انــا بـنــت ذلـك الـفـقـــيــر - الــبــارت الــثــامـن
- اذوني يمة وينج ، گلبي ديوجعني ، شنو ذنبي اذا بنت فقرا و من شوكت الفقر ذنب ربي مو الفقراء احبابك ديأذوني والله اذوني عبادك اكفيني شرهم
گمت امسح بدموعي فقدت ، انتبهت اني بمكان عام خفت لا احد يشوفني گمت اواسي نفسي و احجي وياها
و اذا عدهم فلوس اني اقواهم حتى اقوﻯ من مراكزهم و نرجسيتهم
سكتت اخذت نفس عميق احس ارتاحيت من بجيت
- هيج و هسة مدفع دبابة و اقصف القاعة بصاروخ اخلي طشارهم بكل مكان دشوف فلوسهم تشفع يم الله
بارق : طلعت ضايج روحي مقبوضة من الكلية كل يوم مشكله وية ابوية من ورا الدوام
كاره حياتي ماعندي حرية شخصية ماكدر اخذ قرارتي بنفسي اريد اسوي الي اني اريده ماريد اتماشى وية مجتمع فارغ ناس بالظاهر مرفهة و بالباطن اموات حياتنا روتين بروتين
وكفت بالحديقه يم شجره صفصاف ضخمة متعود اجي هنا وحدي من اختنك
سمعت بجي بنية التفتت هيام ظهرها علية تحجي وية روحها و تبجي درت عنها سندت ظهري على الشجرة صفنت بحالي رغم اختلاف الطبقات بس حالي مثل حالها
اسمعها مرة تبجي و مرة تضحك ابتسمت بسخرية شجابج بنصهم هو اني اريد اهج منهم
بعد ربع ساعه من الهلوسة وية روحي ارتاحيت رجعت للقاعة اخذنا محاضرتين
طلعت بنهاية الدوام امشي بالشارع اشوفهم كل واحد طلع بسيارته الراقية اني وين و هالناس وين
وصلت للبيت لگيت امي صابه الغدا بدلت ع السريع لان ميته جوع تغدينا و كملنا رحنا للغرفة نقرا و الجهال بنصنا مرة يلعبون و مرة يتكافشون
الحياة روتين بس حلوة لان بالنا مرتاح گمت كملت شغلي لليل رجعت اقرا و مددت يم نور حجيت بصوت ناصي
- نور
- ها
- منايمة
- اي
- شنو شعورج اذا ولد حبج
- مادري؟ اكو احد بحياتج
- لا
- لعد
- مادري ، واحد يحاول
- شلونه حلو؟
- هذا ميهم
بلهفة - صارحج؟ شگلتيله انتي
- لا بس تصرفاته
- و انتي
- مادري ماعتقد احبه ، نور كل بنية تتمنى تحب ، تنحب
- اي هاي اجاج واحد بادلي شعوره
- الكلام سهل ، شلون ابادله و اني محاسة بالحب تجاهه اريد حب ينبع من داخلي بس مو بهيج مكان
- ماگدر انصح و اني ماعرف الي دتعيشي هناك
بقينا نسولف لما غفينا
غزوان : بفراشي و مجايني نوم بس اتگلب يوم بعد يوم كمت انسى الرهان گبالها
عيونها مادري شبيهن وجهها يختلف ملامحة بريئة شنو معقوله الوجه المتعوب من ضيق الحياه هيج ترف و بي جمال خاص ..
خلتني بنص طريق لا اندل حتى اكمل وياها و لا داعرف ارجع دماغي تعب ارق صار عندي من الالم
و تاليها هياام تعبت اريد اناااام
رد مع اقتباس
المشاركة الأصلية كتبت بواسطة سيد الكلمات
