ثورة عاشق
يهز طرفه ويعض شفاه من يشتد
زمر برنو غضبها والمنايه تحد
يتراطن غضب لوكتله انه اهواك
يشد شاجور غيضه والسراكَي تعد
يطلاكَة غضب والماي ما يجزيج
ويالمديرم غوه وجلاب والجرغد
وعدينـا الطوايف من بكر لزبيد
ومثل حسنج ابد للدوم مـاينعد
بهيده هالنفح خصلاتج الزينات
اليسوون كارثه وهالناس تهدد
بهيده من تمر محبوبي يم الدار
يخلخـالك يفزز نـاســنه وتكعد
شوردت الصراحه يابو النون
يهز كَلبـي الرجيف وكلي اتردد
ياعزي وغلاي وعزوتي للدوم
ضم رصعات خدك ناسي هلتحسد
ياصفنة غضب والجاي مامعلوم
ياجله وثريه وخوفي من ترعد
اصيحله بدليلي وخطه مامشغول
تعايني بغضب وعيونها أتردد
حدك والشعر ماظنه هوسة موت
والمسلسل عدل كل ظنتك يشرد
ازعلك يادليلي ودوم ماراضيك
وارد الكَاك شايل شوكَ ومعرد
وهذا الغيض منك مااظنه يهيد
لاترضى عليه من اسكت واكعد
طكَ شريان ثوره ياحبيبي وياي
أوولوصبير شوككَ ماظن يورد
------------------------------------------
للشاعر مناضل الناصر
رد مع اقتباس
المشاركة الأصلية كتبت بواسطة Samer
