هنا

[المستشار القانوني]

الريح تصرعهه
:::::::::::::::::::::::::
انظر للافلاك وشوف كلهه اسرار,,,
ماتقبل نقاش
الباري صانعهه,,,
عظمته الكون من صار بموازين,,,
وشمسنه من الغرب
ميصير مطلعهه,,,
والانسان اصله انخلق من الطين,,,
لنفس الطين باجر
روحه مرجعهه,,,
وانته بدنيتك ياصاحبي تمر ضيف,,
مهما طال عمرك
تره تودعهه,,,
اشكثر تحوي الارض انواع الابار,,
بس مو كلهه
يطلع صافي منبعهه,,,
اذا ورده جميله بروض دنياك,,,
تمتع بيهه شمهه
اوسفه تكطعهه,,
باوع بلمرايه وشوف رسم العوز,,,
وقارن ناس مثلك
حيل لوعهه,,,
انته اشوه بسفينه الماخذلهه اشراع,,,
وغيرك بلجرف
والريح تصرعهه,,,
نام اعلالوساده وفكر بتركيز,,
وجدمك عالرد
المفروض تمنعهه,,,
درب السوء ابعد عنه يفلان,,,
وتفسك كل وكت
ياصاح راجعهه,,,
اعمالك كتاب وكلشي بي مذكور,,
ملك من السماء
بدقه طابعهه,,,
بحر دنياك تدري والهوه ايدوس,,
ومن تغدر الروجه
شلون تمنعهه,,,
عله البر لسه انته وشوف حالك زين,,
لتضيع الفرصه
وروحك اردعهه,,,
تفعل خير باجر هم تشوف الخير,,,
نصيحه من المحب
ياصاحبي اسمعهه,,,
اتفائل وابتسم وامسحهه هالاحزان,,
وبس لتلاثه عينك
خلي مدمعهه,,,
:::::::::::::::::::::::::::::::::::::::::::::::::: ::::::
بقلمـــــــــــــــــــــ ـــــــــــــــــــــــــ ـ ابو عقيل الدغاري

[Haidar Iraq]

والانسان اصله انخلق من الطين ..
النفس الطين باچر روحه مرجعهه ..
وانته ابدنيتك ياصاحبي اتمر ضيف ..
مهما طال عمرك تره اتودعهه ..

شكراً لك ..

[المستشار القانوني]

والانسان اصله انخلق من الطين ..
النفس الطين باچر روحه مرجعهه ..
وانته ابدنيتك ياصاحبي اتمر ضيف ..
مهما طال عمرك تره اتودعهه ..

شكراً لك ..

تسلم اخي ابو كرار

[كبريائي قاهرهم]

جميعها نِعم الله
شكرا لجمال هذه الذائقة و اقحوانها العذب
لا حرمناك دائما وابدا
كل الود مع وافر الاحترام