كيفية اجابة مادة الكيمياء للصف السادس العلمي في الامتحان الوزاري
اولاً :- اياك ثم اياك انك تقرا الاسئلة كلها ثم تجاوب ، الافضل انك اول ما تستلم الأسئلة تخلي دفترك الامتحاني على الاسئلة وفقط تشوف السؤال الأول فرع ألف ( أ) تقراه وتفهم ثم تبدي بالحل ثم تنتقل للفرع باء ( ب) تكمل الحل ، بعد ما خلصت جواب السؤال الأول فتراجع جوابك للفرعين(خطوةخطوة ، رقم رقم) بالنسبة للمسائل (وكلمةكلمة للحفظيات) ثم تنتقل للسؤال الي بعدو وهكذا بالتسلسل وتجاوب على جميع الاسئلة الستة (٦ اسئلة) كأنه ماعندك اي سؤال ترك .
ثانياً :-
- لا تستعجل بالحل ابد على راحتك فكر وجاوب واضح ؟ عندك 3 ساعات وقت كافي فلا تستعجل ابد حتى لا تغلط او تنسى شي.
- في حال صادفك فرع شاك بي او ناسي جزء منو او يعني عندك مشكلة بي ف اعبرو وانتقل للفرع الي بعدو وكمل الحل ، حتى لا يضيع وقتك وتستنزف طاقتك بالتفكير بهذا الفرع ، بالتالي يأثر على باقي اجوبتك ف الأفضل تعبرو وتخلي للنهاية بعد ما تكمل الاسئلة الي تعرفهم ارجع عليه وفكر بي وركز براحتك ، أنت شوي شوي حتبلش تستذكر اذا قاريه لذلك ابد لا تستصعب اي سؤال الا تحاول كل المحاولات عليه بالحل .
ثالثاً :- رتب خطك , حتى المكان المخصص لكل سؤال يكفيك وماتحتاج لتقسيم الصفحة او غيرها ، والكيمياء ما من نوع الي تكون اجوبتها مطولة او بي شرح مطول وسرد مثل الاحياء , بالعكس اقصر وايضاً المسائل مالها مو مطولة مثل الرياضيات لكن مع هذا رتب خطك ودفترك حتى تكون مسيطر والمكان واسع.
رابعاً :- هسه عاد تقدر درجتك وجوابك لكل سؤال لانه انت جاوبت 6 اسئلة فأنت عندك ترك سؤال !! هسه تحسب درجتك ع كل سؤال والسؤال الي مو مقتنع بي امسحو واكتب عليه ترك.
خامساً :-
* تراجع اجوبتك خاف ناسي فرع !
* تراجع اجوبتك خاف مبدل الافرع وتحل جواب الف بمكان فرع الباء !
* تراجع الترك خاف ناسي تترك فرع!
سادساً :- راجع اجوبتك مرة أخرى ثم سلم الدفتر.
رد مع اقتباس