...........
راح أبني وحدي وطن
تسگام اهلنه گبل
سجاده بيد ام زلف
ساس الوطن ينرگم
والحايط الينبني
غيره وكرامه وشرف
شباچه لازم درع
ماينفتح للغرب
ينفتح بس للعرف
حتى العرف ينّشد
جاي انت تخدم وطن
لوجاي وي الحِلف
اشتل سياجه ورد
وسگي الورد بالعرگ
خاطر يخضر تَرِف
والبوب كلها نخل
ما كرّب الينشتل
سلايته تضل رمح
لو تنمد ايد اليگص
منه، بغصب مو رضى
يتجازه بيد الفِلح
والسگف صب من سعف
خاطر تطب الشمس
والضوه يضل مايشح
وافتح مدارس صدگ
وارضى بمدارس گصب
بس كون بيهن ملح
مستشفى اشيّد وفه
ودكتور يخدم صدگ
مو بيده يوصف ذبح
والشارع بلا كنس
بخلاق كون اليمر
يلمع اشوفه الصبح
وراح ازرع بكل گلب
مشروع بس من زرع
شجرة محبه وفرح
تثمر ثمر مو حلو
عكس الشجر من تذب
تثمر محنه وصلح
قلمي
ضياءالصافي
رد مع اقتباس
المشاركة الأصلية كتبت بواسطة سيد الكلمات
