لسانك صونه وحفظ ذاتك
أخلاقك هيه الميزان
ترفع شانك لو بلسانك
منبوذ وتطلع خسران
كل العالم تكَدر تحجي
والأحسن تحجي أبحسان
لازم تتفهم هل معنى
وتعرف ذاتك بالعنوان
ومن تتلفظ شوف الكلمة
فرحه لو صرخة وأحزان
ومن تحجيها بحجي الواثق
بالك لاتطلع ندمان
ومن تطعن بأعراض العالم
باجر عرضك هم ينهان
ارفع شانك وأحفظ ذاتك
لتكَلي زلات ألسان
طبعك هو يوضح المعنى
لو إنسان ولو حيوان
ولأتحسب أنت أحسن واحد
وتتطبع طبع الغربان
لا تتكبر أصلك طينه
وتواضع للياهو الجان
ولو مرة وتريد تناقش
اخفض صوتك بالديوان
ومن ترفع صوتك عـ الأخر
يعني يدل أعله الخسران
ومن تحجي لتعيد الكلمة
هايه من أطباع النسوان
الهيبة المتأصل من ساسه
فارس وتهابه الفرسان
محلاها من تشيد الوادم
وتذكر شخصك بالديوان
ترجيه وخليها بأذنك
تصعد تنزل بطرف اللسان
تحياتي
قاسم البهادلي
رد مع اقتباس
المشاركة الأصلية كتبت بواسطة زْهـرٍآء
