انــا بـنــت ذلـك الـفـقـــيــر - الــبـارت الــرابـــع
- عادي حبي اتشرف
- الي الشرف و ان شاء الله ما نفترق

دخل الاستاذ بكامل قيافته و اناقته وگف على الاستيج

استاذ سالم - السلام عليكم

الطلاب - و عليكم السلام

- اهلا و سهلا بيكم بعالم النظام و العدل و ان شاء الله نقدم الافضل الكم و تقدمون افضل شي عدكم
سمر تهمس - صوته جهوري خوفني
هيام - اي
- هاي بدايتها هيج الله يستر
- اسكتي لا ننطرد

- اعزائي مثل كل سنة اول شي نسوي هو انتخاب ممثل قاعه يكون حلقة وصل بين الطلاب و العمادة ، اذا اكو طالب يشوف نفسه او انتو تشوفوا كفوء لهذه المسؤولية يرشح نفسه و راح نسوي تصويت

احدهم - والله استاذ ما الها غير غزوان لو شتگولون طلاب
الاغلبية - اي غزوان گدها

الاستاذ - شي جميل الاتفاق وينه غزوان
غزوان بهمس - ليش تقررون عني الله يورطكم
يوگف - نعم استاذ
- اسمك الكامل ابني
- غزوان احمد ريس
- تمام غزوان عود راجع رئاسه القسم طبعا اذا ما عندك اعتراض على رأي زملائك
- لا هذا هو استاذ

احمد يهمس - هذا ابن المقدم احمد ريس عرفتي مياده؟
- اي فد ناس عكرة على شنو شايفين نفسهم مادري
- بارق درشح نفسك ترا مو شوية ممثل القاعة حتى له درجات و حصانه
- مالي خلگ دوخه راس
- ليش دوخة بالعكس
- اكفوني الشر
احمد بملل - يوو هذا طاب للكلية من ورا خشمه ، گلنا مغصوب عليها و ابوك جبرك بس عيش الكلية ياخي متتكرر

سمر بهمس : وايواي هذا غزوان تعرفي؟
باستغراب- لا منين اعرفه
- يلقبوا الكنگ مال و حسب و نسب ابن ناس طاگة بالحزب
- انتي منين تعرفين كل هذا
- يمعودة ترا صار يومين نداوم بدون محاضرات
- اها بس صدك مبين داشوف هدومه اعتقد كله من خارج
- لعد شعبالج الي هنا كلهم ناس واصله للستار يلعبون بالفلوس لعب تخيلي حتى اوادم يشترون بيها
- يمة اسم الله شلون يعني
تضحك و تخلي ايدها على حلگها - ولج تعبير مجازي
- خوفتيني سمر
مرت ساعة و نص الاستاذ بس ينطينا توجيهات و طلعت وقت ريست
سمر - يلة گومي
- لا وين خلينا گاعدين
- امشي نفتر شبيج گاعده مثل الدجاجة
تسحبها من ايدها و يطلعن

ميادة - هاي مو سمر بنت استاذ علي؟
احمد - اعرف استاذ علي بس ماعرف بنته و منو هاي الي وياها
- مادري مبينه نموذج من الطبقة المنتهية
- واضح بس شجابها شورطها بهيج كلية
- لاتخاف هيج نماذج يسون كولشي في سبيل يوصولون لمستوانا ، مبين عليها جاية تتصيد حتى ترتقي
- من انعل ابو الفلوس قابل تصيدني
تضحك - شدعوة شبيها مميز حتى شكلها عادي
- فاتنه جدا انتي شمعرفج باذواق الرجال
بارق لك بارق
بارق صافن و مورث جگارة : هممم
- باوع الطاووس الي جاي لك دشوف
يطفي جگارته و يذبها - مني؟ رنا
- اعرف ابد متنطي وجه
رنا تمشي بعصبية منفعلة - هاي صدوك الي سوته امي بية ، شنو هالناس علياء دتشوفين هاي هم تتسمى جامعة؟
- اي والله خنگة تقريبا نفس الوجوه نشوفها كل اسبوع لو بعشاء لو بسهرة عمل
- ليش امي هيج وياية
- انتي مو ابوج قبل تكملين بالخارج
- ما قبلت عاندت شنو وحدج بامريكا؟
- كافي العالم عيونها عليج