاء رب العزه
والدين اكتمل..
من اذكر اهل البيت من اول امام ..
من علي المرتظى
امير النحل..
شلون بالمحراب والشر اعتناه..
وعلي حاميةالجار
للعنه سأل..
والحسن سبط النبي وثاني امام..
ينغدر مسموم
بافعال الدجل..
وابو اليمه ولوعته وذاك المصاب..
سال دمه بكربله
وسبي الاهل..
وتسعه ذريته اشكثر شافو عذاب..
حته عرش الله
دمع عينه همل..
الخير عد ابنادم هوايه قليل..
والشر الواضح من اشرار الدول..
لكن الباري تره عيونه تشوف
والفرج منه قرب
عز وجل
........ ...................
بقلم الدغاري
رد مع اقتباس
المشاركة الأصلية كتبت بواسطة أبن ألأشتر
