قصيدة ياعطشان مكتوبة
يا عطشـان . . . هـذا الماي و كَوم اويـاي
يا عــريان . . . هـذا إخيــالي يصــير افـيـاي
شــو مـن اجيتـك مـا شفتلك كَـومـة ؟
چــا شنهـي مـــا بيَّن عَلْـيِّ مشتـومـة ؟
ياعطشـان . . . هـذا الماي او كَوم اوياي
***********************
عـبرتك بـس احـس روحـي كَـالت فتـي مـن يَمـه
وكَفـت او شـاورت كَلـبي أَهـيس شـو ثكـل دَمـه
دِرت وجهـي او شفـت شفتـك كـل مـا انـذكــر تضمــه
حنين و عنده بس اسمك اعله فكدك كَلبي شيعلمه
عوف النوم . . . انته اهـواي او همه اهواي
يا عــريان . . . هـذا إخيــالي يصــير افـيـاي
مـــا كَلـت زينــب ويـن يمـجــافينـي
يـالهـــايــد و بمنـاشغـي امـخلينـي
***********************
انشغل بالـي عليك وجيت كَلت معقولة ينسـاني
امدافعهـم خـذاني اعليك مـدري الشـوكَـ جابـاني
ادري احسين مـــا تـرضـى تكَلي ابخيمـتچ تاني
من حركَت خيمنه النار ركضي اعليك طفاني
يالمَمْـدود . . . هسـه اتـوفي التعـب ارباي
يا عــريان . . . هـذا إخيــالي يصــير افـيـاي
چـا اني ألِمَـك و اتعـب اعلـه عيــونك
و همه يجون ابلحظة و يطشـرونك
*************************
ابـدي بيـا جـرح منهــن شعاتب لو اجي ابصفك
و انــه الــ لو امــر يمــك يمكـن حتـى مــا عـرفك
كلهـا ابجفه بـس المـاي هـذا اطـلابه مــا تنفك
يالِميَبِس خضار احسين عندي اعتاب وي جرفك
ليـش احسـين . . . خـليـتـه اويـاك بــلا راي
يا عــريان . . . هـذا إخيــالي يصــير افـيـاي
ناكـر جميـل او حيل ضيكَة اعيونــه
مــن البخـل هـل الله ســالب لــونــه
**************************
وصــلــت المرحلــة يحســين منـهــا ادنــكَـ الــذلـــة
عضم بيه احتمي امن الناس الحافر بيك ما خله
حتى الرمـح عاندني مـن اشتـاكَلك يعلــه
إنزل يا عثكَـ كَلبي و حضني يصيرلك سله
شــابع مــوت . . . و مـوتنـي بهــذا ابچــاي
يا عــريان . . . هـذا إخيــالي يصــير افـيـاي
كَالـولي لِمي اطفالكم من الـبر
و انته و اطفالك ياحسين مطشر
***************************
الشاعر : منتظر حسن الخفاجي
**************
CD955C
DEA976
رد مع اقتباس
