انــا بـنــت ذلـك الـفـقـــيــر - الــبــارت " الـعـاشــر "
نور : شلت المخده و ع وجه هيام
: بطلي دراماتج بطلي هيام من كوكب الارض ع اساس عندج غير كوكب تروحيليه
هيام : ولج گطعتي سلسله تأملاتي مو جنت مندمجه بغير عالم
كمنا نضحك و نسد بحلوگنا .. بس احس ضحكاتنا وصلت للسماوات دائما فرحة الفقير بيها طعم خاص لان مظلوم مو ظالم
و ع ضحكنا و لعبنا نمنا مرتاحين بال و ضمير
بدت السنة الدراسية الثانية جنت متلهفة للدراسة و للتفوق مرة ثانية دوامت بهدوم رغم بساطتها و رخصها بس فرحت من رحت ويا امي و اشتريت و ويانة محمد جان كولش فرحان حسيت بفخر و اني امشي وياه بالسوك لزمت ايده بودي اكول للناس ياعالم هذا اخوية الماكو منه
و كبرنا سنة و اتغير تفكيرنا يكولون العقل مو بالعمر بس اكيد بالعمر كلما كبرت كلما نضج تفكيري و كمت احسب لكل خطوة و قررت اصير اقوى و اقوى و ميهمني طبقات النرجسيه القرقوزية الحولي
اول يوم دوام كعدت بالحديقة كبال القسم انتظر سمور اشكد مشتاقتلها فجاءة ايدين ناعمة شدت عيوني
سمر
سمر : هههه فديت الي تحس بية
هيام : اتحاضنا و تباوسنا
مشتاقتلج هواي
سمر : اني اكثر والله
هيام : ولج صايره احلى العطله لاگتلج
سمر : مو بحلاتج اكيد فديتج شلونج مالونج شسويتي مسويتي بالعطله وين رحتي
هيام : الحمدلله .. نسيت وين طلعت خلي اتذكر مو تعرفين كل اسبوع بدوله مدري فرنسا مدري ايطاليا خو لندن مليت منها يرادلي زياره لموزنبيق تغيير جو
سمر : هههههههه
هيام : قابل وين اروح بالبيت منا لهنا مطلعت انتي شسويتي مسويتي
سمر : يوو هواي متصدكين
هيام : احجيي
سمر : انـخطبت
هيام :صدوك مبروك منو سعيد الحظ
سمر : الله يبارك بيج ابن خالي عن حب صار سنتين احبه و يحبني
هيام : فدوة الله يسعدكم
سمر : يارب يوم الج و تاخذين واحد تحبي و يحبج
هيام : يمعوده ويني وين الحب و الزواج
سمر : ليش هيج رافضة فكرة الحب
هيام : ماكو بشر بالدنيا ميريد يحب. بس مو كل بشر ضروفه تسمح
سمر : دا افهمج بس الحب يجيء فجأه مثل النسمه متوكفه ضروفج مهما كانت متحسين الا و روحج واكعه و غركانه هيج احساس غريب بس حلو
هيام : الله اعلم
غزوان : واگف يم جماعتي متلهف ع شوفتها من اجتي غبت عن الواقع و اني اباوع عليها و تمشي مثل الملكات رغم مظهرها الفقير
عبدالله : ها جتي الحب
غزوان : يا حب مو غزوان الي توگعه بنية
عبدالله : ادري بيك تفكيرك بالتحدي
غزوان : لك عبدالله هاي و عشرة منها يجن للطريق باشاره مني بيها ريحة فلوس
عبدالله : دأشر لعد مو من العام و انت متحركت لازم عاجبك تخسر سيارة
غزوان : سكتت لان خسرت التحدي مـن زمان كل همي تبادلني الحب
رنا : ليش واگفين هنا
عبدالله : روتين الدوام
رنا : امشوا عازمتكم بالكافيتريا
هيام : كاعده اسولف وية سمر اجة غزوان و اصدقائه و وياهم رنا سويت روحي ماشوف
غزوان : السلام عليكم
سمر : وعليكم السلام
غزوان : اشلونج هيام ..؟
هيام :رفعت راسي عليه
بخير الحمدلله
غزوان : الحمدلله رايحين للكافيتريا تعالن ويانا
رنا : روحي طلعت من تصرف غزوان اصلا شنو هاي و تكعد يمي بنت الفگور
هيام : تسلم وصلت العزيمه
عبدالله : لا لا منقبل شنو وصلت لازم تشرفينا
غزوان : بصدها الي دمرتني معقولة ممنتبها و مو حاسه بية ليش تتعامل ابرود ؟
هيام : اعتذر
رنا : يلله شباب اتاخرنا راح تبدي المحاضره بعد اشوي
عبدالله : يلله غزوان
غزوان : الجايات هواي هيام و نتشرف بيج
سمر : ان شاء الله هلا بيكم
ضربت هيام ورا مراحوا
ولج ثول انتي بيج شي؟
هيام : تريدين تروحين روحي
سمر : ماريد اروح شسوي رايحه و هم عزموج شكو بيها لو رحتي مراح ياكلوج ترا
هيام : باوعتلها صفنت بوجهها ...
رد مع اقتباس