هنا

[رحيق العطر]

انــا بـنــت ذلـك الـفـقـــيــر - الـبــارت الـسـادس

- اراقب ؟
شفته صافن علينا رديت باوعت على سمر
- حتى اذا ظنج صح هذا يعني دخلت حرب بدون مادري و اني والله مو گد هاي الناس ويامن وية رنا بنت الفلاني بالحزب و اني ابوية حتى ماعنده ملف بالحزب ، حرب معروفه نهايتها
- افهمج بس اذا يحبج محد يگدر يمسج او يمس اهلج
- مستحيل احبه و اخلي حياتي و حياة اهلي بخطر
- ابقي بعنادج ابقي عقلج صخر

بارق - تدري احمد ابالي افتحلي محل غذائية
- و شتسوي بي
- باب رزق
باستهزاء - صدك تحجي ، ميادة جيبي كمادات مي بارد الاخ صخن ، ولك محتاج فلوس انت
- خليه طموحه شكو بيها
بارق - مليت من هالوضع اريد تغيير
احمد - محامي انت افهم غذائية شنو، بس فگر مو بيدك
- تعرفني ما ردت القانون ردت كلية تجارة و مصار الشي الاريده
- يعني ما تفكر ترتبط تتزوج تحب تنحب
- هذا يجي باي وقت احمد بس اكو اشياء اذا تروح ما تجي
ميادة - مثليش؟
- حلمي؟
- يعني ما مفكر بالزواج؟
- لا بعدني ويني وين الزواج
ميادة - بالعكس رجال مناقصك شي
- لازم اعتمد على روحي ماخذ فلوس من ابوية و اوكل مرتي
احمد - عمي فلوس ابوك فلوسك خير من الله ما يخلصن
- مراح تفهموني لو احجي لباجر فاتركوا احسن

سمر - اروح اجيب لفات تجين
- لا مابية تعبانة
- اوكي على راحتج ماتاخر عليج مو
تطلعين تخليني ادور عليج
- لا باقية
اخذت جنطتها و طلعت بقيت گاعده بالقاعة كم طالب جانوا بالمقاعد الخلفية ورا اشوي طلعوا

بقيت وحدي كمت اتامل خلص الكورس الاول برمشة عين اباوع ع الطلاب الي يرحون و يجون من يم القاعة ، ما جنت اتخيل نفسي بيوم بهيج مكان اعتبره معجزه اذا تخرجت بسلام
لازم استعد للامتحانات و اخذ المركز الاول حتى يتخفف القسط على ابوية

بالكافتيرا غزوان صافن بغير عالم
عباس - شبي الگنك صافن
- جنت اتوقعها توگع باول محاولة مني
- هيام؟
- اي الظاهر طلعت اصعب من ما توقعتها
- فعلا بعدها مثل ما هاي من اول يوم رغم بنت فقر بس عبرت التوقعات
يبتسم غزوان - معقولة ؟ رزانتها ، تصرفاتها ، القوة الغامضة الي شايلتها
- لا يسمعك عبدالله و راسا ينفذ بيك الرهان
- لا عباس لا ، اوصل بس راح تعبني
يجي عبدالله بيده اللفات - غزوان ما ياكل دايخ بالرهان
غزوان يگوم عن الكرسي - شوي و اجي
- لك وين فلتت

يطلع من النادي يروح للقاعة يدخل يشوفها وحدها يمشي ببطئ لمقعده بحجة ياخذ كتابه
- ارتبكت من دخل لهيت روحي بالدفتر ، بطرف عيني لاحظته اجه تجاهي جمدت وگف فوگ راسي و سلم علية لساني نشل من الخوف كمل كلامه
- دابلغج امتحان باجر اتأجل
رفعت راسي هلكت روحي بالقراية نفسي لعبت من الكتاب هلگد ما قريت
- ليش
يرفع ايده مستغرب - مو احسن؟
- اي ، شكرا
- ما تعرفنا بحضرتج
باستغراب - نعم
- اقصد عدا الاسم ما نعرف شي عنج لان ما حضرتي حفل التعارف ببداية السنة
- اي
- اي ؟
باوع بعيوني نزلت عيني خفت منه
- اترخص
گمت من مقعدي فسحلي مجال طلعت ركض
غزوان وحده - بيج براءة ما شايفها باحد

گعدت يم الصفاصفة ع المصطبة حيلي يرجف اجتي سمر تمشي سريع جان تحجي منفعلة
- لج هاا طالعة مو گلتي مابية ، اووف اوووف الزمي من خرب حظي
اخذت اللفات من ايدها - شبيج
- وگعت اللفة من ايدي بنص الكافتيرا
- يلة فدوة الج لا تنقهرين
- على اللفة القهر لو الفشلة گبال امة محمد الثول كله نزل هناك
تسكت تباوع على هيام - شبيج
- شبية؟
- عبالك مسوية مصيبة و شاردة
- ما شردت طبوا ولد و استحيت عاد طلعت لان وحدي
- القاعة دائما بيها ولد وين الغريب؟ تسكت و تضيق عيونها - اعترفي صارحج احد
- شكد بطرانة
- و رجفة ايدج هاي احجي يولو
- ممد صارحني شبيج غزوان اجة حجة

قاطعتني و شهگت

- غزوان، هاا شگلنا صارحج مو هسة صدگتي كلامي لو لا ، ايا بعير يا غزوان عبالي فقير

- ولج مصارحني اكلتيني بگشوري خلي اكمل
- و سم حتى سم مو كلتي غزوان اجاني و حجة شحجى يعني
- و لا شي بلغني على الامتحان اتأجل
- ايبااخ الحريص على طلاب قاعته ، ولج هو مو وگف و بلغنا كلنا بصوت عالي من طلع الاستاذ
- اي
- وجعي بعد شكو جاي لعد
- لاا مو سألني على حفلة التعارف

[تشارليز ليلان]

جميل قصه روووعه

[رحيق العطر]

جميل قصه روووعه

حضورك الاجمل أسعدني تواجدك