انــا بـنــت ذلـك الـفـقـــيــر - الــبــارت الـسـابــع
- لا مو سألني على حفل التعارف
- حفل تعارف ؟ الحفل الصار ابداية السنة
- اي اكو غيره
- هذا غزوان ينفض تراب اليوم البارحة من صار الحفل و راح ، هاي حجة كملي بلة
- هايهية
- و هاي حجة وياج ممثل القاعة و هيج ارتبكتي
- عادي
- ياا ولج بسلا تحبي هيوم
- لااا
- شكو مرتبكة لعد
- يمكن لان عيني صارت بعينه خفت
هي لحظة ممتعمده اباوع بعيونه مادري سمر داسولف ويا هيج بلحظة انتبهت صافن بعيوني
تغمز عين و تحجي بدلع - دتحجيلي بلغة العيون منها يبدي الحب ، اللـــــــه احساس حلو مو ، باوعتي بالعيون الخضر
- لا بداية و لا حب و لا حرب اصلا مو ابالي هي لحظة و ولت
- ليش مو حيلج رجف ، مو ارتبكتي خجلتي هاي علامات حب
- سمر خفت مو علامة حب اني بحياتي ما متقربة من ولد لهاي درجة جان قريب فوگ راسي و باوع طبعا ارتبك
- زين شنو احساسج تجاهة بعد الصار
- و لا شي عادي
صرعتني تحقق وياي بس حتى تثبت نظرياتها كملنا محاضرات و رجعت ، بديت انتبه لغزوان بسبب كلام سمر اليوم كله يباوع ضايقني فكرت انو لان باوعت بعيونه و خفت اكثر لا اني من مستواهم لا الي حيلهم ماريد اتقرب منواي مخلوق حتى اذا بالصدف
مرت الايام و اني اتجاهل حتى اذا كلام سمر صح و هو هاوي لازم ابين انو اني مادري هيح تمشي ايامي بشكل طبيعي
قربت نهاية السنة اغرب سنة عشتها كانو بركان يستعد لانفجار
علياء - اكولج شي بس مو تضحكين مادري مجرد تخمين
رنا - شنو
- احس غزوان يم هيام
- اي
- شنو اي،؟ تعرفين شي؟
- برائيج اراقبه كل دقيقة و ما الاحظ يعني؟
- و ليش هيام؟ يعني اذا جمال شكلها عادي و اصلا بنت عامة و فگور ، شبي اعمى لو شنو
- و انتي مقتنعه يحبها؟
- يعني
- متوهمه عمري هيام مجرد لعبة و رغبة صارت بنفسه
- حتى اذا يعني ما يضايقج هالشي؟
- اتضايق من شاة العامة و هي بانياب ذيب الذوات
علياء الي يخوف الناس الي لا شيء تحارب حتى تصير شيء و دائما عدهم قوة رهيبة مثلا هيام منين طلعت و شجابها بنصنا و اشلون استمرت دتشوفيها شلون تمشي بهدومها الرثة و لا كانو هي بمكان غلط
- عزا تجذب الولد بقوتها و تصيدلها زنگين حتى تعيش براسه
يدخل غزوان للقاعة
- طلاب هاي الملازم كملت كل واحد يجيني اسجل اسمه و انطي
- صارت لحم يمة انتظرت تخلصون حتى اگوم اخذ ، اليوم ضعت بدون سمر حتى اكل ما اكلت
علياء- راح اجيب الي و الج
رنا تلزمها من ايدها و تكعدها - اصبري
- شكو
- انتظري هيام
كلهم استلموا هو بقى ع الاستيج واگف و يحسب الاسماء بالورقة خفت و اترددت لان ماريد اتقرب منه ، گمت اخذها و اخلص رحت عليه قبل لا احجي مد ايده انطاني ملزمتين ؟ عبالك دينتظرني ربكني اخذت وحده و رجعتله الخ
- بس وحده
- متأكدة
- اي
- و صاحبتج؟
- العفو صح شكرا
رجعت الملزمة داطلعله الفلوس
- حقج دايخه من القراية هي هاي الدنيا
ناس تدوخ حتى تتفوق و ناس تدوخ بهاي الناس حتى تعيش
رفعت راسي عليه صدمتني جرأته من حجى و بصوت عالي و الطلاب يباوعون گامو يتبشبشون و ضحكوا اخذت الملازم و دانزل روحي بخشمي صارت رنا بوجهي
- اعتقد مو ساعتين الياخذ ملزمة لو عجبتج الوگفة
- العفو ما فهمت
- شعجب شاطرتنا ما تفهم ؟ اقصد لا تخلين رجلج بمكان بغير مستواج ليكون مكان جحيمج ، ترفع ايدها و توخي برسم خط ناصي - خليج على المستوى
لا اليوم اثنينهم يدكون بالحجي و مالي خلگهم عفتها و مشيت
تباوع على غزوان - ما عجبها الكلام بنت الفگور
غزوان بنبرة غضب - هاج ملزمتج
احمد - شفتوا المسرحية
مياده - الظاهر اكو حرب على وشك الاندلاع
يتحرك بارق من مكانه - رايح للحديقة
- وين يمعود دگعد
- اروح ادخن بدل هالمهزلة
يوصل للباب يصيح احمد - بارق راح اخذلك ملزمة
- اختنگت خليت الملازم على المقعد و طلعت للمغاسل غسلت وجهي و رحت گعدت بمكان ورا شجرة بحيث ماريد بشر يشوفني ماتحمل عيون احد و شفقتهم احس راح اموت من الخنگة بجيت حتى ارتاح اذا اضل اكتم و احمل اضعف و انفجر
انهدمت من كلامهم و ضحكهم علية و لا الومهم صح اني الغلط لان مكاني مو هنا مداگدر اكابر اكثر و اكمل اتمنى انهزم من العالم كله ماتحمل اتظاهر بالقوة و داخلي مهدوم ، انهاريت بالبجي
اذوني يمة وينج ، گلبي ديوجعني
رد مع اقتباس
المشاركة الأصلية كتبت بواسطة راحل مع الايام
