ابنادم ايمل
:::::::::::::::::
بعد صحبتنه دايه اشمالك اشبيك,,,
ماورد زرعنه
وانته تنجل,,,,,
بوجه الطفل تصرخ ينزف ادموع,,,,
ومن طرواك اكيد
ابساع يجفل,,,,,
الجلمه التجرحك تنزف اهموم,,,
وتصيبك سهم مسموم
يكتل,,,,
مره اثنين هم الصبر محدود,,,
واذا صبره تعده
ابنادم يمل,,,
حمل اعل المتن من يثكل اهواي,,,
حتماً بلحمل
ياصاحبي يجل,,,
بهذا الكون كلشي ايصير اله احساب,,,,
لغز سر الحياة
ومنهو اله يفل,,,,
لاتشلبه فوك اطيح ياصاح,,,
الطير شما عله
للكاع ينزل,,,
ريض من الاول كتلك امرار,,,
صعبه اعله المحب
كلساعه يعذل,,,,
طافح شفتك مأمن بالايام,,,
ماتدري اعل ساعه
وياك تنكل,,,
دنيه بلاعهد صدكني يفلان,,,
تشربك كور غزلك
فنك تحل,,,,
:::::::::::::::::::::::::::::::::::::::::::::::::
أبو عقيل الدغاري
رد مع اقتباس
المشاركة الأصلية كتبت بواسطة رحيق العطر
