السلام عليكم و رحمة الله و بركاته
بما إن البنات مخلوقات عجيبة و يا كثر أنواعهم
فحبيت أكتب عن بعض أنواعهم
الكشيخةهذه البنت من تشم ريحة طلعة تروح تطق لك الميك آب و ذاك اللبس الزين و تقعد تزين في هالشعر يعني ما يهمها رايحة للسوق .. للجامعة... زيارة عائلية . كاشخة كاشخة لو ان شاء الله تاخد لفة حول البيت
العصبية
في نوعية من البنات تعصب بسرعة... و ما تخلي أحد ما تضارب وياه .. و لو تقول لها خير رمتك بأكبر ما عندها و هذه لو تمر الذبابه عند خشمها يا ويلها راحت وطي
الملسونة
هذة لسانها دايم ناشب في حلقها و عسى ما تقولها كلمة إلا ردت عليك بعشر
راعية سوالف
هذه النوعية متعبه يعني تجيك الوحدة تسولف و تسولف.. و ما تقدر تسكتها إذا كنت شاطر سكتها .. و من وين تيب هالسوالف ما أدري... و اتحدى إن خلتك تسولف
الضعيفة
في بنات ضعيفات لكن مو وايد... هذه النوعية يرضون بأي شي... كل شي عندها اللي تبونه... ما تعرف كلمة لا...
فرفوشة و فروحة
يعني تحب الضحك و الفرفشة و التعليق... النكد و الطفش ما تعرفه... و تتعب نفسيا أذا قعدت ويا ناس ثقيلين دم و حتى لو كان ما معاها أحد يضحك و يسولف... تروح و تشوف وجهها بالمراية و تقعد تعلق على نفسها و تضحك ...
شايفة نفسها
يا كثر البنات اللي شايفات أنفسهن ... البعض من البنات يحق لها تشوف نفسها ... ما تكلم الناس إلا من طرف خشمها ... و إذا ردت ترد عقب الشين
الحنانة
هذه الفئة ماشية على هالمثك ... (كثر الدق يفك اللحام) هذه يا ويلك منها إذا بغت منك شي خذته بس مو بالعناد لا بالدندره ... يعني إذا بغت شي تقعد تحن على راسك لين ما تعطيها اللي تباه
الكريمه
هذه رهيبة عسى ما تقول ابي كذا إلا و هي جابته لك.... واذا راحت مكان مثل السوق تشتري لك كل شي
الغيوره
كل البنات غيورات لكن نسبتها تختلف من وحدة للثانية... بعض البنات يغارون ... لكن يحاولون يطورون أنفسهم للوصول لنفس مستوى اللي يغارون منهم... وهذه الغيره زينه... لكن البعض الآخر يغارون و يحشون و يحقدون و بس و هذه الغيره شينه
راعية السوق
هذه لو تجيب طاري السوق و هي نايمه فزت و قامت و راحت السوق لو ما تشتري بس تروح للسوق هذه هي هوايتها
الطبيخة
تلقاها دايم في المطبخ تحوس ما تسولف إلا عن الطبخ و ما تروح عند أحد إلا و صنف من أصناف الطبخ سابقها
أم دميعة
هذه لو تقولها ...بخ ... صاحت ... دمعتها قريبه و على طول تصيح و يا شينها بس القهر إذا الوحدة ما تبي تنزل دمعتها عشان موقف و تنزل ذيك الدموع غصب
والسموحة ..
للامانه منقول
رد مع اقتباس
